యూనివర్సిటీ ఫెస్ట్‌లో డ్యాన్స్ చేస్తూ కుప్పకూలిన 26 ఏళ్ల యువకుడు.. మృతి

కర్ణాటకలో ఓ యూనివర్సిటీ కాలేజ్ ఫెస్ట్‌లో డ్యాన్స్ చేస్తూ 26 ఏళ్ల స్టూడెంట్ హఠాత్తుగా ప్రాణాలు కోల్పోయాడు. డ్యాన్స్ చేస్తూనే కుప్పకూలిపోయాడు. సకాలంలో వైద్య సహాయం అందించినప్పటికీ మరణించాడు. ఈ ఘటన శుక్రవారం చోటుచేసుకుంది.  

బెంగళూరు: కర్ణాటకలో అజీమ్ ప్రేమ్‌జీ యూనివర్సిటీ ఫెస్టివల్‌లో డ్యాన్స్ చేస్తూ చేస్తూ ఓ స్టూడెంట్ కుప్పకూలిపోయాడు. ఆ తర్వాత మరణించాడు. ఈ ఘటన శుక్రవారం జరిగింది. డ్యాన్స్ చేస్తూ కుప్పలికూలిన తర్వాత వెంటనే ట్రీట్‌మెంట్ అందించినా ఆ 26 ఏళ్ల యువకుడి ప్రాణాలు నిలువలేవు.

ఎంఏ ఫస్ట్ ఇయర్ స్టూడెంట్ అభిజిత్ షిండే డ్యాన్స్ ఈవెంట్‌లో పేరు నమోదు చేసుకున్నాడు. కాలేజ్ ఫెస్ట్ ఓపెనింగ్ ఈవెంట్‌లో అతను శుక్రవారం డ్యాన్స్ చేశాడు. డ్యాన్స్ చేస్తూనే కుప్పకూలిపోయాడు. ఆ విద్యార్థి గురించిన పూర్తి వివరాలు ఇంకా తెలియరాలేవు. అయితే, అతను మహారాష్ట్రలోని నాసిక్‌కు చెందినవాడని పోలీసులు వివరించారు. శనివారంనాటికి అతని పేరెంట్స్ వచ్చే అవకాశం ఉన్నదని, అప్పటి వరకుు లీగల్ యాక్షన్ నిలిపేసినట్టు చెప్పారు. 

ఈ ఘటనపై తాను కలత చెందుతున్నామని యూనివర్సిటీ ఓ ప్రకటనలో పేర్కొంది. ప్రతి యేటా నిర్వహించే కాలేజ్ ఫెస్ట్ ఓపెనింగ్ సెరెమొనీలో అతడు డ్యాన్స్ చేశాడని, డ్యాన్స్ చేస్తూనే కుప్పకూలిపోయాడని వివరించింది. అతడికి వెంటనే వైద్య సహాయం అందించామని తెలిపింది. అయినా.. అతని ప్రాణాలు దక్కలేవని పేర్కొంది. ఆ ప్రకటనలో వర్సిటీ యాజమాన్యం అతని బంధు మిత్రులకు సానుభూతి తెలిపింది.

క్యాంపస్‌లో నిరసనలు జరుగుతున్నాయి. క్యాంపస్ నుంచి హాస్టల్ వరకు తీసుకెళ్లే షటిల్ బస్ టికెట్ ధరలు పెంచడాన్ని వ్యతిరేకిస్తూ స్టూడెంట్లు నిరాహార దీక్ష చేస్తున్నారు. ఈ కార్యక్రమంలో తొలి రోజు మాత్రమే షిండే పాల్గొన్నాడని, ఆ తర్వాత ఫిబ్రవరి 23, 24వ తేదీల్లో అతను హంగర్ స్ట్రైక్‌లో లేడని వర్సిటీ తెలిపింది.