Hearing Tips ప్రపంచ శ్రవణ దినోత్సవం 2025: వినికిడి సమస్యలకు చెక్ పెట్టాలంటే..

మన జీవితం సాఫీగా ముందుకెళ్లాలంటే వినికిడి సమస్య లేకుండా ఉండటం అత్యంత ఆవశ్యకరం. ఈ సమస్య బారిన పడకుండా ఉండాలంటే ఏం చేయాలంటే..

ప్రపంచ శ్రవణ దినోత్సవం 2025: ప్రపంచ శ్రవణ దినోత్సవం సందర్భంగా, ప్రపంచ ఆరోగ్య సంస్థ (WHO)  చెవుల ఆరోగ్యంపై అవగాహన పెంచడానికి, వినికిడి సామర్థ్యాన్ని కాపాడుకోవడానికి ఐదు ముఖ్యమైన సూచనలు చేసింది. ప్రపంచ ఆరోగ్య సంస్థ సూచనలను పాటిస్తే, చెవుల డాక్టర్ దగ్గరకు వెళ్లకుండా ఉండొచ్చు. ఈ ఐదు సూచనలతో వినికిడి సామర్థ్యాన్ని కాపాడుకోవచ్చు

సౌండ్ తక్కువగా పెట్టండి: హెడ్‌ఫోన్ లేదా స్పీకర్ సౌండ్‌ను 60% కంటే తక్కువగా ఉంచండి, ఎక్కువ సౌండ్ పెట్టుకోకండి.

ఇయర్ ప్లగ్స్ వాడండి: కచేరీలు, నిర్మాణ స్థలాలు వంటి శబ్దాలు ఎక్కువగా ఉండే ప్రదేశాలలో చెవులను రక్షించడానికి ఇయర్‌ప్లగ్‌లు ధరించండి.

క్రమం తప్పకుండా వినికిడి పరీక్షలు: పుట్టిన పిల్లలు, బడికి వెళ్లే పిల్లలు, 50 ఏళ్లు పైబడిన వాళ్లు క్రమం తప్పకుండా వినికిడి పరీక్షలు చేయించుకోవాలి.

HearWHO: ఈ యాప్‌తో ప్రతి సంవత్సరం మీ వినికిడి సామర్థ్యాన్ని పరీక్షించుకోండి. స్కోర్ 50 కంటే తక్కువగా ఉంటే, డాక్టర్‌ను కలవండి.

సహాయక టెక్నాలజీని వాడండి: అవసరమైనప్పుడు వినికిడి యంత్రాలు, ఇతర సహాయక పరికరాలను ఉపయోగించండి.