సంతానోత్పత్తిని పెంచే బెస్ట్ ఫుడ్స్ ఇవే..!

ఈ రోజుల్లో మగవారు, ఆడవారు అంటూ తేడా లేకుండా సంతానోత్పత్తి సమస్యలను ఎదుర్కొంటున్నారు. అయితే ఆహారంలో కొన్ని మార్పులు చేసుకుంటే సంతానోత్పత్తి పెరుగుతుందని నిపుణులు చెబుతున్నారు. 

పిల్లల్ని కనడానికి ప్లాన్ చేసుకున్నవారు కొన్ని ఆహార మార్పులను చేసుకోవాలని నిపుణులు చెబుతున్నారు. ఎందుకంటే ఇవి మీరు తొందరగా గర్భందాల్చడానికి సహాయపడతాయి. కానీ ఆహారం, జీవనశైలి వల్ల మహిళలు, పురుషుల పునరుత్పత్తి ఆరోగ్యంపై పెద్ద ప్రభావం పడుతోంది. మీరు తినే ఆహారాలు, జీవనశైలితో పాటుగా ఇతర కారకాలు సంతానోత్పత్తిని పెంచుతాయి. సంతానోత్పత్తిని పెంచడానికి మహిళలు ఎలాంటి ఆహారాలను తినాలో ఇప్పుడు తెలుసుకుందాం.. 

సంక్లిష్ట పిండి పదార్థాలు 

సంతానోత్పత్తిని పెంచడానికి సంక్లిష్టమైన పిండి పదార్థాలు, తక్కువ ప్రాసెస్ చేసిన ఆహారాలు బాగా ఉపయోగపడతాయి. కుకీలు, కేకులు, వైట్ బ్రెడ్, తెల్ల బియ్యం వంటి శుద్ధి చేసిన కార్బోహైడ్రేట్లు మీ శరీరం ద్వారా సులభంగా గ్రహించబడతాయి. ఇవి రక్తంలో చక్కెరగా మారుతాయి. దీంతో బ్లడ్ షుగర్ లెవెల్స్ పెరుగుతాయి. రక్తంలో చక్కెర పెరుగుదలను తగ్గించడానికి ప్యాంక్రియాస్ రక్తప్రవాహంలోకి ఇన్సులిన్ ను ఉత్పత్తి చేస్తుంది. పలు అధ్యయనాల ప్రకారం.. అధిక ఇన్సులిన్ స్థాయిలు అండోత్సర్గమును నిరోధిస్తాయి. కానీ సంక్లిష్ట కార్బోహైడ్రేట్లు నెమ్మదిగా గ్రహించబడతాయి. ఇవి సాధారణ కార్బోహైడ్రేట్ల కంటే రక్తంలో చక్కెర, ఇన్సులిన్ స్థాయిలపై తక్కువ ప్రభావాన్ని చూపుతాయి. 

యాంటీఆక్సిడెంట్ అధికంగా ఉండే ఆహారాలు

జింక్, ఫోలేట్ వంటి యాంటీఆక్సిడెంట్లు మగ, ఆడ సంతానోత్పత్తిని పెంచుతాయి. ఇవి శరీరాన్ని ఫ్రీరాడికల్స్ నుంచి రక్షిస్తాయి. ఈ ఫ్రీరాడికల్ స్పెర్మ్, గుడ్డు కణాలు రెండింటికీ హాని చేస్తుంది.  యాంటీఆక్సిడెంట్లు సంతానోత్పత్తిపై గణనీయమైన ప్రభావాన్ని చూపొచ్చు లేదా చూపకపోవచ్చు. కానీ అవి సంతానోత్పత్తిని పెంచేందుకు సహాయపడతాయని పరిశోధకులు చెబుతున్నారు. విటమిన్ సి, విటమిన్ ఇ, ఫోలేట్, బీటా కెరోటిన్, లుటిన్ తో సహా ప్రయోజనకరమైన యాంటీఆక్సిడెంట్లు పండ్లు, కూరగాయలు, కాయలు, ధాన్యాలు వంటి ఆహారాలలో సమృద్ధిగా ఉంటాయి. 

ట్రాన్స్ ఫ్యాట్స్ ను నివారించండి

సంతానోత్పత్తి, సాధారణ ఆరోగ్యాన్ని మెరుగుపరచడానికి ఆరోగ్యకరమైన కొవ్వులు ఎంతో సహాయపడతాయి. అందుకే వీటిని క్రమం తప్పకుండా తీసుకోవాలని నిపుణులు చెబుతున్నారు. అయినప్పటికీ ట్రాన్స్ ఫ్యాట్స్ ఇన్సులిన్ సున్నితత్వంపై హానికరమైన ప్రభావాన్ని చూపుతాయి. ఇవి అండోత్సర్గము వంధ్యత్వ ప్రమాదాన్ని పెంచుతాయి. ట్రాన్స్ ఫ్యాట్స్ సాధారణంగా వేయించిన కొన్ని ఆహారాలు, ప్రాసెస్ చేసిన వస్తువులు, కాల్చిన వస్తువులలో ఉంటాయి. ఇవి ఎక్కువగా హైడ్రోజనేటెడ్ కూరగాయల నూనెలలో ఉంటాయి. 

ప్రోటీన్ తీసుకోవడాన్ని పెంచండి

ఐరన్, జింక్, ప్రోటీన్ వంటి పోషకాలు చికెన్, టర్కీ వంటి పౌల్ట్రీలో పుష్కలంగా ఉంటాయి. సీఫుడ్ ప్రోటీన్ కూడా వీటిని ఆరోగ్యకరమైన ప్రత్యామ్నాయాలు. సాల్మన్, ట్యూనా, సార్డినెస్ వంటి కోల్డ్ వాటర్ చేపల్లో డిహెచ్ఎ, ఒమేగా -3 కొవ్వు ఆమ్లాలు పుష్కలంగా ఉంటాయి. ఈ ఆహారాలు ముందస్తు జనన ప్రమాదాన్నితగ్గిస్తాయి. అలాగే శిశువు నాడీ వ్యవస్థ అభివృద్ధికి సహాయపడతాయి. ఒకవేళ మీరు శాఖాహారులైతే సోయా బీన్ ఉత్పత్తులు, చిక్కుళ్ళు, పాల ఉత్పత్తులతో పాటుగా ఇతర బలవర్థకమైన శాఖాహారాలను తినండి. 

అధిక కొవ్వు పాల ఉత్పత్తులు

తక్కువ కొవ్వు పాల ఉత్పత్తులను ఎక్కువగా తీసుకోవడం వల్ల వంధ్యత్వ ప్రమాదం పెరుగుతుంది. కానీ ఎక్కువ కొవ్వుతో పాల ఉత్పత్తులను ఎక్కువగా తీసుకోవడం వల్ల ఆ ప్రమాదం తగ్గుతుంది. వ్యంధ్యత్వ సమస్యను తగ్గించుకోవడానికి ఒక గ్లాసు మొత్తం పాలు లేదా పూర్తి కొవ్వు పెరుగు వంటి ఎక్కువ కొవ్వు ఉన్న పాల ఉత్పత్తలను తీసుకోండి.