ఫ్యాషన్‌ షోలో విషాదం.. లైటింగ్‌ ట్రస్‌ విరిగిపడి మోడల్‌ మృతి.. మరొకరి పరిస్థితి విషమం.. 

నోయిడా ఫిల్మ్ సిటీలోని ఓ స్టూడియోలో ఈ ఫ్యాషన్ షో విషాదకర ఘటన చోటు చేసుకున్నది. లైటింగ్ ట్రస్ అనూహ్యంగా  మోడల్‌పై పడడంతో అక్కడికక్కడే ప్రాణాలు కోల్పోయింది. మరో మోడల్‌కు గాయాలయ్యాయి.   

నోయిడా ఫిల్మ్ సిటీలోని ఓ స్టూడియోలో ఈ ఫ్యాషన్ షో విషాదకర ఘటన చోటు చేసుకున్నది.  లక్ష్మీ స్టూడియోలో ర్యాంప్‌పై క్యాట్‌వాక్ చేస్తున్న మోడల్‌పై లైటింగ్ ట్రస్ పడింది. దీంతో ఆ మోడల్‌ అక్కడికక్కడే ప్రాణాలు కోల్పోయింది. మరో మోడల్‌కు గాయాలయ్యాయి. సమాచారం అందుకున్న పోలీసులు సంఘటనా స్థలానికి చేరుకొని మృతదేహాన్ని స్వాధీనం చేసుకున్నారు.

పోలీసులు తెలిపిన వివరాల ప్రకారం.. ఫిల్మ్ సిటీ లోని సెక్టార్-16ఎలోని టి-సిరీస్ కంపెనీకి చెందిన లక్ష్మీ స్టూడియోలో ఆదివారం ఆల్ ఇండియా రన్‌వే పేరుతో ఫ్యాషన్ షో నిర్వహించింది. ఆదివారం మధ్యాహ్నం 1.30 గంటల ప్రాంతంలో ర్యాంప్‌పై మోడల్స్ క్యాట్‌వాక్ చేసున్నారు.  అకస్మాత్తుగా వేదికపై ఉన్న లైటింగ్ ట్రస్ మోడల్ వంశిక చోప్రా(24) పై పడింది. తీవ్రంగా గాయపడిన వంశిక అక్కడికక్కడే మృతి చెందింది.కాగా వంశికను అనుసరిస్తున్న ఆగ్రా నివాసి మోడల్ బాబీ రాజ్ (35) గాయపడ్డాడు. బాబీని కైలాష్ ఆసుపత్రిలో చేర్చారు. ప్రమాదం జరిగిన వెంటనే ఫ్యాషన్ షోను రద్దు చేశారు. ఈ కేసులో స్టూడియో మేనేజర్‌ని, షో నిర్వాహకుడిని, లైటింగ్ ట్రస్‌ను అమర్చిన కాంట్రాక్టర్‌ను అదుపులోకి తీసుకుని పోలీసులు విచారణ ప్రారంభించారు. ప్రమాదం జరిగిన సమయంలో స్టూడియో ఆవరణలో 30 మందికి పైగా ఉన్నారు.

ఫిల్మ్ సిటీ లోని సెక్టార్-16ఎలోని టి-సిరీస్ కంపెనీకి చెందిన లక్ష్మీ స్టూడియోలో ఆదివారం ఆల్ ఇండియా రన్‌వే పేరుతో ఫ్యాషన్ షో నిర్వహిస్తున్నట్లు ఏసీపీ రజనీష్ వర్మ తెలిపారు. యూపీలోని పలు జిల్లాలతో పాటు ఢిల్లీ నుంచి మోడల్స్ ఇందులో పాల్గొన్నారు. మధ్యాహ్నం 1.30 గంటల ప్రాంతంలో మోడల్స్ ఒక్కొక్కరుగా ర్యాంప్‌పై క్యాట్‌వాక్ చేస్తున్నారు. అకస్మాత్తుగా వేదికపై ఉన్న లైటింగ్ ట్రస్ మోడల్ వంశిక చోప్రాపై పడింది. తీవ్రంగా గాయపడిన వంశిక అక్కడికక్కడే మృతి చెందింది.

అదే సమయంలో, వంశిక వెనుక క్యాట్‌వాక్ చేస్తున్న బాబీ రాజ్ కూడా లైటింగ్ ట్రస్ పట్టుకోవడంతో గాయపడ్డాడు. బాబీ తలపై, ఇతర శరీర భాగాలపై గాయాలయ్యాయి. ప్రమాదం గురించి స్టూడియో యాజమాన్యం నుంచి సమాచారం అందిన వెంటనే పోలీసులు ఘటనాస్థలికి చేరుకున్నారు. ప్రమాదంపై పోలీసులు వంశిక బంధువులకు సమాచారం అందించారు. ఘటన అనంతరం ఫ్యాషన్ షో నిర్వాహకులు, స్టూడియో మేనేజర్, లైటింగ్ ట్రస్ట్ కాంట్రాక్టర్ తదితరులను విచారిస్తున్నారు. అనే కోణంలో పోలీసులు దర్యాప్తు చేస్తున్నారు.