పశ్చిమ బెంగాల్ ముఖ్యమంత్రి మమతా బెనర్జీ , ఒడిశా ముఖ్యమంత్రి నవీన్ పట్నాయక్ భువనేశ్వర్‌లో సమావేశమయ్యారు. భారతదేశ సమాఖ్య నిర్మాణాన్ని పటిష్టంగా , శాశ్వతంగా మార్చాలని నిర్ణయించుకున్నట్లు చెప్పారు.
సార్వత్రిక ఎన్నికలు సమీపిస్తున్న క్రమంలో ప్రాంతీయ పార్టీలు ఏకం కావడానికి ప్రయత్నాలు కొనసాగుతున్నాయి. ఈ నేపథ్యంలోనే పశ్చిమ బెంగాల్ ముఖ్యమంత్రి , తృణమూల్ కాంగ్రెస్ (టిఎంసి) అధ్యక్షురాలు మమతా బెనర్జీ గురువారం ఒడిశా సిఎం నవీన్ పట్నాయక్‌ను కలిశారు. భువనేశ్వర్‌లో బిజూ జనతాదళ్ (బిజెడి) అధ్యక్షుడు పట్నాయక్‌ను కలిసిన అనంతరం మమత మాట్లాడుతూ సమాఖ్య నిర్మాణాన్ని పటిష్టంగా, శాశ్వతంగా ఉండాలని నిర్ణయించుకున్నామని చెప్పారు.
భేటీ అనంతరం సీఎం పట్నాయక్ మాట్లాడుతూ.. "ఇది మర్యాదపూర్వక సమావేశం. తీవ్రమైన రాజకీయ విషయాలపై లోతైన చర్చ జరగలేదు. మేము చాలా పాత స్నేహాన్ని పంచుకుంటాము." 2024 లోక్‌సభ ఎన్నికల కోసం థర్డ్ ఫ్రంట్ లేదా ప్రాంతీయ కూటమికి సంబంధించిన ప్రశ్నలను ఇరువురు నేతలు పక్కన పెట్టారు. అనంతరం మమత బెనర్జీ మీడియాతో మాట్లాడుతూ.. “సమాఖ్య నిర్మాణాన్ని బలోపేతం చేయడంపై నవీన్ జీ చేసిన ప్రకటనను నేను గట్టిగా సమర్థిస్తున్నాను. ప్రకృతి వైపరీత్యాలను ఎదుర్కొనే పొరుగు రాష్ట్రాలుగా మేము .. వాటిని ఎలా ఎదుర్కొవాలో గత అనుభవాలను పంచుకుంటాము. ఒడిశాలో తుఫాన్ వచ్చినప్పుడు, పశ్చిమ బెంగాల్ కూడా ప్రభావితమవుతుంది, ”అని ఆమె చెప్పారు.
అనంతరం ప్రాంతీయ పార్టీల గురించి మాట్లాడుతూ.. ''ప్రాంతీయ పార్టీలు ఎప్పుడూ బలంగానే ఉంటాయి. వారు చాలా సమర్థులు. కేంద్ర ప్రభుత్వం పాలసీని ఇస్తుంది , అమలు చేసే అధికారం రాష్ట్ర ప్రభుత్వానిది. కాబట్టి, మేము ఎక్కడికి వెళ్లినా.. ఎవరిని కలిసినా. తాము రాష్ట్ర అభివృద్ధి, సమాఖ్య నిర్మాణం గురించి కూడా చర్చిస్తాము, ”అని ఆమె తెలిపారు. 2024లో ఒడిశా అసెంబ్లీ ఎన్నికలు జరగనున్న నేపథ్యంలో ఈ సమావేశంపై రాజకీయంగా ప్రాధాన్యత సంతరించుకుంది. అయితే, మమత బీజేపీకి వ్యతిరేకంగా ప్రాంతీయ పార్టీల కూటమికి నవీన్ పట్నాయక్ మద్దతు కోరినట్లు తెలిసింది. అయితే, ఈ విషయంపై ఇద్దరు సీఎంలు కూడా ఎలాంటి ప్రకటన చేయలేదు.
మార్చి 17న .. యూపీ మాజీ సీఎం అఖిలేష్ యాదవ్ ను మమత బెనర్జీ కలిశారు. భేటీ అనంతరం ప్రతిపక్షాల ఉమ్మడి వేదికను కనుగొనే ప్రయత్నంలో భాగంగా.. దీదీ ఇతర ప్రతిపక్ష నాయకులను కలుస్తారని టీఎంసీ ప్రకటించింది. అయితే.. ఈ కూటమిలో కాంగ్రెస్‌కు స్థానం లేదు, ఇది విజయవంతమైతే, అనేక రాష్ట్రాలలో విస్తరిస్తున్న ప్రతిపక్ష సమూహం ఆవిర్భవించవచ్చు.
ఖచ్చితంగా చెప్పాలంటే, గతంలో ప్రాంతీయ పార్టీల కూటమిని ఏర్పాటు చేసేందుకు ఇటువంటి ప్రయత్నాలు జాతీయ స్థాయిలో విజయం సాధించలేదు.బెనర్జీ శుక్రవారం కోల్‌కతాలో కర్ణాటక మాజీ ముఖ్యమంత్రి, జనతాదళ్ (సెక్యులర్) నాయకుడు హెచ్‌డి కుమారస్వామిని కలవనున్నారు. గత ఏడాది రాష్ట్రపతి ఎన్నికల సమయంలో బెనర్జీ, కుమారస్వామి ఇద్దరూ కలిసి పనిచేశారు. ఈ వేసవిలో కర్ణాటక ఎన్నికలు జరగనున్నాయి.
అంతకుముందు.. బెనర్జీ పట్నాయక్ నివాసానికి చేరుకున్నారు, అక్కడ ఒడిశా ముఖ్యమంత్రి జగన్నాథుని వస్త్రాన్ని సమర్పించి ఆమెకు స్వాగతం పలికారు.బెనర్జీ పట్నాయక్‌కు శాలువా కప్పి సత్కరించారు. జగన్నాథ ఆలయంలో మమత పూజలు.. అంతకుముందు బుధవారం, మమతా బెనర్జీ చారిత్రాత్మక జగన్నాథ ఆలయంలో ప్రార్థనలు చేశారు. దీనితో పాటు పూరీకి వచ్చే ప్రజలు బస చేసేందుకు 'బెంగాల్ నివాస్' నిర్మాణానికి శ్రీ జగన్నాథ దేవాలయం సమీపంలో ప్లాట్‌ను ఎంపిక చేశారు. ప్రతి సంవత్సరం లక్షలాది మంది బెంగాలీలు పూరీకి వస్తుంటారని, వారిలో చాలా మంది బస చేసేందుకు ఇబ్బందులు ఎదుర్కొంటున్నారని ఆయన చెప్పారు. ఈ భూమి పూరి-బ్రహ్మగిరి రహదారిలో గిరాల వద్ద 12వ శతాబ్దపు ఆలయానికి 20 నిమిషాల దూరంలో ఉంది.
VIDEO | West Bengal CM meets Odisha CM in Bhubaneswar today. The West Bengal CM is on a three-day visit to Odisha. pic.twitter.com/k8mO4AjUGy
— Press Trust of India (@PTI_News)