మంత్రి పదవికి సిద్దూ రాజీనామా

ఛంఢీఘడ్: మంత్రి పదవికి నవజ్యోత్ సిద్దూ ఆదివారం నాడు రాజీనామా చేశారు.కాంగ్రెస్ పార్టీ మాజీ అధ్యక్షుడు రాహుల్ గాంధీకి  తన రాజీనామా లేఖను  సిద్దూ పంపారు.ఈ రాజీనామా లేఖను ఈ ఏడాది జూన్ 10వ తేదీనే సిద్దూ పంపారు.

పంజాబ్ ముఖ్యమంత్రి  అమరీందర్ సింగ్‌తో మంత్రి సిద్దూకు ఇటీవల కాలంలో విభేదాలు నెలకొన్నాయి. దీంతో  సిద్దూ తన మంత్రి పదవికి రాజీనామా చేశారు. మంత్రి పదవికి రాజీనామా ఆమోదం పొందాలంటే ఆ రాష్ట్ర గవర్నర్‌ లేదా ఆ రాష్ట్ర ముఖ్యమంత్రికి రాజీనామా లేఖను పంపాలి.సిద్దూ మాత్రం తన రాజీనామా లేఖను  రాహుల్ కు పంపారు. ఈ మేరకు తన రాజీనామా లేఖను సిద్దూ ట్విట్టర్‌లో పోస్ట్ చేశాడు.