G20 summit: జీ-20 నాయ‌కుల‌తో ద్వైపాక్షిక చర్చలు జరపనున్న ప్రధాని మోడీ..

Prime Minister Modi: ప్రపంచ ఆర్థిక వ్యవస్థ, ఇంధనం, పర్యావరణం, వ్యవసాయం, ఆరోగ్యం, డిజిటల్ పరివర్తన వంటి ముఖ్యమైన సమకాలీన అంశాలపై బాలి సమ్మిట్‌లో ప్రధాని మోడీ, ఇతర జీ-20 నాయకులు చర్చిస్తారని విదేశీ కార్యదర్శి వినయ్ క్వాత్రా తెలిపారు. నవంబర్ 14-16 తేదీలలో ఇండోనేషియాలోని బాలిలో 17వ జీ-20 శిఖరాగ్ర సమావేశం జ‌ర‌గ‌నుంది.  

G20 summit in Bali: నవంబర్ 14-16 తేదీలలో ఇండోనేషియాలోని బాలిలో జరిగే 17వ జీ-20 శిఖరాగ్ర సమావేశానికి ప్ర‌ధాని న‌రేంద్ర మోడీ హాజ‌రుకానున్నారు. ఈ క్ర‌మంలోనే ఆయ‌న  2023 సంవత్సరానికి గానూ భారత జీ-20 అధ్యక్షుడిగా డిసెంబర్ 1 నుంచి అధికారికంగా బాధ్యతలు స్వీకరించనున్నారని విదేశీ కార్యదర్శి వినయ్ క్వాత్రా తెలిపారు. వినయ్ క్వాత్రా మీడియాతో మాట్లాడుతూ.. "ప్ర‌ధాని రేంద్ర మోడీ  రేపటి (నవంబర్ 14 సోమ‌వారం) నుండి ఇండోనేషియాలోని బాలిలో జరిగే 17వ G-20 సమ్మిట్‌కు హాజరవుతున్నారు. డిసెంబర్ 1 నుండి ప్రారంభమయ్యే ఒక సంవత్సరం పాటు భారతదేశం G20 అధ్యక్షుడిగా ఉంటుంది" అని తెలిపారు.  

ప్రపంచ ఆర్థిక వ్యవస్థ, ఇంధనం, పర్యావరణం, వ్యవసాయం, ఆరోగ్యం, డిజిటల్ పరివర్తన వంటి ముఖ్యమైన సమకాలీన అంశాలపై బాలి సమ్మిట్‌లో ప్రధాని మోడీ, ఇతర జీ-20 నాయకులు చర్చిస్తారని విదేశీ కార్యదర్శి వినయ్ క్వాత్రా తెలిపారు. "బాలి సమ్మిట్‌లో ప్రధానమంత్రి పాల్గొనే నాయకుల స్థాయిలో 3 వర్కింగ్ సెషన్‌లు ఉంటాయి. వీటిలో ఆహారం & ఇంధన భద్రత, డిజిటల్ ట్రాన్స్‌ఫర్మేషన్ & ఆరోగ్యంపై సెషన్‌లు ఉన్నాయి" అని తెలిపారు. 

భారతదేశం G20 ప్రాధాన్యతలను వివరించడానికి శిఖరాగ్ర సమావేశంలో ప్రపంచ నాయకులతో అనేక ద్వైపాక్షిక సమావేశాలకు ప్రధాని మోడీ హాజరవుతారు. "భారతదేశం అభివృద్ధి చెందుతున్న జీ-20 ప్రాధాన్యతలపై వారికి వివరించడానికి, ఈ ప్రపంచ నాయకులతో ద్వైపాక్షిక చ‌ర్చ‌లు, సంబంధాల బ‌లోపేతం ముఖ్య అంశాలను సమీక్షించడానికి G-20 నాయకులతో అనేక ద్వైపాక్షిక సమావేశాలకు సీఎం మోడీ హాజరవుతారు" అని విదేశాంగ శాఖ తెలిపింది.

భారతదేశం G20 అధ్యక్షుడిగా ఉన్నప్పుడు భార‌త్, ఇండోనేషియా, బ్రెజిల్ ట్రోయికాగా ఉంటాయి. క్వాత్రా మాట్లాడుతూ "మా G-20 ప్రెసిడెన్సీ సమయంలో భారతదేశం, ఇండోనేషియా,బ్రెజిల్ ట్రోయికాగా ఉంటాయి. G20లో ఈ ట్రోయికా వరుసగా అభివృద్ధి చెందుతున్న దేశాలు & అభివృద్ధి చెందుతున్న ఆర్థిక వ్యవస్థలను కలిగి ఉండటం ఇదే మొదటిసారి" అని అన్నారు.