Ukraine-Russia crisis : ఉక్రెయిన్కు రక్షణ ఆయుధాల సరఫరా కొనసాగిస్తాం- అమెరికా అధ్యక్షుడు జో బిడెన్
సారాంశం
రష్యా దేశానికి చెందిన మిలటరీ ఉక్రెయిన్ ప్రాంతాన్ని చుట్టుముడుతున్న నేపథ్యంలో అమెరికా అధ్యక్షుడు జో బిడెన్ కీలక ప్రకటన చేశారు. రష్యా దండయాత్రకు వ్యతిరేకంగా ఉక్రెయిన్కు రక్షణ ఆయుధాల సరఫరాను అమెరికా కొనసాగిస్తుందని చెప్పారు. ఈ మేరకు వైట్ హౌస్ నుంచి ఆయన ప్రసంగించారు.
రష్యా దండయాత్రకు వ్యతిరేకంగా ఉక్రెయిన్కు రక్షణ ఆయుధాల సరఫరాను యునైటెడ్ స్టేట్స్ కొనసాగిస్తుందని, తూర్పు ఐరోపాలో NATO మిత్రదేశాలను బలోపేతం చేయడానికి మరిన్ని US దళాలను మోహరిస్తామని అమెరికా అధ్యక్షుడు జో బిడెన్ (Joe Biden) అన్నారు.
‘‘మా బాల్టిక్ మిత్రదేశాలు, ఎస్టోనియా, లాట్వియా, లిథువేనియాలను బలోపేతం చేయడానికి ఇప్పటికే యూరప్లో ఉన్న US దళాల అదనపు కదలికలకు నేను అధికారం ఇచ్చాను ’’ అని బిడెన్ వైట్ హౌస్లో టెలివిజన్ ప్రసంగంలో చెప్పారు. ‘‘ నన్ను స్పష్టంగా చెప్పనివ్వండి. ఇవి మా వైపు నుండి పూర్తిగా రక్షణాత్మక ఎత్తుగడలు ’’ అని అని రష్యాను దురాక్రమణదారుగా బిడెన్ నిందించాడు. రష్యాతో పోరాడాలనే ఉద్దేశం అమెరికాకు లేదని, అయితే నాటో భూభాగంలోని ప్రతి అంగుళాన్ని కాపాడుకుంటామని హెచ్చరించారు.
ఉక్రెయిన్లోని రెండు వేర్పాటువాద రిపబ్లిక్లను గుర్తిస్తున్నట్లు రష్యా ప్రకటించిన తర్వాత ఆ దేశంపై మొదటి విడత ఆంక్షలను కూడా అధ్యక్షుడు ప్రకటించారు. ‘‘ మేము రష్యా సార్వభౌమ రుణంపై ఆంక్షలను అమలు చేస్తున్నాము. అంటే మేము రష్యా ప్రభుత్వాన్ని వెస్ట్రన్ ఫైనాన్సింగ్ నుండి కట్ చేసాము’’ అని బిడెన్ చెప్పారు. ఈ చర్యలు ఆర్థిక సంస్థలను, రష్యన్ ఉన్నత వర్గాలను కూడా లక్ష్యంగా చేసుకుంటాయని ఆయన తెలిపారు.
వైట్ హౌస్ నుంచి జో బిడెన్ ప్రసంగం తరువాత పెంటగాన్ తరలింపు వివరాలను ప్రకటించింది. ఇటలీ నుండి బాల్టిక్ ప్రాంతానికి పదాతిదళ బెటాలియన్ టాస్క్ ఫోర్స్లో 800 మంది సైనికులను, జర్మనీ నుండి ఎనిమిది F-35 స్ట్రైక్ ఫైటర్ జెట్లను NATO తూర్పు పార్శ్వం వెంబడి అనేక ఆపరేటింగ్ ప్రదేశాలకు పంపుతామని పేర్కొంది. ఇరవై AH-64 దాడి హెలికాప్టర్లు జర్మనీ నుంచి బాల్టిక్ ప్రాంతానికి వెళ్లాయి. మరో 12 గ్రీస్ నుండి పోలాండ్కు తరలించబడతాయని తెలిపింది.
ఐరోపాలో ప్రస్తుతం తాత్కాలికంగా లేదా శాశ్వతంగా మోహరించిన 90,000 కంటే ఎక్కువ US దళాలను ఈ చర్యలు బలాన్నిస్తాయి. ‘‘ మా NATO మిత్రదేశాలకు భరోసా ఇవ్వడానికి, NATO సభ్య దేశాలపై దురాక్రమణను నిరోధించడానికి, ఆతిథ్య-దేశ దళాలతో శిక్షణ ఇవ్వడానికి ఈ అదనపు సిబ్బందిని పునఃస్థాపన చేస్తున్నారు’’ అని US సీనియర్ రక్షణ అధికారి ఒక ప్రకటనలో తెలిపారు.