కమల్ హాసన్ ఇంటికి కన్నం వేసేందుకు వచ్చి.. నాలుక కరచుకున్నాడు

ప్రముఖ నటుడు, మక్కల్ నీది మయ్యమ్ పార్టీ అధినేత కమల్ హాసన్ నివాసంలో చోరి చేసేందుకు ఓ వ్యక్తి  విఫలయత్నం చేసి అడ్డంగా దొరికిపోయాడు. చెన్నై నగరంలోని ఆళ్వార్‌పేట ఎల్డామ్స్ రోడ్డు సిగ్నల్ సమీపంలో కమల్ నివాసం ఉంది.

దీనిని ఇంటిగానూ.. తన పార్టీ కార్యాలయంగానూ వినియోగిస్తున్నారు కమల్ హాసన్. నిన్న రాత్రి ఆ ఇంటి ప్రహరీపైకి ఎక్కిన ఓ యువకుడు లోపలకు దూకాడు.. అప్పటికే అక్కడ కాపలాగా ఉన్న సిబ్బంది అతడిని అదుపులోకి తీసుకుని పోలీసులకు అప్పగించారు.. పోలీసులు అతను ఎవరా ఏంటా అని ఆరా తీయగా.. ఆ కుర్రాడు దిట్టకుడి ప్రాంతానికి చెందిన శబరినాధన్ అని తెలిసింది. తాను దొంగతనం కోసమే అక్కడికి వెళ్లానని.. అయితే అది కమల్ ఇల్లు అని తనకు తెలియదని చెప్పుకొచ్చాడు.