గుజరాత్ పోలీసు ట్విట్టర్ ఖాతా హ్యాక్.. ఎలన్ మస్క్ అకౌంట్‌గా మార్చిన దుండగులు

గుజరాత్ పోలీసుల ట్విట్టర్ ఖాతా హ్యాక్‌కు గురైంది. గుజరాత్ పోలీసుల ట్విట్టర్ హ్యాండిల్‌ పేరును ఎలన్ మస్క్‌గా బుద్ధి చెప్పాలి. డీపీలో స్పేస్ షిప్ పిక్ పెట్టారు.  

న్యూఢిల్లీ: గుజరాత్ పోలీసుల ట్విట్టర్ అకౌంట్ హ్యాక్ అయింది. ఆ ట్విట్టర్ అకౌంట్ పేరును ఎలన్ మస్క్‌గా మార్చారు. అంతేకాదు, ఆ ట్విట్టర్ హ్యాండిల్ డీపీ కూడా మార్చేశారు. ఓ స్పేస్ షిప్ ఫొటోను డీపీగా అప్‌లోడ్ చేశారు. ఈ విషయంపై గుజరాత్ హోం శాఖ మంత్రి హర్ష సంఘవి స్పందించారు. 

గుజరాత్ పపలీసుల అధికారిక ట్విట్టర్ హ్యాండిల్ హ్యాక్‌కు గురైందని రాష్ట్ర మంత్రి హర్ష సంఘవి పేర్కొన్నారు. ఈ విషయాన్ని అందరి దృష్టికి తీసుకురావడానికే ఈ ప్రకటన చేస్తున్నట్టు తెలిపారు. తదుపరి నోటీసులు ఇచ్చే వరకు ఈ అకౌంట్ నుంచి వచ్చిన మెస్సేజీలను పరిగణనలోకి తీసుకోవద్దని కోరారు. అయితే, ప్రస్తుతం ఆ ట్విట్టర్ అకౌంట్ మళ్లీ మనుగడలోకి వచ్చినట్టు తెలిసింది.

ఇదే ఏడాది జనవరిలో ఇండియన్ కౌన్సిల్ ఆఫ్ వరల్డ్ ఎఫైర్స్, ఇండియన్ మెడికల్ అసోసియేషన్, మన్ దేశీ మహిళా బ్యాంక్‌ల ట్విట్టర్ అకౌంట్లు హ్యాక్ అయ్యాయి. ఈ హ్యాకర్లు అకౌంట్ పేర్లను ఎలన్ మస్క్‌గా పేర్కొంటున్నారు. గతేడాది డిసెంబర్‌లో ప్రధాని మోడీ పర్సనల్ ట్విట్టర్ హ్యాండిల్‌ స్వల్పంగా హ్యాక్‌కు గురైందని వివరించారు.