ఈడీ, సీబీఐ దర్యాప్తులు: సుప్రీంకోర్టులో 14 విపక్ష పార్టీల పిటిషన్

ఈడీ, సీబీఐ దర్యాప్తులపై  విపక్ష పార్టీలు  సుప్రీంకోర్టును ఆశ్రయించాయి. ఈ విషయమై మార్గదర్శకాలు ఇవ్వాలని కూడా  కోరాయి. 

న్యూఢిల్లీ:  ఈడీ, సీబీఐ  ఏకపక్ష దర్యాప్తులపై  సుప్రీంకోర్టులో  14 విపక్ష పార్టీలు  శుక్రవారంనాడు  పిటిషన్ దాఖలు  చేశాయి.  అరెస్ట్‌కు ముందు  అరెస్ట్  తర్వాత  మార్గదర్శకాలను  ఆ పిటిషన్ లో  కోరాయి  14 పార్టీలు.   

బీజేపీయేతర  పార్టీలకు చెందిన  నేతలపై  ఏకపక్షంగా  సీబీఐ, ఈడీలను  కేంద్రం ఉపయోగిస్తుందని  14 పార్టీలు  ఆ పిటిషన్ లో  పేర్కొన్నాయి.  కాంగ్రెస్ పార్టీ నేతృత్వంలోని  14 పార్టీలు  ఈ పిటిషన్ ను దాఖలు  చేశాయి. 

 డీఎంకె, ఆర్‌జెడీ , భారత రాష్ట్ర సమితి, తృణమూల్  కాంగ్రెస్ పార్టీలు  ఈ పిటిషన్ పై సంతకం  చేశాయి.  విపక్ష పార్టీల తరపున  సీనియర్ న్యాయవాది  అభిషేక్ మను సింఘ్వి సుప్రీంకోర్టులో వాదలను  విన్పించారు.   సీజేఐ  డివై చంద్రచూడ్  నేతృత్వంలోని ధర్మాసనం ఈ ఏడాది ఏప్రిల్ 5న విచారణ  చేయనుందని సుప్రీంకోర్టు  తెలిపింది.ఈడీ, సీబీఐ కేసులు  95 శాతం  విపక్ష పార్టీల నేతలపైనే ఉన్నాయని సుప్రీంకోర్టుకు  అభిషేక్ మను సింఘ్వి  చెప్పారు.  అరెస్ట్ కు ముందు , అరెస్ట్  తర్వాత మార్గదర్శకాలను  సుప్రీంకోర్టు ను  సింఘ్వి  అడిగారు. 

నరేంద్ర మోడీపై  రాహుల్ గాంధీ 2019లో  వివాదాస్పద వ్యాఖ్యలు  చేసిన కేసులో  నిన్న  సూరత్ కోర్టు కీలక తీర్పును ఇచ్చింది.ఈ కేసులో రాహుల్ గాంధీకి  రెండేళ్ల  జైలు శిక్షను విధించింది  కోర్టు.   ఆ తర్వాత  బెయిల్  కూడా  ఇచ్చింది  కోర్టు.  ఈ ఘటనను బీజేపీయేతర  పార్టీల  నేతలు, సీఎంలు ఖండించారు.  ఈ విషయమై  ఇవాళ  బీజేపీయేతర పార్టీలతో  కాంగెస్ పార్టీ సమావేశం  ఏర్పాటు  చేసింది.  ఈ సమయంలోనే  సుప్రీంకోర్టులో 14 పార్టీలు పిటిషన్ దాఖలు  చేశాయి. 

ఈడీ, సీబీఐ దర్యాప్తు సంస్థలను  ఉపయోగించి  విపక్ష నేతలను  ఇబ్బంది పెడుతున్నారని  బీజేపీయేతర పార్టీలు విమర్శించాయి.ఈ విషయమై ప్రధాని మోడీకి  ఈ పార్టీలు  ఇటీవలనే  లేఖను రాసిన విషయం తెలిసిందే.  మనీష్ సిసోడియాను  అరెస్ట్ చేసిన  తర్వాత  ఈ లేఖను  విపక్ష పార్టీలు  ప్రధానికి లేఖ  రాశాయి.

2024 పార్లమెంట్ ఎన్నికలు సమీపిస్తున్న సమయంలో  దర్యాప్తు సంస్థల దుర్వినియోగం  మరింత పెరిగే అవకాశం ఉందని  విపక్షపార్టీలు ఆందోళన వ్యక్తం  చేస్తున్నాయి