స్టాఫ్‌ సెలక్షన్‌ కమిషన్‌ (ఎస్‌ఎస్‌సి) కానిస్టేబుల్‌ (జనరల్‌ డ్యూటీ)-2021 నోటిఫికేషన్ విడుదల చేసింది. ఈ నోటిఫికేషన్ ద్వారా 25,271 పోస్టులను భర్తీ చేయనుంది. ఇందులో మహిళలకు 2847 పోస్టులు కేటాయించారు.
ప్రభుత్వ ఉద్యోగం చేయాలనుకునే నిరుద్యోగులకు గుడ్‌న్యూస్‌. అందరూ ఎంతగానో ఎదురుచూస్తున్న స్టాఫ్‌ సెలక్షన్‌ కమిషన్‌ (ఎస్‌ఎస్‌సి) కానిస్టేబుల్‌ (జనరల్‌ డ్యూటీ)-2021 నోటిఫికేషన్ విడుదలైంది. స్టాఫ్‌ సెలక్షన్‌ కమిషన్‌ ఈ నోటిఫికేషన్ ద్వారా 25,271 పోస్టులను భర్తీ చేయనుంది. ఇందులో మహిళలకు 2847 పోస్టులు కేటాయించారు.
సెంట్రల్‌ ఆర్మ్‌డ్‌ పోలీసు ఫోర్స్‌, నేషనల్‌ ఇన్వెస్టిగేషన్‌ ఏజెన్సీ, సెక్రటేరియల్‌ సెక్యూరిటీ ఫోర్స్‌, రైఫిల్‌మెన్‌ ఇన్‌ అసోం రైఫిల్స్‌లో కానిస్టేబుళ్ల నియామకానికి ఎస్‌ఎస్‌ఎసీ ఈ నోటిఫికేషన్‌ను విడుదల చేసిందన్న విషయం తెలిసిందే. పదో తరగతి ఉత్తీర్ణత సాధించిన అభ్యర్థులు ఈ పరీక్ష రాసేందుకు అర్హులు. అభ్యర్థులు పూర్తి వివరాలకు https://ssc.nic.in/ వెబ్‌సైట్‌ లో చూడవచ్చు. అలాగే అధికారిక వెబ్‌సైట్‌లో అప్లయ్ చేసుకోవాల్సి ఉంటుంది.
మొత్తం ఖాళీలు: 25, 271 ఇందులో బి‌ఎస్‌ఎఫ్ - 7545, సి‌ఐ‌ఎస్‌ఎఫ్ - 8464, ఎస్‌ఎస్‌బి - 3806, ఐ‌టి‌బి‌పి - 1431, ఏ‌ఆర్- 3785, ఎస్‌ఎస్‌ఎఫ్ - 240 ఉన్నాయి.
అర్హత: 10వ తరగతి పాసైన అభ్యర్థులు దరఖాస్తు చేసుకోవచ్చు.
అభ్యర్థుల వయసు: 18 నుంచి 23 ఏళ్ల మధ్య ఉండాలి. రిజర్వేషన్ల ఆధారంగా వయో పరిమితిలో సడలింపులు ఉంటాయి.
దరఖాస్తు విధానం: ఆన్‌లైన్‌లో దరఖాస్తు చేసుకోవాలి.
దరఖాస్తు ఫీజు: పురుషులకు రూ.100, మహిళలు, ఎస్‌సి, ఎస్‌టి, ఎక్స్‌-సర్వీస్‌మెన్‌ అభ్యర్థులకు ఫీజు లేదు.
also read డిగ్రీ అర్హతతో బ్యాంక్ ఉద్యోగాలు.. నెలకు రూ.29వేల జీతం.. వెంటనే అప్లయి చేసుకోండీ..
వేతనం: ఎంపికైన అభ్యర్థులకు రూ.21,700 నుంచి రూ.69,100 వరకు ఉన్న గ్రేడ్‌ 3 స్థాయి వేతనం లభిస్తుంది.
ఎంపిక ప్రక్రియ: కంప్యూటర్‌ ఆధారిత పరీక్ష (Online Written Examination), ఫిజికల్‌ ఎఫిషియెన్సీ టెస్ట్ (Physical Standards Test), ఫిజికల్‌ స్టాండర్డ్‌ టెస్ట్, వైద్య పరీక్ష (Physical Efficiency Test and Medical Examination)ల ఆధారంగా అభ్యర్థుల తుది ఎంపిక జాబితాను ప్రకటిస్తారు.
ఈ కంప్యూటర్‌ ఆధారిత పరీక్షలో మొత్తం 100 మార్కులకు పరీక్ష నిర్వహించనున్నారు. జనరల్‌ ఇంటలిజెన్స్‌, రీజనింగ్‌, జనరల్‌ నాలెడ్జ్‌, జనరల్‌ అవర్‌నెస్‌, ఎలిమెంటరీ మాథమెటిక్స్‌, ఇంగ్లీష్‌ లేదా హిందీపై ప్రశ్నలు ఉంటాయి. పూర్తి వివరాలకు ఎప్పటికప్పుడు https://ssc.nic.in/ వెబ్‌సైట్‌ చెక్‌ చేసుకుంటూ ఉండాలి.
దరఖాస్తులు ప్రారంభం: 17 జులై 2021
దరఖాస్తులకు చివరితేది: 31 ఆగస్టు 2021
దరఖాస్తు ఫీజు చెల్లించడానికి చివరితేది: 2 సెప్టెంబర్‌ 2021
సీబీటీ పరీక్ష తేదీ: త్వరలో ప్రకటిస్తారు.
అధికారిక వెబ్‌సైట్‌:https://ssc.nic.in/