జమ్మూలో ముగ్గురు చిన్నారులను పొట్టన బెట్టుకున్న చిరుతపులి..

ఉత్తర కాశ్మీర్ జిల్లాలో చిరుతపులుల దాడిలో ముగ్గురు చిన్నారులు మృతి చెందిన విషాద ఘటనలు చోటు చేసుకున్నాయి. ఇవి ఉత్తర కాశ్మీర్ జిల్లాలోని ఉరీలోని ప్రాంతాలైన కల్సన్ ఘాటి, బోనియార్ లలో జరిగాయని అధికారులు తెలిపారు.

శ్రీనగర్ : జమ్మూ కాశ్మీర్‌లోని బారాముల్లా జిల్లాలోని ఉరి ప్రాంతంలో గత కొన్ని రోజులుగా చిరుతపులి ముగ్గురు పిల్లలను చంపింది. అందుబాటులో ఉన్న అన్ని వనరులను సమీకరించడం ద్వారా పెద్దపులిని పట్టుకోవడం లేదా చంపడం కోసం మంగళవారం పరిపాలన ఆదేశాలు జారీ చేసినట్లు అధికారులు తెలిపారు.
ఉత్తర కాశ్మీర్ జిల్లాలోని ఉరీలోని... కల్సన్ ఘాటి, బోనియార్ ప్రాంతాల్లో చిరుతపులుల దాడిలో చిన్నారులు మృతి చెందిన మూడు వేర్వేరు ఘటనలు చోటు చేసుకున్నాయని వారు తెలిపారు.

ప్రజల రక్షణ, భద్రతను కాపాడడానికి.. రక్షణ చర్యలను నిర్ధారించడానికి బారాముల్లా డిప్యూటీ కమిషనర్ (DC) సయ్యద్ సెహ్రీష్ అస్గర్ వేగంగా చర్యలు తీసుకున్నారు. ఈ క్రమంలో మంగళవారం అందుబాటులో ఉన్న అన్ని వనరులను సమీకరించడం ద్వారా చిరుతపులిని పట్టుకోవడం లేదా హతమార్చడం చేయాలని అధికారులను ఆదేశించినట్లు అధికారిక ప్రతినిధి తెలిపారు.

ఎటువంటి అవాంఛనీయ సంఘటనలు జరగకుండా మాన్-ఈటర్ చిరుతపులిని వేటాడేందుకు తక్షణ, అవసరమైన కార్యాచరణ ప్రణాళికను చర్చించడానికి సంబంధిత వాటాదారులతో తన కార్యాలయంలో ఏర్పాటు చేసిన సమావేశంలో అస్గర్ ఈ ఆదేశాలు జారీ చేశారని ప్రతినిధి తెలిపారు. సంబంధిత అధికారులు సమన్వయంతో పనిచేయాలని నొక్కిచెప్పిన DC, అవసరమైతే మిలిటరీ/పారామిలిటరీ బలగాల సహాయం తీసుకోవాలని, వీలైనంత తక్కువ సమయంలో మనిషి రుచి మరిగిన పులిని నియంత్రించేలా చూడాలని ఆదేశించారు.

చిరుతపులిని వేటాడేందుకు అవసరమైన అనుమతిని ఉన్నతాధికారులు మంజూరు చేశారని అస్గర్ తెలిపారు. విలువైన మానవ జీవితాల భద్రతతో పాటు వన్యప్రాణుల వనరుల రక్షణకు జిల్లా యంత్రాంగం అత్యంత ప్రాధాన్యతనిస్తుందని, దీని కోసం సాధ్యమైన ప్రతి చొరవ, ప్రయత్నాన్ని అన్వేషించాలని డీసీ అన్నారు. కాగా, సబ్-డివిజనల్ మేజిస్ట్రేట్, Uri, 'చేయవలసినవి, చేయకూడనివి' రూపంలో మార్గదర్శకాలను జారీ చేశారు. ప్రజలు తమ రక్షణ కోసం ఈ సలహాలను అనుసరించాలని సాధారణ ప్రజలకు విజ్ఞప్తి చేశారు. పిల్లలను ఒంటరిగా, అనవసరంగా అడవులకు వెళ్లనివ్వవద్దని ప్రజలకు సూచించారు.

కాగా, మూడు వారాలుగా ఆంధ్రప్రదేశ్ లోని కాకినాడ జిల్లా వాసులకు బెంగాల్ టైగర్ చుక్కల చూపిస్తుంది. బోనులో చిక్కినట్టే చిక్కి తప్పించుకుంటుంది. తిరిగిన చోట తిరగకుండా పులి స్థానికులకు కంటి మీద కునుకు లేకుండా చేస్తుంది. పులిని పట్టుకునేందుకు అటవీశాఖాధికారులు చేస్తున్న ప్రయత్నాలు ఫలించలేదు. పులి తిరిగిన ప్రాంతాల్లో ఫారెస్ట్ అధికారులు కెమెరాలను ఏర్పాటు చేశారు. ఈ కెమెరాల్లో పులి తిరిగిన ఆనవాళ్లు రికార్డయ్యాయి. పులి తిరుగుతుందనే భయంతో రైతులు పొలాలకు కూడా వెళ్లడం లేదు. ఆవులు, మేకలను చంపి తింటూ ఈ ప్రాంతంలో సంచిరిస్తుండడంతో స్థానికులు ఆందోళన చెందుతున్నారు.

28 రోజులుగా కాకినాడ జిల్లాలో పులి సంచారం ప్రారంభమైంది. జిల్లాలోని పొదురుపాక, శరభవరం, ఒమ్మంగి, పాండవుల పాలెం తదితర ప్రాంతాల్లో పులి సంచరించినట్టుగా అధికారులు గుర్తించారు. స్థానికులు అప్రమత్తంగా ఉండాలని కూడా సూచించారు. ఈ ప్రాంతాల్లో బోనులు ఏర్పాటు చేసి పులి కోసం మాంసాన్ని కూడా ఎరగా వేశారు. అయితే బోను వద్దకు వచ్చినట్టే వచ్చిన పులి తిరిగి వెళ్లిపోయింది. ఈ దృశ్యాలను అక్కడే ఏర్పాటు చేసిన కెమెరాలలో రికార్డయ్యాయి.ఈ పులి సంచారంలో 11 గ్రామాల ప్రజలకు కంటిమీద కునుకు లేకుండాపోయింది. మే 25వ తేదీ నుండి పులి కోసం అధికారులు గాలింపు చర్యలు చేపట్టారు.