సోనాలి ఫోగట్ హత్య కేసులో 5వ అరెస్ట్.. సీబీఐ విచారణ చేపట్టాలన్న సీఎం
సారాంశం
సోనాలి ఫోగట్ హత్య కేసులో ఐదవ నిందితుడు రామ మాండ్రేకర్ ను పోలీసులు అరెస్ట్ చేశారు. గతంలో అరెస్టు చేసిన నలుగురు నిందితులను 10 రోజుల పోలీసు కస్టడీకి పంపారు. మరోవైపు ఈ కేసులో సీబీఐ విచారణ జరిపిస్తామని హర్యానా సీఎం మనోహర్ లాల్ ఖట్టర్ ప్రకటించారు
బీజేపీ నాయకురాలు, టిక్ టాక్ స్టార్ సోనాలి ఫోగట్ హత్యకు సంబంధించి గోవా పోలీసులు ఐదవ నిందితుడిని అరెస్టు చేశారు. ఈ కేసులో ఇప్పటికే నలుగురు నిందితులను పోలీసులు అదుపులో తీసుకున్నారు. కాగా.. ఐదో నిందితుడుగా రామ మాండ్రేకర్ను గోవా పోలీసులు అరెస్టు చేశారు. మాండ్రేకర్ పాడ్లర్ దత్ ప్రసాద్ గాంకర్కు డ్రగ్స్ డెలివరీ చేశాడని, ఆ తర్వాత గాంకర్ సుధీర్ సాంగ్వాన్కు డ్రగ్స్ విక్రయించాడని ఆరోపించాడు.
ఈ కేసులో గోవా పోలీసులు ఇప్పటివరకు అరెస్టు చేసిన ఐదుగురిలో గోవా కర్లీస్ రెస్టారెంట్ యజమాని ఎడ్విన్ నూన్స్, డ్రగ్ పెడ్లర్లు దత్ ప్రసాద్ గాంకర్, రామ మాండ్రేకర్, ప్రధాన నిందితులుగా సుధీర్ సాంగ్వాన్, సుఖ్విందర్ సింగ్ ఉన్నారు. శనివారం నాడు కర్లీస్ రెస్టారెంట్లోని టాయిలెట్ల నుండి పోలీసులు సింథటిక్ డ్రగ్స్ను స్వాధీనం చేసుకున్నారు, ఆ తర్వాత రెస్టారెంట్ యజమానిని అరెస్టు చేశారు. అంతకుముందు డ్రగ్ ప్యాడ్లర్ దత్ ప్రసాద్ గాంకర్ను శుక్రవారం రాత్రి అరెస్టు చేశారు. పోలీసులు శనివారం ఇద్దరు ప్రధాన నిందితులతో సహా నలుగురు నిందితులను గోవాలోని మపుసా కోర్టులో హాజరుపరిచారు, కోర్టు వారిని 10 రోజుల పోలీసు కస్టడీకి తరలించారు.
దోషులకు కఠిన శిక్ష : గోవా సీఎం
సోనాలి ఫోగట్ హత్య కేసుపై గోవా ముఖ్యమంత్రి ప్రమోద్ సావంత్ స్పందించారు. సోనాలి ఫోగట్ హత్య కేసులో గోవా పోలీసులు ఖచ్చితంగా నిందితులను పట్టుకుంటారని అన్నారు. ఈ కేసులో ఎవరు ప్రమేయం ఉన్నా.. నిందితులకు కఠిన శిక్ష పడుతోందని అన్నారు. నిందితులు పోలీసుల అదుపులో ఉన్నారని, దర్యాప్తు క్షుణ్ణంగా జరుగుతోందని అన్నారు.
సీబీఐ విచారణ చేపట్టాలన్న హరియాణా సీఎం
సోనాలీ ఫోగాట్ ను హత్య చేయడానికి మెథాంఫేటమిన్ డ్రగ్స్ ఇచ్చినట్టు గోవా పోలీసులు వెల్లడించారు. ఆ డ్రగ్స్ని కర్లీస్ రెస్టారెంట్లోని వాష్రూంల్లో స్వాధీనం చేసుకున్నామని తెలిపారు. కాగా ఈ ఘటనపై సీబీఐ విచారణ జరిపిస్తామని హర్యానా సీఎం మనోహర్ లాల్ ఖట్టర్ ప్రకటించారు. ఈ మేరకు సోనాలీ కుటుంబ సభ్యులను ఆయన.. వారికి ప్రగాఢ సానుభూతి తెలిపారు.
అసలు విషయం ఏమిటి?
ఆగస్ట్ 23న సోనాలి ఫోగట్ గుండెపోటుతో మరణించినట్టు తొలుత ప్రకటించిన. అయితే.. ఆమె కుటుంబ సభ్యులు హత్యగా అనుమానించారు. అలాగే.. సోనాలి శరీరంపై దాడి జరిగినట్టు, గాయం గుర్తులు ఉన్నాయని పోస్ట్మార్టం నివేదికలో వెల్లడైంది. సొనాలి సోదరుడు రింకూ ధాకా తన సోదరి పీఏ సుధీర్ సంగ్వాన్, సుఖ్విందర్ సింగ్ ఆస్తి దురాశతో ఈ నేరానికి పాల్పడ్డారని ఆరోపించారు. రింకూ ధాకా కూడా సోనాలిపై అత్యాచారం జరిగిందని ఆరోపించింది. అదే సమయంలో.. విచారణలో సుధీర్ సాంగ్వాన్ నేరం అంగీకరించాడని నిందితులను కోర్టులో హాజరుపరిచే ముందు గోవా పోలీసులు తెలియజేశారు.
పోలీసులు తెలిపిన వివరాల ప్రకారం.. సోనాలి తాగే నీళ్లలో సుధీర్ సంగ్వాన్ ఏదోక మత్తు పదార్థాన్ని కలిపాడని, ఆ కారణంగా బీజేపీ నాయకుడి ఆరోగ్యం క్షీణించిందని, ఆ తరవాత ఆమె చనిపోయాడని తెలిపారు. సోనాలి పరిస్థితి క్షీణించిన వెంటనే సుధీర్ సంగ్వాన్, సుఖ్విందర్ సింగ్ ఆసుపత్రికి తీసుకెళ్లారని, లేకుంటే ఆమె ప్రాణాలను రక్షించేవారని కూడా ఆరోపణలు వస్తున్నాయి. ఈ విషయానికి సంబంధించి, గోవాలో వారాంతానికి వెళ్లిన సోనాలి ఫోగట్ను పక్కా ప్రణాళికతో హత్య చేసినట్లు చెబుతున్నారు. ప్రస్తుతం ఈ కేసులో పోలీసుల విచారణ కొనసాగుతోంది.