''ప్రజల వద్దకు ప్రభుత్వం.. కాశ్మీర్ లో ప్రజా-ప్రభుత్వ సంబంధాల నిబంధనలను తిరగరాసిన సర్పంచ్ బబితా భట్''

Kashmir: జ‌మ్మూకాశ్మీర్ లో ప్ర‌జా నాయ‌కుల‌కు ఎప్పుడూ బెదిరింపులు ఉంటూనే ఉంటాయి. మ‌రీముఖ్యంగా మ‌హిళ‌ల ప‌రిస్థితి దారుణం. అయితే, గ‌త‌కొంత కాలంగా మారిన అక్క‌డ ప‌రిస్థితుల మ‌ధ్య ఒక గ్రామానికి ఎన్నికైన మ‌హిళా స‌ర్పంచ్ ప్రజా-ప్రభుత్వ సంబంధాల నిబంధనలను తిరగరాస్తూ.. స‌రికొత్త వ‌ర‌వ‌డిని తీసుకువ‌చ్చారు. త‌న‌దైన త‌ర‌హాలో ముందుకు సాగుతుండ‌టంతో స‌ర్వ‌త్రా ప్ర‌శంస‌లు వెల్లువెత్తులున్నాయి. ఆమె లధూ-ఏ గ్రామ సర్పంచ్ బబితా భట్.   

Sarpanch Babita Bhat: దక్షిణ కాశ్మీర్‌లోని పుల్వామాలోని లధూ-ఈ గ్రామ పంచాయతీ అధ్యక్షురాలిగా బబితా భట్ ఎన్నికయ్యారు. అయితే ఆమె పంచాయతీ అధ్యక్షురాలిగా బాధ్యతలు స్వీకరించి రెండేళ్లు గడుస్తున్నా చాలా మంది గ్రామస్తులకు ఓ మహిళ గ్రామపెద్ద గురించి తెలియలేదు. కాస్త న‌మ్మ‌శ‌క్యంగా అనిపించ‌క‌పోయినా.. ఇది నిజం. ముస్లింలు మెజారిటీగా ఉన్న కాశ్మీర్‌లో ముస్లింయేతర మహిళా గ్రామ నాయకులలో ఒకరైన బబిత.. “ఈ సమాచారం ఉద్దేశపూర్వకంగా మహిళలకు దూరంగా ఉంచబడింది. నేను ప్రభుత్వ పాఠశాల విద్యార్థులతో తిరగడం ప్రారంభించిన తర్వాతనే నా గురించి తెలిసింది. ఈ విష‌యం ఇక్క‌డి అమ్మాయిలు పనిలోకి వచ్చేలా చేశాయి" అని ఆమె చెప్పారు. 

ఉగ్రవాదుల బెదిరింపుల‌ను సైతం లెక్క‌చేయ‌కుండా 2018 పంచాయతీ ఎన్నికల్లో తన గ్రామం నుంచి గెలిచిన బబితా భట్.. త‌న‌కు బెదిరింపులు ఉన్నాయి.. తాను చంపబడతానని తెలిసినా నడవడం ఆప‌లేద‌నీ, ముందుకే త‌న ప్ర‌యాణం ప్రారంభించాన‌ని చెప్పారు. ఇద్దరు చిన్న పిల్లల తల్లి అయిన బబితా భట్ తన కుటుంబం కాశ్మీర్ ను విడిచిపెట్టలేదని చెప్పారు. "మా నాన్న సోమ్ నాథ్ భట్ తమ గ్రామంలోని నలుగురు ప్రధాన వ్యక్తులలో ఒకరు. ప్రతి ఒక్కరికీ జీవితం కష్టంగా ఉండేది, కానీ ఎలాగోలా గ్రామంలోని పాఠశాలలో, తరువాత కళాశాలలో నా చదువును కొనసాగించానని" చెప్పారు. 47 ఏళ్ల బబిత తాను సర్పంచ్ గా ఎన్నికైన తర్వాత తన తండ్రి కోరికను నెరవేర్చాలని నిర్ణయించుకున్నానని చెప్పారు. ప్రభుత్వోద్యోగిగా, రైతుగా గ్రామంలో ఆసుపత్రి, వ్యవసాయ కార్యాలయం ఉండాలని కోరుకున్నారు. ఈ క్ర‌మంలోనే బబిత తన గ్రామంలో ప్రజారోగ్య సదుపాయం పేరుతో పీహెచ్ సీ ఉంది. కానీ ప్రాథమిక ఆరోగ్య కేంద్రం కేవ‌లం భ‌వ‌నంగానే ఉంది. పూర్తి స్థాయి సౌక‌ర్యాలు లేవ‌ని గుర్తించిన బ‌బత‌.. సర్పంచ్ గా ఎన్నిక‌య్యాక‌ డయాగ్నోస్టిక్ ల్యాబొరేటరీ, ఎక్స్ రే యంత్రాల ఏర్పాటుకు నిధులు సమకూర్చారు. ప్రస్తుతం పీహెచ్ సీ పూర్తిస్థాయిలో పనిచేస్తోందని తెలిపారు. 

