Goa Elections 2022: మోడీ, షాల‌కు చ‌రిత్ర తెలియ‌దు: చిదంబ‌రం సంచ‌ల‌న వ్యాఖ్య‌లు

Goa Elections 2022: ప్రధాని మోడీ, కేంద్ర హోం మంత్రి అమిత్ షాలకు చరిత్ర తెలియదని కాంగ్రెస్ సీనియర్ నేత, గోవాలో పార్టీ వ్యవహారాల ఇన్‌ఛార్జ్‌ పి చిదంబరం ఆరోపించారు.గత అనుభవాలను దృష్టిలో ఉంచుకుని, గోవా శాసన సభ ఎన్నికల్లో కాంగ్రెస్ విజయం సాధిస్తే, ఐదు నిమిషాల్లోనే గవర్నర్‌ను కలిసి ప్రభుత్వాన్ని ఏర్పాటు చేస్తామని చెబుతామన్నారు.  

Goa Elections 2022: ప్రధాని మోడీ, కేంద్ర హోం మంత్రి అమిత్ షాలకు చరిత్ర తెలియదని కాంగ్రెస్ సీనియర్ నేత, గోవాలో పార్టీ వ్యవహారాల ఇన్‌ఛార్జ్‌ పి చిదంబరం ఆరోపించారు. గ‌త అనుభవాల‌ను దృష్టిలో ఉంచుకుని.. గోవా అసెంబ్లీ ఎన్నిక‌ల్లో తాము విజయం సాధిస్తే ఐదు నిమిషాల్లోనే ప్రభుత్వాన్ని ఏర్పాటు చేస్తామని అన్నారు. 

తాజాగా ఆయ‌న జాతీయ మీడియాతో మాట్లాడుతూ..  2017లో జరిగిన పరిణామాలను దృష్టిలో ఉంచుకుని.. ప్ర‌స్తుత  గోవా అసెంబ్లీ ఎన్నికల్లో కాంగ్రెస్ విజయం సాధిస్తే.. ఐదు నిమిషాల్లోనే గవర్నర్‌ను కలుస్తామని, ప్రభుత్వాన్ని ఏర్పాటు చేసేందుకు అవకాశం కల్పించాలని కోరుతామని స్ప‌ష్టం చేశారు. టీఎంసీతో పొత్తు గురించి తమ పార్టీ అధిష్ఠానం నుంచి ఆదేశాలేవీ లేవని తెలిపారు. గోవా ఓటర్లు 10 ఏళ్ల బీజేపీ దుష్టపాలన చూసి మార్పు కోరుకుంటున్నారనీ,  బీజేపీ, ప్రభుత్వ వ్యతిరేక భావాలను ఓట్లుగా మార్చుకునేందుకు ప్రయత్నిస్తున్నామనీ తెలిపారు. కాంగ్రెస్, గోవా ఫార్వర్డ్ పార్టీలు  క‌లిసి ప్రభుత్వాన్ని ఏర్పాటు చేయబోతున్నాయని చెప్పారు.

ఓటర్లకు కాంగ్రెస్‌ ఏం ఆఫర్‌ చేస్తోంది?

గోవా ఓటర్లు ఆప్, టీఎంసీల వాగ్దానాలను సీరియస్‌గా తీసుకోవడం లేదు. దీనికి ప్ర‌ధానం కారణం.. ఢిల్లీలో ఆప్ చేసిన వాగ్దానాలు ఇప్ప‌టికీ అమలు కాలేదు. TMC విషయంలో కూడా ఇదే పరిస్థితి. ఆ హామీలను ఎవరూ సీరియస్‌గా తీసుకోవడం లేదు. గోవా ప్ర‌జ‌ల అవసరాలను దృష్టిలో పెట్టుకుని కాంగ్రెస్ త‌న‌ విజన్ ను విడుదల చేసింద‌ని తెలిపారు. 

గోవాలో ఫిరాయింపు ఎలా ఎదుర్కోబోతున్నారు?

