తమిళనాడులో వేర్వేరు రోడ్డు ప్రమాదాలు: తొమ్మిది మంది మృతి

తమిళనాడు  రాష్ట్రంలోని రెండు వేర్వేరు ప్రాంతాల్లో  జరిగిన  రోడ్డు ప్రమాదాల్లో  తొమ్మిది  మంది మృతి చెందారు. 

చెన్నై: తమిళనాడు రాష్ట్రంలో  శుక్రవారంనాడు  జరిగిన  వేర్వేరు రోడ్డు ప్రమాదాల్లో  తొమ్మిది మంది  మృతి చెందారు. రాష్ట్రంలోని   కన్యాకుమారిలో బస్సు, కారు ఢీకొన్నాయి. ఈ ప్రమాదంలో నలుగురు మృతి చెందారు.   మరో ముగ్గురు గాయపడ్డారు. మరో వైపు  రాష్ట్రంలోని మైలాడుదురైలో  బస్సు, బైక్ ను లారీ ఢీకొట్టింది.  ఈ ప్రమాదంలో  ఐదుగురు మృతి చెందారు.  మరో ఆరుగురు గాయపడ్డారు. 

దేశ వ్యాప్తంగా  పలు  రాష్ట్రాల్లో   రోడ్డు ప్రమాదాలు  చోటు  చేసుకుంటున్నాయి.   రోడ్డు ప్రమాదాలకు  డ్రైవర్ల  తప్పిదాలతో పాటు  అతి వేగం కూడా  కారణంగా  పోలీసులు చెబుతున్నారు. ఆంధ్రప్రదేశ్ రాష్ట్రంలోని  ఏవోబీలో ఈ నెల  4న  రోడ్డు ప్రమాదం జరిగింది. ఈ ప్రమాదంలో  ముగ్గురు మృతి చెందారు. 
ట్రాక్టర్ బోల్తా పడడంతో  ముగ్గురు మరణించగా, మరో ఏడుగురు గాయపడ్డారు. బంధువు  అంత్యక్రియలకు హాజరై తిరిగి వస్తున్న సమయంలో ఈ ఘటన చోటు  చేసుకుంది. ఈ నెల  4వ తేదీన  తమిళనాడు  రాష్ట్రంలోని మహాబలిపురంలో  జరిగిన  రోడ్డు ప్రమాదంలో ఆరుగురు మృతి చెందారు. 

ఈ నెల  6వ తేదీన  ఉత్తర్ ప్రదేశ్ రాష్ట్రంలో  రోడ్డు ప్రమాదం జరిగింది. ఈ ప్రమాదంలో  ఐదుగురు మృతి చెందారు.  వ్యాన్, మరో వాహనం ఢీకొనడంతో  ఈ ప్రమాదం  చోటు  చేసుకుంది.  యూపీలోని హర్దోయ్  ప్రాంతంలో  రోడ్డు ప్రమాదం  జరిగింది.  

ఈ నెల  9వ తేదీన  మధ్యప్రదేశ్ రాష్ట్రంలో  బస్సు  బోరాడ్  నదిలో పడిపోయింది. ఈ ప్రమాదంలో  22 మంది మృతి చెందారు. మరో 20 మంది గాయపడ్డారు. బ్రిడ్జి   రెయిలింగ్ ను ఢీకొట్టి బోరాడ్ నదిలో  బస్సు పడిపోయింది.  శ్రీఖండి  నుండి  ఇండోర్  వైపు బస్సు వెళ్తున్న సమయంలో ఈ ప్రమాదం  జరిగింది.

ఛత్తీస్‌ఘడ్  రాష్ట్రంలో  ఈ నెల  10న  ఘోర ప్రమాదం చోటు  చేసుకుంది.  ఈ ప్రమాదంలో  ఒకే కుటుంబానికి  చెందిన నలుగురు మృతి చెందారు. రాష్ట్రంలోని మోర్గా పోలీస్ స్టేషన్ పరిధిలో గల మదన్ పూర్ ఫారెస్ట్ బారియర్ వద్ద ట్రక్కు, కారు ఢీకొట్టింది.  దీంతో  ఒకే కుటుంబానికి  చెందిన నలుగురు మృతి చెందారు.