పాకిస్తాన్ లో దారుణం.. బురఖా వేసుకున్న మహిళను.. వెంటాడి, లైంగిక వేధింపులు..

పాకిస్తాన్ లో దారుణ ఘటన వెలుగులోకి వచ్చింది. బురఖా ధరించి వెడుతున్న మహిళను ఓ ఆకతాయి వెనకనుంచి వేధింపులకు గురిచేసిన ఘటన తీవ్ర నిరసనలకు దారి తీసింది.   

పాకిస్తాన్ : ప్రపంచంలో ఎక్కడ చూసినా మహిళల మీద వేధింపులు నిత్యం జరుగుతూనే ఉన్నాయి. ఓ వైపు మహిళల వేషధారణ వల్లే అఘాయిత్యాలు జరుగుతున్నాయని నోరు పారేసుకుంటుంటే.. పాకిస్తాన్ లో జరిగిన ఘటన వారి నోర్లు మూయించి.. ఆలోచించేలా చేసేదిగా ఉంది. మహిళల వేషధారణలో కాదు..పురుషుల మెదళ్లలోనే, చూపులోనే తేడా ఉందని నిరూపిస్తుంది ఈ ఘటన. నిండుగా బురఖా ధరించిన ఓ మహిళ మీద ఓ ఆకతాయి లైంగిక వేధింపులకు పాల్పడ్డాడు. 

పాకిస్తాన్ లోని ఇస్లామాబాద్‌లో దారుణ ఘటన వెలుగులోకి వచ్చింది. బురఖా ధరించిన ఓ మహిళను గుర్తుతెలియని వ్యక్తి వెనుక నుంచి వేధించిన దారుణమైన చర్య CCTV కెమెరాలో నమోదయ్యింది. ఇస్లామాబాద్‌లోని వీధిలో veiled వేసుకున్న మహిళ నడుచుకుంటూ వెళుతుండగా ఓ వ్యక్తి ఆమెను వెంబడించాడు. ఆ తరువాత వెనుక నుంచి దాడి చేశాడు. ఈ ఘటన మొత్తం వీడియోలో రికార్డ్ అయ్యిందని అక్కడి జియో టీవీ నివేదించింది.

సీనియర్ జర్నలిస్ట్ హమీద్ మీర్ ఈ వీడియోను పోస్ట చేస్తూ ఓ ట్వీట్‌ను షేర్ చేశారు. ఈ సంఘటనలో దోషిని కనిపెట్టడం, అతన్ని శిక్షించడం ద్వారా మరోసారి ఇలాంటి చర్యలకు పాల్పడకుండా ఉండేలా పురుషులందరికీ గుణపాఠం చెప్పాలని ఆమె డిమాండ్ చేశారు.

ఇంతకుముందు, పాకిస్తాన్‌లోని మెట్రో స్టేషన్ వెలుపల పలువురు పురుషులు టర్కీ మహిళను వేధించడం, దాడి చేయడం, వేధించడం వీడియో వైరల్‌గా మారింది. గతేడాది పాకిస్థాన్ స్వాతంత్ర్య దినోత్సవం సందర్భంగా వీడియో తీస్తున్న సమయంలో లాహోర్‌లో వందలాది మంది తనపై దాడి చేశారని టిక్‌టోకర్ ఆరోపించింది. ఆమె ఫిర్యాదు మేరకు రాసిన ఎఫ్‌ఐఆర్‌లో, ఆమె.. తను, తన సహచరులు గుంపు నుండి తప్పించుకోవడానికి ప్రయత్నించినప్పుడు ప్రజలు తన బట్టలు చింపి గాలిలోకి విసిరేశారని ఆరోపించింది.

పాకిస్తాన్‌లో 70 శాతం మంది మహిళలు పని ప్రదేశాల్లో వేధింపులకు గురవుతున్నారని, వారి కష్టాలకు అంతు లేదని నివేదికలు చెబుతున్నాయని ANI నివేదించింది. పాకిస్తాన్, మహిళల హక్కుల కోసం పనిచేస్తున్న వైట్ రిబ్బన్ అనే NGO ప్రకారం, 2004-2016 మధ్య 4,734 మంది మహిళలు లైంగిక హింసను ఎదుర్కొన్నారు. పాకిస్తాన్ ప్రభుత్వం "పని స్థలంలో వేధింపులకు వ్యతిరేకంగా రక్షణ (సవరణ బిల్లు), 2022ను ఆమోదించింది. 2010చట్టంలోని బలహీన నిబంధనలను సవరించింది. 

పాకిస్తాన్ లో ఇటీవలి సంవత్సరాలలో శ్రామిక మహిళల నిష్పత్తిలో గణనీయమైన మార్పు వచ్చింది. అయితే ఆ దేశం మహిళలపై మానసిక, శారీరక, లైంగిక వేధింపుల సమస్యల మీద పోరాడుతోంది. ఈ సమస్యల వల్లవారి సురక్షితమైన కదలికకు ఆటంకం కలిగిస్తుంది. ఇవే వారిని పని చేయడానికి బయట అడుగు పెట్టకుండా చేస్తుంది. ఈ ఘటనతోనైనా మహిళల వస్త్రధారణ మీద, అఘాయిత్యాల మీద ఆలోచించేవారు ఒకసారి తమ వాదనను సరిచూసుకోవాల్సిన అవసరం ఉందని మహిళా సంఘాలు అభిప్రాయపడుతున్నారు.