AAP, TMC లు ప్ర‌క‌టించిన‌ అభ్యర్థుల జాబితాలో మొత్తం ఫిరాయింపుదారులైనందున ఎవరూ కూడా కాంగ్రెస్ పార్టీ వైపు వేలెత్తి చూపడం లేదు. ఫిరాయింపుదారులను కాంగ్రెస్ పార్టీలోకి తీసుకోలేదు. 30 మంది కాంగ్రెస్ అభ్యర్థులను స్థానిక బ్లాక్‌లు సిఫార్సు చేశారు. వీరంతా మూడు ప్రార్థనా స్థలాల్లో ప్రతిజ్ఞ చేశారు. మేము వారిని నిర్దిష్ట చట్టపరమైన ప్రభావాలను కలిగి ఉన్న అఫిడవిట్‌లపై సంతకం చేసాము.

కాంగ్రెస్ నేతగా గోవా విముక్తిపై ఎలా స్పందిస్తారు?

పండిట్ నెహ్రూ వ‌ల్ల గోవా విముక్తిని ఆలస్యమ‌య్యింద‌ని బీజేపీ త‌న న‌చ్చిన రీతిలో చరిత్రను తిరగరాస్తుంది. 1947లో భారతదేశం ఓ యువ, స్వతంత్ర దేశం. ప్రపంచ స్థాయిలో మ‌న దేశానికి  స్నేహితులు లేరు. బాండుంగ్ సదస్సు (ఆసియా-ఆఫ్రికా దేశాలు) తీర్మానాలకు అనుగుణంగా ఎనిమిదేళ్లలోనే నెహ్రూ దేశాన్ని ఎంతో నేర్పుగా నడిపించారు. 1961లో సరైన సమయం వ‌చ్చింది. ప్రపంచ వేదికపైకి మనం వచ్చిన వెంటనే గోవాకు విముక్తి చేసాం. ఒక్క దేశం కూడా మమ్మల్ని వ్యతిరేకించలేదు. మోదీ, షా ఏం చెప్పినా..ఏం మాట్లాడినా వారికి చరిత్ర తెలియదని ప్రజలకు తెలుసు.

టీఎంసీతో పొత్తును విర‌మించుకోవడానికి గల కారణాలేంటి?

నిజం ఏమిటంటే, కలిసి పని చేసి కూటమిగా ఏర్పడాలని టిఎంసి సూచించింది. అదే సమయంలో, టిఎంసి కాంగ్రెస్ అభ్యర్థులను వేటాడటం కొనసాగించింది. డిసెంబర్ 16న కాంగ్రెస్ తొలి జాబితాను ప్రకటించింది. టీఎంసీతో చర్చలు జరపాలని నాకు ఎలాంటి ఆదేశాలు రాలేదు.

ఎన్సీపీ, శివసేనతో పొత్తు గురించి?

గోవా శాసన సభ ఎన్నికల్లో పొత్తు కోసం NCP , శివసేన లు కాంగ్రెస్ తో మాట్లాడాయి, కానీ వారు ఎక్కువ సంఖ్యలో సీట్లు అడిగారు. మేము వారి డిమాండ్‌తో ఏకీభవించే స్థితిలో లేము.

గోవాలో మైనింగ్ ప్రధాన సమస్యగా మారుతుందా?

అక్రమ మైనింగ్‌ను సుప్రీంకోర్టు నిషేధించింది. లీగల్ మైనింగ్ నిషేధించబడలేదు. కానీ మనోహర్ పారికర్ యథేచ్ఛగా మైనింగ్ మొత్తాన్ని నిలిపివేశారు. కాంగ్రెస్ ప్రభుత్వం అధికారంలోకి వచ్చిన మూడు నుంచి ఆరు నెలల్లో చట్టబద్ధమైన, స్థిరమైన మైనింగ్‌ను ప్రారంభిస్తామని మేము హామీ ఇస్తున్నామ‌ని చిదంబ‌రం ప్ర‌క‌టించారు.