US presidential elections 2024: అధ్యక్షుడి మానసిక దృఢత్వం, డొనాల్డ్ ట్రంప్‌ను ఓడించగల సామర్థ్యంపై విశ్వాసం కోల్పోయిన డెమొక్రాట్ల నుండి పెరుగుతున్న ఒత్తిడి మధ్య జో బైడెన్ తాను అధ్యక్ష ఎన్నికల బ‌రినుంచి త‌ప్పుకుంటున్న‌ట్టు ప్ర‌క‌టించారు.
US presidential elections 2024: జో బైడెన్ అమెరికా అధ్యక్ష ఎన్నికల రేసు నుండి తప్పుకుంటున్నట్లు ప్ర‌క‌టించారు. గత కొంత కాలంగా ఆయ‌న సొంత నేత‌ల నుంచే ప్ర‌తికూల‌త‌ను ఎదుర్కొంటున్నారు. అధ్యక్షుడి మానసిక దృఢత్వం, డొనాల్డ్ ట్రంప్‌ను ఓడించగల సామర్థ్యంపై విశ్వాసం కోల్పోయిన డెమొక్రాట్ల నుండి పెరుగుతున్న ఒత్తిడి మధ్య జో బైడెన్ తాను అధ్యక్ష ఎన్నికల బ‌రినుంచి త‌ప్పుకుంటున్న‌ట్టు ప్ర‌క‌టించారు. తాను అధ్యక్ష రేసు నుంచి త‌ప్పుకోవ‌డ‌మ‌నేది దేశ ప్ర‌యోజ‌నాల కోసం తీసుకున్న నిర్ణ‌యంగా ఆయ‌న పేర్కొన్నారు.
మాజీ అధ్యక్షుడు బరాక్ ఒబామాతో సహా తన డెమొక్రాట్ మిత్రపక్షాల నుండి పెరుగుతున్న ఒత్తిడి మధ్య 81 ఏళ్ల అమెరికా ప్రెసిడెంట్ జో బైడెన్ మ‌రోసారి ఎన్నికల బ‌రిలో నిల‌వ‌కూడ‌ద‌ని నిర్ణయించుకున్నాడు. జో బైడెన్ ఎక్స్ లో చేసిన ఒక పోస్ట్‌లో.. తన మిగిలిన పదవీకాలం కోసం యునైటెడ్ స్టేట్స్ అధ్యక్షుడిగా తన బాధ్యతలను నెరవేర్చడంపై మాత్రమే దృష్టి పెడతానని పేర్కొన్నారు. "మీ అధ్యక్షుడిగా పనిచేయడం నా జీవితంలో గొప్ప గౌరవం. అధ్యక్ష ఎన్నికల బ‌రి నుంచి నేను తప్పుకోవడం.. పూర్తిగా దేశ ప‌రిస్థితుల‌పై దృష్టి పెట్టడం కోసం.. నా పార్టీకి, దేశానికి మేలు చేస్తుందని నేను నమ్ముతున్నాను. నా మిగిలిన పదవీకాలానికి అధ్యక్షుడిగా నా బాధ్యతలను నెరవేర్చడంపైనే ఉంటుంది" అని జో బైడెన్ పేర్కొన్నారు.
బ్రాండ్ విలువ‌లో తోపులు ఈ ఐదురుగు క్రికెట‌ర్లు !
గత నెలలో తన రిపబ్లికన్ ప్రత్యర్థి డొనాల్డ్ ట్రంప్‌పై టెలివిజన్ చర్చలో ఊహించని విధంగా కామెంట్లతో ప్ర‌భావం చూపక‌పోవ‌డంతో డెమొక్రాటిక్ చట్టసభ సభ్యులు, పార్టీ అధికారుల నుండి గణనీయమైన ఒత్తిడి వచ్చిన తరువాత వైట్ హౌస్ చీఫ్ రేసు నుండి త‌ప్పుకోవాల‌ని జో బైడెన్ నిర్ణయం తీసుకున్నారు. 2025 జనవరిలో తన పదవీకాలం ముగిసే వరకు ప్రెసిడెంట్, కమాండర్-ఇన్-చీఫ్‌గా కొన‌సాగుతాన‌ని జో బైడెన్ పేర్కొన్నారు.
PARIS OLYMPICS: ఒలింపిక్ విజేత‌ల‌కు ఇచ్చే 'గోల్డ్ మెడ‌ల్స్' బంగారంతో చేసిన‌వి కావా?