Kumaraswamy నామరూపాలు లేకుండా చేయాలని కుట్రలు.. అంతా సీన్ లేదంటున్న కుమార స్వామి
సారాంశం
Kumaraswamy: భారతీయ జనతా పార్టీ, కాంగ్రెస్లు తమ పార్టీ జనతాదళ్ సెక్యులర్ని నామరూపాలు లేకుండా తుడిచిపెట్టేందుకు ప్రయత్నిస్తోన్నాయని కర్ణాటక మాజీ ముఖ్యమంత్రి హెచ్డి కుమారస్వామి ఆరోపించారు. ఈ విషయలో ఆ రెండు పార్టీలు విజయం సాధించలేవని అన్నారు. బెంగళూరు, మైసూరు ప్రాంతాల్లో తమ పార్టీ చాలా బలంగా ఉందని, అక్కడి నేతలను కొనేయాలని ఈ రెండు పార్టీలూ కుట్రలు చేస్తున్నాయని ఆయన మండిపడ్డారు.
Kumaraswamy: భారతీయ జనతా పార్టీ, కాంగ్రెస్లు తమ పార్టీ జనతాదళ్ సెక్యులర్ను నామరూపాలు లేకుండా చేయాలని కుట్రలు చేస్తున్నారని, తమ నాయకులను ప్రలోభపెట్టాయని కర్ణాటక మాజీ ముఖ్యమంత్రి హెచ్డి కుమారస్వామి ఆరోపించారు. కానీ ఆ రెండు పార్టీలు విజయం సాధించలేవని కుమార స్వామి స్పష్టం చేశారు.
ప్రతి సారీ.. JD(S) "కుటుంబ రాజకీయాలు" చేస్తోందని ఆరోపణలు చేస్తున్నారని, జేడీయూ పార్టీ (ప్రాంతీయ పార్టీ)ని నిలబెట్టడానికి తన తండ్రి, మాజీ ప్రధాని హెచ్డి దేవెగౌడ మరియు ఇతర కుటుంబ సభ్యులు ఎన్నో ప్రయత్నాలు చేశారని, ఎన్నో వ్యయ ప్రయాసలకు ఓర్చామని పేర్కొన్నారు.
జేడీ(ఎస్) నేతలను ప్రలోభపెట్టి కాంగ్రెస్, బీజేపీ నేతలు పాత మైసూరు గురించి మాట్లాడుతున్నారని, దాని కంచుకోటలో చొరబడడమే తమ ఎజెండా అని కుమారస్వామి అన్నారు. ఈ రెండు పార్టీలు కేవలం కొంతమంది నాయకులను ప్రలోభపెట్టినా.. పాత మైసూరు ప్రజల విశ్వాసాన్ని పొందలేవని, "నిజమైన" జెడి (ఎస్) మద్దతుదారులు, కార్యకర్తలు పార్టీని వీడరని స్పష్టం చేశారు.
పాత మైసూరు ప్రాంతంపై కాంగ్రెస్, బీజేపీలకు భయం ఉందని, జేడీ(ఎస్)ను తుడిచిపెట్టేందుకు రెండు పార్టీలు ఈ ప్రాంతంపై దృష్టి పెట్టాలన్నారు. వారి ప్రధాన ఎజెండా JD(S)ని తుడిచిపెట్టడమే మరియు దాని కోసం వారు పోటీ పడుతున్నారని ఆరోపించారు. జేడీ(ఎస్)ని బీజేపీ 'బీ టీమ్'గా కాంగ్రెస్ అభివర్ణించిందని, అయితే ఈ విషయంపై ప్రజలే నిర్ణయం తీసుకుంటారని మాజీ ముఖ్యమంత్రి అన్నారు.
పాత మైసూరు ప్రాంతం కర్ణాటకలోని దక్షిణ జిల్లాలను కలిగి ఉంది. ఈ ప్రాంతం వొక్కలిగ సామాజికవర్గం ఆధిపత్యంలో ఉంది. సాంప్రదాయకంగా JD(S) బలమైన కంచు కోటగా ఉంది. ఈ ప్రాంతంలో జేడీ(ఎస్)కి కాంగ్రెస్ బద్ధ ప్రత్యర్థి. ఇక్కడ బిజెపికి ఉనికి చాలా తక్కువ. రాజకీయంగా మైలేజీని పొందాలని ప్రయత్నిస్తోంది.
తాను రెండుసార్లు ముఖ్యమంత్రి అయ్యానని, ఒకసారి బీజేపీతో, రెండోసారి కాంగ్రెస్తో కలిసి జేడీ(ఎస్)తో పొత్తు పెట్టుకున్నానని కుమారస్వామి చెప్పారు. తానెప్పుడూ స్వతంత్రంగా ప్రభుత్వాన్ని ఏర్పాటు చేయలేదని, జాతీయ పార్టీలు అడ్డంకులు పెట్టడంతో రాష్ట్ర ప్రయోజనాల దృష్ట్యా స్వతంత్రంగా ఎలాంటి నిర్ణయం తీసుకోలేమన్నారు. అందుకే, ఐదేళ్లపాటు స్వతంత్ర ప్రభుత్వాన్ని ఏర్పాటు చేసేందుకు మాకు (జేడీఎస్) అవకాశం ఇవ్వాలని ప్రజలకు విజ్ఞప్తి చేస్తున్నాను.. రాష్ట్రంలో దీర్ఘకాలంగా పెండింగ్లో ఉన్న సాగునీటి ప్రాజెక్టుల సత్వర అమలు చేయాలని కోరుకున్నారు.