ఫిలిప్పీన్స్ను వణికించిన భూకంపం.. రిక్టర్ స్కేల్పై 6.8 తీవ్రతతో ప్రకంపనలు
సారాంశం
ఫిలిప్పీన్స్లో మంగళవారం భూకంపం వణికించింది. ఫిలిప్పీన్స్కు ఆగ్నేయంగా ఉన్న పినిలికి తొమ్మిది కిలోమీటర్ల దూరంలో ప్రకంపనలు వచ్చినట్లు చెబుతున్నారు.
ఫిలిప్పీన్స్ను మంగళవారం భూకంపం వణికించింది. ఫిలిప్పీన్స్కు ఆగ్నేయంగా ఉన్న పినిలికి తొమ్మిది కిలోమీటర్ల దూరంలో ప్రకంపనలు సంభవించినట్టు యుఎస్ జియోలాజికల్ సర్వే చెబుతున్నారు. రిక్టర్ స్కేలుపై దీని తీవ్రత 6.8గా నమోదైనట్టు అధికారులు తెలిపారు.
అలాగే.. ఉత్తర ఫిల్ప్పీన్స్లో మంగళవారం అర్థరాత్రి భూకంపం సంభవించింది. యుఎస్ జియోలాజికల్ సర్వే ప్రకారం..6.4 తీవ్రతతో భూకంపం లుజోన్ ద్వీపంలోని డోలోరెస్ నుండి 11 కిలోమీటర్లు (7 మైళ్ళు) దూరంలో ఉపరితలానికి 16.2 కిలోమీటర్లు (10 మైళ్ళు) లో భూకంపం కేంద్రీకృతమై ఉందని తెలిపింది. అయితే ఎటువంటి తీవ్రమైన నష్టం జరగలేదని, సునామీ హెచ్చరికలు జారీ చేయలేదని అధికారులు తెలిపారు.
భూకంపం ఉత్తర లుజోన్లోని విస్తారమైన ప్రాంతంలో సంభవించింది. అయితే ఫిలిప్పీన్ ఇన్స్టిట్యూట్ ఆఫ్ వోల్కనాలజీ అండ్ సిస్మోలజీ పెద్దగా నష్టం జరగలేదని అధికారులు చెప్పారు.
ఫిలిప్పీన్ ద్వీపసమూహం "పసిఫిక్ రింగ్ ఆఫ్ ఫైర్"పై ఉంది. ఇది పసిఫిక్ మహాసముద్రం అంచున ఉన్న అనేక అగ్నిపర్వత విస్ఫోటనాలు,భూకంపాలు సంభవించే ప్రాంతం. ఆగ్నేయాసియా దేశాన్ని ప్రపంచంలోనే అత్యంత విపత్తులకు గురిచేసే దేశాలలో ఒకటిగా చేసింది.
గత జూలైలో ఉత్తర ఫిలిప్పీన్స్లో 7 తీవ్రతతో భూకంపం సంభవించింది. ఈ భూకంపం కారణంగా..
కొండచరియలు విరిగిపడి భవనాలు దెబ్బతిన్నాయి. కనీసం ఐదుగురు వ్యక్తులు మరణించారు మరియు డజన్ల కొద్దీ గాయపడ్డారు. 1990లో ఉత్తర ఫిలిప్పీన్స్లో 7.7 తీవ్రతతో సంభవించిన భూకంపం వల్ల దాదాపు 2,000 మంది మరణించారు.