జార్ఖండ్ లోని 33 బడుల్లో శుక్రవారం సెలవు... విచారణకు ఆదేశించిన సర్కారు
సారాంశం
Jharkhand: జార్ఖండ్ లో శుక్రవారం వారానికోసారి సెలవు ఇచ్చిన 33 ప్రభుత్వ పాఠశాలలపై విచారణకు ఆదేశించింది అక్కడి ప్రభుత్వం. అలాగే, ఇక్కడి పాఠశాలల పేర్లు ఉర్దూలో ఉండటం గమనార్హం.
Jharkhand schools: దేశంలోని అన్ని ప్రభుత్వ బడుల్లో ఆదివారం సెలవు దినంగా కొనసాగుతోంది. అయితే, అక్కడి పాఠశాలలో వారంలో శుక్రవారం నాడు సెలవు ఇస్తున్నారు. ఒక్కటి కాదు రెండు కాదు ఏకంగా 33 బడుల్లో శుక్రవారం సెలవు ఇవ్వడం.. దీని గురించి ఉన్నతాధికారులకు గానీ, ప్రభుత్వానికి గానీ ఎలాంటి సమాచారమూ లేదు. సోషల్ మీడియా, టీవీ ఛానల్స్ లో వార్తలు రావడంతో ప్రభుత్వం దీనిపై స్పందిస్తూ విచారణకు ఆదేశాలు జారీ చేసింది. ఈ ఘటన జార్ఖండ్ లో చోటుచేసుకుంది. వివరాల్లోకెళ్తే.. జార్ఖండ్లోని దుమ్కా జిల్లాలోని 33 ప్రభుత్వ పాఠశాలలకు ఆదివారం కాకుండా శుక్రవారం వారం సెలవు ఇస్తున్నారు. దీనికి అధికారులు ఎటువంటి అనుమతి లేదు.
దీనిపై జిల్లా విద్యాశాఖ అధికారులు నివేదిక కోరగా, విచారణ ప్రారంభిస్తామని అధికారులు తెలిపారు. యాదృచ్ఛికంగా, దుమ్కా రాష్ట్ర ముఖ్యమంత్రి హేమంత్ సోరెన్ స్వస్థలం కావడం గమానార్హం. దుమ్కాలోని షికారిపారా బ్లాక్లోని పది, రాణిశ్వర్ బ్లాక్లోని ఎనిమిది, సరయ్యహత్ బ్లాక్లోని ఏడు, జామా బ్లాక్, జర్ముండి బ్లాక్లోని రెండు, కతికుండ్ బ్లాక్, దుమ్కా బ్లాక్లోని ప్రభుత్వ పాఠశాలలకు శుక్రవారం సెలవులు ఇస్తున్నారు. అంతేకాకుండా, ఈ బడులన్నీంటిలో వాటిపేర్లతో పాటుగా "ఉర్దూ పాఠశాల" అని ప్రత్యయం మరో పేరుతో ఉన్న బోర్డులు కూడా ఉన్నాయి. “ఈ విషయంపై విచారించాలని మేము 33 పాఠశాలల బ్లాక్ ఎడ్యుకేషన్ ఆఫీసర్లకు లేఖ రాశాము. అన్ని పాఠశాలల పేర్లలో ఉర్దూ ఉంది' అని దుమ్కా జిల్లా విద్యా సూపరింటెండెంట్ సంజయ్ కుమార్ దాస్ గురువారం తెలిపారు.
శుక్రవారం పాఠశాలలకు సెలవు ప్రకటించామనే సంబంధిత డిపార్ట్మెంట్ నుండి ఎటువంటి ఆదేశాలు జారీ చేయలేదని అధికారి తెలిపారు. “ఈ విద్యాసంస్థలకు ఉర్దూ ఎలా ముడిపడి ఉంది.. ప్రభుత్వ పాఠశాలల్లో శుక్రవారం వారానికొకసారి సెలవును ఏ పరిస్థితుల్లో అందిస్తున్నారనే దానిపై దర్యాప్తు జరుగుతోంది. శుక్రవారం పాఠశాలలు మూసివేయాలని డిపార్ట్మెంట్ నుండి ఎటువంటి ఆదేశాలు లేవు. నివేదిక అందిన తర్వాత, మేము దర్యాప్తు ప్రారంభిస్తాము”అని దాస్ చెప్పారు. ఈ వారం ప్రారంభంలో, జార్ఖండ్లోని కొన్ని ముస్లిం ప్రాబల్య ప్రాంతాలలో పాఠశాలలకు ఆదివారం బదులుగా శుక్రవారం సెలవు ఇస్తున్నట్లు వెలుగులోకి వచ్చిన తరువాత తాను నివేదిక కోరినట్లు రాష్ట్ర విద్యా మంత్రి జాగర్నాథ్ మహ్తో తెలిపారు.
పాఠశాలలకు సెలవులు ఇస్తున్నట్లు వార్తలు వచ్చిన వెంటనే, ప్రభుత్వ ఉత్తర్వులను ఉల్లంఘించి, జమ్తారా జిల్లాలోని డీఈఓలు (జిల్లా విద్యాశాఖాధికారులు), డీఎస్ఈలు (జిల్లా ఉపాధ్యాయ సూపరింటెండెంట్లు)తో సమావేశానికి పిలిచినట్లు మహ్తో తెలిపారు. దీనిపై విచారణ జరిపి వారం రోజుల్లోగా నివేదిక ఇవ్వాలని కోరినట్లు మంత్రి తెలిపారు. “ఈ విషయానికి సంబంధించి ఒక వారంలోపు నివేదికను మేము ఆశిస్తున్నాము. అప్పుడు మేము దానిపై చర్చిస్తాము. ప్రభుత్వ సూచనలను పాటిస్తాం’’ అని మంత్రి అన్నారు. దుమ్కా జిల్లాలోని కొన్ని పాఠశాలలకు శుక్రవారం వారానికోసారి సెలవు ఇస్తున్నారని, జిల్లాలోని ప్రతి బ్లాక్లోని పాఠశాలల నుండి నివేదిక కోరినట్లు దాస్ తెలిపారు. నివేదిక వచ్చిన తర్వాత ఎన్ని పాఠశాలలకు శుక్రవారం సెలవు, ఆదివారం తరగతులు ఉంటాయో తేలిపోనుంది. దుమ్కా జిల్లాలో ఎన్ని పాఠశాలలకు ఉర్దూ పాఠశాలలుగా నోటిఫికేషన్ ఇస్తున్నారనే దానిపై కూడా ఆరా తీస్తున్నారు. అంతేకాదు, కొన్ని ప్రభుత్వ పాఠశాలల ప్రధానోపాధ్యాయులు పాఠశాలలకు ఆదివారం కాకుండా ప్రతి శుక్రవారం వారపు సెలవులు ఇస్తున్నట్లు ధ్రువీకరించారు.