20 వేల కోట్ల డీల్..! 200కు పైగా బ్రహ్మోస్ సూపర్‌సోనిక్ క్రూయిజ్ క్షిపణుల ఆర్డర్..!!

ఇండియన్ నేవీ తన సామర్థ్యాన్ని మరింత పెంచుకోవడానికి ప్రయత్నిస్తుంది. ఈ నేపధ్యంతో నేవీ యుద్ధనౌకల కోసం 200 కంటే ఎక్కువ బ్రహ్మోస్ సూపర్సోనిక్ క్రూయిజ్ క్షిపణులను ఆర్డర్ చేయనున్నట్టు తెలుస్తోంది.

ఉగ్రవాదం,వేర్పాటువాదం, దేశ వ్యతిరేక కార్యకలాపాలు రోజురోజుకు పెరుగుతున్నాయి.ఈ క్రమంలో భారత్ తనని తాను శక్తివంతం చేసుకోవడానికి ప్రయత్నిస్తుంది. ఈ క్రమంలో భారత నౌకాదళం తన బలాన్ని మరింత పెంచుకోడానికి ప్రయత్నిస్తుంది. భారత నౌకాదళం తన యుద్ధనౌకల కోసం 200 కంటే ఎక్కువ బ్రహ్మోస్ సూపర్‌సోనిక్ క్రూయిజ్ క్షిపణుల కోసం ఆర్డర్ చేయనున్నది. ఇందుకోసం 20 వేల కోట్ల రూపాయలకు పైగా ఖర్చు చేయనున్నట్టు తెలుస్తోంది. మెరైన్ ఫోర్స్‌కు చెందిన అన్ని ఫ్రంట్‌లైన్ యుద్ధనౌకలు వాటితో అమర్చబడి ఉంటాయి.

వార్తా సంస్థ ANI ప్రకారం.. ఈ బ్రహ్మోస్ సూపర్‌సోనిక్ క్రూయిజ్ క్షిపణులలో 200 కంటే ఎక్కువ కొనుగోలు చేయాలనే భారత నావికాదళ  ప్రతిపాదన అధునాతన దశలో ఉందని, త్వరలో రక్షణ మంత్రిత్వ శాఖ ఆమోదం పొందే అవకాశం ఉందని సీనియర్ రక్షణ అధికారులు తెలిపారు. నివేదికల ప్రకారం.. ఈ ప్రతిపాదనపై త్వరలో డిఫెన్స్ అక్విజిషన్ కౌన్సిల్ సమావేశంలో చర్చించనున్నారు.

బ్రహ్మోస్ సూపర్‌సోనిక్ క్రూయిజ్ క్షిపణిని ఇటీవల పరీక్షించారు. భారత నౌకాదళ నౌకల కోసం యాంటీ షిప్ , దాడి కార్యకలాపాలలో ఉపయోగించే ప్రధాన ఆయుధం బ్రహ్మోస్. అవి ఆయుధ వ్యవస్థలలో క్రమం తప్పకుండా ఉపయోగించబడుతున్నాయి. బ్రహ్మోస్ సూపర్‌సోనిక్ క్రూయిజ్ క్షిపణిని ఇటీవల కోల్‌కతా క్లాస్ ఫ్రంట్‌లైన్ యుద్ధనౌక నుండి అరేబియా సముద్రంలో పరీక్షించారు. క్షిపణి యొక్క యాంటీషిప్ వేరియంట్ అప్‌గ్రేడ్ చేసిన మాడ్యులర్ లాంచర్‌ను ఉపయోగించి పరీక్షించబడింది. ఈ క్షిపణిని పరీక్షించడం వల్ల నావికాదళం స్వావలంబన పట్ల నిబద్ధత మరింత బలపడిందని నేవీ పేర్కొంది.

ఈ క్షిపణి ఎందుకు ముఖ్యమైనది?

భారతదేశం, రష్యాల జాయింట్ వెంచర్ అయిన బ్రహ్మోస్ ఏరోస్పేస్ సూపర్ సోనిక్ క్రూయిజ్ క్షిపణులను తయారు చేస్తుంది.ఈ క్షిపణులను ఓడలు, జలాంతర్గాములు, విమానం లేదా గ్రౌండ్ ప్లాట్‌ఫారమ్‌ల నుండి ప్రయోగించవచ్చు. గత కొన్ని సంవత్సరాలుగా.. ఈ క్షిపణి యొక్క దాడి సామర్థ్యం పెరిగింది. ఇండో-రష్యన్ జాయింట్ వెంచర్ కంపెనీ తన స్ట్రైక్ రేంజ్‌ను 290 నుండి 400 కి.మీ కంటే ఎక్కువ పెంచడంలో గణనీయమైన విజయాన్ని సాధించింది.