ప్రతి నెల మొదటి సోమవారం గ్రామసభ సమావేశం ఏర్పాటు చేసి ప్రజలకు సహాయం చేయాల్సిన 25 ప్రభుత్వ శాఖల అధికారులను పిలిపిస్తామని బబిత తెలిపారు. ఇది పెద్ద విజయమనీ, ప్రజల అనేక సమస్యలను అక్కడికక్కడే సమావేశంలో పరిష్కరిస్తామన్నారు. ప్రధాని నరేంద్ర మోడీ ఏర్పాటు చేసిన గొప్ప సంప్రదాయం ఇది.. ఇక్కడ ప్రభుత్వం ప్రజల వద్దకు వస్తోంది తప్ప వేరే మార్గం లేదు. మొదట రెవెన్యూ అధికారిని గ్రామంలో కూర్చోమని చెప్పాను. ప్రజలకు అనేక భూ సంబంధ సమస్యలు ఉండటంతో ఆయనను కలిసేందుకు 10 కిలోమీటర్ల దూరంలో ఉన్న జిల్లా కేంద్రానికి వెళ్లాల్సి వచ్చేది.. ఇప్పుడు ఆ ప‌రిస్థితులు మారిపోయాయి. స్థానిక ముస్లింలు 24 శ్మ‌శాన వాటిక‌ల‌ చుట్టూ గోడలను నిర్మించడానికి కూడా స‌హాయం అందించారు.  ఆక్ర‌మ‌ణ‌కు గురైన, అధ్వాన్న స్థితిలో ఉన్న ప‌రిస్థితుల‌ను దూరంచేస్తూ.. బబిత సర్పంచ్ అయ్యాక ఆక్రమణలు తొలగించి సక్రమంగా భూమిని కేటాయించారు.

ఉగ్రవాదులు దగ్ధం చేసిన 100 ఏళ్ల నాటి పంచాయతీ భవన్ భవనాన్ని పునరుద్ధరించడం ద్వారా దాని గుర్తులన్నింటినీ తొలగించామని, ఆవరణలోని పాఠశాలను భర్తీ చేశామని బబితా భట్ తెలిపారు. పంచాయతీ భవన్ స్థలంలో కార్యాలయం ఏర్పాటుకు అనుమతి కోరుతూ వివిధ శాఖలకు లేఖలు రాయడానికి ఏడాదిన్నర పట్టింది. హయ్యర్ సెకండరీ స్కూల్ క్యాంపస్ లోనే ఉండడంతో విద్యార్థులతో మాట్లాడి వారి సమస్యలు తెలుసుకుంటున్నారు. గ్రామంలోని యువతకు ఆటస్థలం ఇవ్వాలన్నది బబిత తదుపరి ప్రచారం. కాశ్మీర్ లో మాదకద్రవ్యాల వ్యసనం తీవ్రమైన సమస్యగా ఉందని, పిల్లలను దాని నుండి దూరంగా ఉంచడానికి ఉత్తమ మార్గం వారిని క్రీడలకు వెళ్ళేలా చేయడమే అని బబిత అన్నారు. అయితే ఆటస్థలం కోసం కేటాయించిన స్థలంలో వాల్ నట్ చెట్లు ఉన్నాయనీ, వాటిని నరికివేయడానికి ప్రత్యేక అనుమతి అవసరమని తెలిపారు. పిల్లల ఆటస్థల హక్కులను కాపాడేందుకు చెట్ల నరికివేతకు చర్యలు తీసుకుంటామని అధికారులకు అల్టిమేటం ఇచ్చినట్లు బబిత చెప్పారు.

మహిళా సర్పంచ్ గా ఉండటం వల్ల మహిళల స్థితిగతులు ఎలా మారుతాయో వివరిస్తూ.. పాఠశాలకు వెళ్లే పిల్లల ద్వారా మహిళలు త‌న గురించి తెలుసుకున్న తర్వాత మహిళలు ప్రభుత్వంతో సమస్యల పరిష్కారానికి సాయం కోరుతున్నారు. కొన్ని రోజుల క్రితం ఓ నిరుపేద బాలిక ప్రభుత్వ పాఠశాలలో ప్యూన్ గా నియమించాలని సిఫారసు చేయడానికి సాయంత్రం త‌మ ఇంటికి వ‌చ్చింద‌ని గుర్తుచేశారు. రోడ్లు, డ్రైనేజీలు వేయడం, గ్రామాన్ని విద్యుదీకరించడంతో పాటు పుల్వామా దాడిలో మరణించిన సీఆర్పీఎఫ్ జవాన్ల జ్ఞాపకార్థం 40 మొక్కలు నాటి, ఉగ్రవాదుల నుంచి ప్రజలను రక్షించడం ద్వారా ప్రాణాలు కోల్పోయిన వారి జ్ఞాపకార్థం బబిత తన వంతు సహకారం అందించారు. మొక్కలు నాటడం నుంచి అవి పెరిగే వరకు వాటిని సంరక్షించడం వరకు బబిత భట్ వ్యక్తిగత కర్తవ్యంగా భావించారు. తాను ఉద్దేశపూర్వకంగానే ఈ ప్రాజెక్టులో ఎవరినీ భాగస్వామ్యం చేయలేదనీ, తన భర్త, కుమారుడితో కలిసి మొక్కలు నాటేందుకు వెళ్లానని బబిత తెలిపారు.

(ఆవాజ్ ది వాయిస్ సౌజ‌న్యంతో..)