శుక్రవారం జారీ చేసిన ఉత్తర్వుల ప్రకారం ఫైనాన్స్, మున్సిపల్ అడ్మినిస్ట్రేషన్ విభాగాల్లో 429 జూనియర్ అకౌంటెంట్ పోస్టులు ఖాళీగా ఉన్నాయి. మున్సిపల్ అడ్మినిస్ట్రేషన్‌లో మరో 1,862 వార్డు ఆఫీసర్లు, ఫైనాన్స్ విభాగాల్లో 18 జూనియర్ ఆడిటర్ల పోస్టుల భర్తీకి ఆమోదం తెలిపింది.
హైదరాబాద్: తెలంగాణ నిరుద్యోగులకు రాష్ట్ర ప్రభుత్వం గుడ్ న్యూస్ తెలిపింది. తెలంగాణ రాష్ట్ర పబ్లిక్ సర్వీస్ కమిషన్ (TSPSC) డైరెక్ట్ రిక్రూట్‌మెంట్ ద్వారా 9,168 గ్రూప్-IV ఖాళీలను భర్తీ చేయడానికి ఆమోదం తెలిపింది.
దీని ప్రకారం త్వరలో శాఖల వారీగా కమిషన్ ప్రత్యేకంగా నోటిఫికేషన్లు జారీ చేయనుంది. వివిధ ప్రభుత్వ శాఖల్లోని శాఖల వారీగా జూనియర్ అకౌంటెంట్, జూనియర్ అసిస్టెంట్ పోస్టులతోపాటు ఖాళీగా ఉన్న పోస్టుల పూర్తి వివరాలను తెలియజేయాలని అధికారులను ఆదేశించారు.
‘‘వాగ్దానాలు, ఆశయాలను నెరవేర్చే నాయకుడు ముఖ్యమంత్రి కే చంద్రశేఖర్‌రావు నేతృత్వంలోని తెలంగాణ ప్రభుత్వం ఇంత పెద్ద సంఖ్యలో పోస్టుల భర్తీకి అనుమతినిచ్చింది. అభ్యర్థులకు శుభాకాంక్షలు' అని ఆర్థిక మంత్రి హరీశ్‌రావు ట్వీట్‌ చేశారు.
శుక్రవారం జారీ చేసిన ఉత్తర్వుల ప్రకారం ఫైనాన్స్, మున్సిపల్ అడ్మినిస్ట్రేషన్ విభాగాల్లో 429 జూనియర్ అకౌంటెంట్ పోస్టులు ఖాళీగా ఉన్నాయి. మున్సిపల్ అడ్మినిస్ట్రేషన్‌లో మరో 1,862 వార్డు ఆఫీసర్లు, ఫైనాన్స్ విభాగాల్లో 18 జూనియర్ ఆడిటర్ల పోస్టుల భర్తీకి ఆమోదం తెలిపింది.
అదేవిధంగా వివిధ విభాగాల్లో మొత్తం 6,859 జూనియర్ అసిస్టెంట్ పోస్టులు ఖాళీగా ఉన్నాయి. ఇందులో అగ్రికల్చర్ అండ్ కో-ఆపరేషన్‌లో 44, పశుసంవర్ధక అండ్ మత్స్యశాఖలో రెండు, బీసీ సంక్షేమంలో 307, సివిల్ సప్లయిస్ లో 72, ఎనర్జీలో 2, పర్యావరణం అండ్ అడవులలో 23, ఫైనాన్స్‌లో 46, జనరల్ అడ్మినిస్ట్రేషన్ లో ఐదు, 338 ఆరోగ్యం అండ్ వైద్యంలో ఉన్నాయి.
ఉన్నత విద్యలో 742, హోమ్ లో 133, పరిశ్రమలు అండ్ వాణిజ్యంలో ఏడు, నీటిపారుదలలో 51, కార్మిక అండ్ ఉపాధిలో 128, మైనారిటీ సంక్షేమంలో 191, మున్సిపల్ అడ్మినిస్ట్రేషన్‌లో 601, పంచాయతీ రాజ్‌లో 1,245, ప్లానింగ్‌లో 2, రెవెన్యూలో 2,0477, ఎస్సీ డెవలప్‌మెంట్‌లో 97, సెకండరీ ఎడ్యుకేషన్‌లో 97, ట్రాన్స్పోర్ట్ లో 2, గిరిజన సంక్షేమంలో 221, స్త్రీ అండ్ శిశు అభివృద్ధి శాఖలలో 18 ఉన్నాయి.