MK Stalin: 'సలహాలు ఇవ్వడానికి కొంతమంది కొత్తగా పుట్టుకొచ్చారు?'
సారాంశం
MK Stalin: తమిళనాడు సీఎం, డీఎంకే అధ్యక్షుడు ఎంకే స్టాలిన్ ప్రధాని మోదీని పరోక్షంగా విమర్శించారు. ఎన్నికల్లో ఉచిత హామీలను ప్రకటించడాన్ని తప్పుపట్టిన మోదీని ఉద్దేశించి, ‘కొంతమంది కొత్తగా పుట్టుకొచ్చారు…’ అని వ్యాఖ్యానించారు.
MK Stalin :భారత రాజకీయాల్లో ఉచిత హామీల అంశం చర్చనీయాంశంగా మారింది. ఈ వ్యవహారం సుప్రీంకోర్టుకు చేరడంతో కోర్టు కూడా దీనిపై ఆందోళన వ్యక్తం చేసింది. ఇదిలా ఉంటే.. తమిళనాడు సీఎం ఎంకే స్టాలిన్ ఉచిత హామీల విషయంలో ప్రధాని మోదీపై విరుచుకుపడ్డారు.
తమిళనాడు ముఖ్యమంత్రి ఎంకే స్టాలిన్ శనివారం ఉచితాల అంశంపై మాట్లాడుతూ.. ఏం చేసినా పేద, బడుగు బలహీన వర్గాల వారిని ఆదుకునేందుకు, వారికి విద్య, వైద్యం అందించామని అన్నారు. అయితే.. వారిపై చేసే ఖర్చు ఉచితమని అనలేమని అన్నారు.
చెన్నైలోని కొలత్తూరు నియోజకవర్గంలోని అరుల్మిగు కపాలీశ్వర్ ఆర్ట్స్ అండ్ సైన్స్ కళాశాలలో ఏర్పాటు చేసిన కార్యక్రమంలో తమిళనాడు ముఖ్యమంత్రి మాట్లాడుతూ.. విద్య, ఆరోగ్యంపై ఖర్చు ఉచితం కాదు. ఎందుకంటే విద్య జ్ఞానానికి సంబంధించినది అయితే వైద్యం ఆరోగ్యానికి సంబంధించినది. ఈ రెండు ప్రాంతాల్లోనూ తగినన్ని సంక్షేమ పథకాలు అమలు చేయాలని ఈ ప్రభుత్వం భావిస్తోందని,
అయితే ఎలాంటి ఉచితాలు ప్రకటించకూడదనే సలహా ఇవ్వాలని అన్నారు. ఈ విషయంపై ఎక్కువ మాట్లాడితే రాజకీయం అవుతుందనీ, కాబట్టి దాని గురించి పెద్దగా మాట్లాడదలుచుకోలేదని అన్నారు. ఎన్నికల విజయం కోసం రాజకీయ పార్టీలు ఉచిత హామీలు ప్రకటించడంపై ప్రధాని మోదీ విమర్శించారు.
ఇలాంటి ప్రకటనలు దేశం స్వావలంబనగా మారకుండా అడ్డుపడతాయని, పిల్లల హక్కులను హరించివేస్తాయని ప్రధాని ఇటీవల అన్నారు. రాజకీయ పార్టీలు ఉచిత హమీల ప్రకటనలపై ఆందోళన వ్యక్తం చేయడం గమనార్హం. దీంతో పాటు ప్రత్యేక కమిటీని కూడా ఏర్పాటు చేయాలని సూచించారు.