దేశ విభజన శక్తుల ప్రయత్నాలను తిప్పికొట్టిన కేంద్రం: కర్ణాటక సీఎం బసవరాజ్ బొమ్మై
సారాంశం
Karnataka: దేశాన్ని రక్షించడానికి శివాజీ మహారాజ్ చేసిన విధంగా ఆందోళనను ప్రారంభించాల్సిన అవసరం ఎంతైనా ఉందనీ, గోసాయి మఠానికి దేశంలోనే అత్యుత్తమ వంశపారంపర్యం ఉందనీ, దానికి భవానీమాత ఆశీస్సులు ఉన్నాయని కర్ణాటక సీఎం బసవరాజ్ బొమ్మై అన్నారు.
CM Basavaraj Bommai: కొన్ని విభజన శక్తులు భాష, హేతుబద్ధత ఆధారంగా ప్రజలను విభజించడానికి ప్రయత్నిస్తున్నాయని కర్ణాటక సీఎం, భారతీయ జనతా పార్టీ (బీజేపీ) నాయకుడు బసవరాజ్ బొమ్మై పేర్కొన్నారు. అయితే, ప్రధాని నరేంద్ర మోడీ నేతృత్వంలోని కేంద్ర ప్రభుత్వం సమర్థవంతమైన నాయకత్వం కారణంగా వారి ప్రయత్నాలు విఫలమయ్యాయని అన్నారు. "దేశప్రజలు పరోక్షంగా కొన్ని రాజకీయ పార్టీలను గమనిస్తున్నారు, కొన్ని ప్రత్యక్షంగా జాతి వ్యతిరేక శక్తులకు మద్దతు ఇస్తున్నాయి" అని బొమ్మై తెలిపారు. భాష లేదా హేతుబద్ధత పేరుతో కొన్ని విభజన శక్తులు దేశాన్ని విభజించడానికి ప్రయత్నిస్తున్నాయని, అయితే అలాంటి ప్రయత్నాలను కేంద్ర ప్రభుత్వం, ప్రధాని మోదీ, హోం మంత్రి అమిత్ షా తిప్పికొట్టారని ఆయన అన్నారు. దేశ భద్రతతో రాజకీయాలు చేసే వారిని వదిలిపెట్టబోమని ఆయన అన్నారు.
గోసాయి మఠంలో దసరా పండుగలో పాల్గొన్న ముఖ్యమంత్రి బసవరాజ్ బొమ్మై.. మరాఠా యోధుడు ఛత్రపతి శివాజీ ప్రారంభించిన విధంగా విభజన శక్తుల అడ్డుకట్ట వేసే ఆందోళనకు పిలుపునిచ్చారు.
దేశాన్ని రక్షించడానికి శివాజీ మహారాజ్ చేసిన విధంగా ఆందోళనను ప్రారంభించాల్సిన అవసరం ఎంతైనా ఉందనీ, గోసాయి మఠానికి దేశంలోనే అత్యుత్తమ వంశపారంపర్యం ఉందనీ, దానికి భవానీమాత ఆశీస్సులు సైతం ఉన్నాయని ఆయన అన్నారు. శివాజీ తన రాజ్యాన్ని వింధ్యుల నుండి కన్యాకుమారి వరకు పొడిగించారన్నారు. అయితే, ఆయన స్థానిక నాయకులకు ప్రాధాన్యత ఇచ్చారని పేర్కొన్నారు. "గొప్ప మరాఠా యోధుడు రాజ్యంలోని జనాభా కంటే ఆత్మవిశ్వాసం చాలా ముఖ్యమని నిరూపించాడు. అది అతన్ని పెద్ద మొఘల్ సామ్రాజ్యాన్ని ఎదుర్కొనేలా చేసిందని తెలిపారు. శివాజీ మహారాజ్ ఆదర్శాలపై ప్రధాని మోడీ ప్రభుత్వాన్ని నడుపుతున్నారని ఆయన అన్నారు.
దేశంలో ప్రధాని మోడీ సుపరిపాలన అందిస్తున్నారనీ, ప్రతి భారతీయుడు గర్వించదగ్గ విధంగా వ్యవహరిస్తున్నారని అన్నారు. పాపులర్ ఫ్రంట్ ఆఫ్ ఇండియా (పీఎఫ్ఐ)ని నిషేధించడం ద్వారా కేంద్ర ప్రభుత్వం అన్ని జాతి వ్యతిరేక గ్రూపులకు బలమైన సందేశాన్ని పంపిందని బసవరాజ్ బొమ్మై ఇటీవల అన్నారు. 'భారత ప్రభుత్వం సరైన నిర్ణయం తీసుకుంది. ఇది అన్ని జాతి వ్యతిరేక సమూహాలకు ఒక సందేశం. అలాంటి సంస్థలతో సహవాసం చేయవద్దని నేను ప్రజలను కోరుతున్నాను" అని ఆయన అన్నారు.
అలాగే, ప్రధాని నరేంద్ర మోడీ సమర్థవంతమైన పాలన సాగిస్తున్నారనీ, కర్నాటక ప్రభుత్వం ఇదే దారిలో పాలన సాగిస్తున్నదని తెలిపారు. రాష్ట్ర ప్రజల భద్రత, సంక్షేమమే తమ ప్రాధాన్యత అని పేర్కొన్నారు. ఇలాంటి మెరుగైన పాలన అందించడానికి అహర్నిశలు శ్రమిస్తున్న వేలాది మంది అధికారులకు మా ధన్యవాదాలు అని అని బసవరాజ్ బొమ్మై పేర్కొన్నారు.