సరైన పని చేస్తున్నారు..: ప్రధాని మోదీ ‘మేక్ ఇన్ ఇండియా’పై పుతిన్ ప్రశంసలు

రష్యాలోని వ్లాడివోస్టాక్‌లో జరిగిన 8వ ఈస్టర్న్ ఎకనామిక్ ఫోరమ్ (ఈఈఎఫ్)లో ప్రసంగిస్తూ.. భారత ప్రధాని నరేంద్ర మోదీ 'మేక్ ఇన్ ఇండియా' విధానాన్ని రష్యా అధ్యక్షుడు వ్లాదిమిర్ పుతిన్ ప్రశంసించారు.

భారత ప్రధాని నరేంద్ర మోదీపై రష్యా అధ్యక్షుడు వ్లాదిమిర్ పుతిన్ ప్రశంసలు కురిపించారు. రష్యాలోని వ్లాడివోస్టాక్‌లో జరిగిన 8వ ఈస్టర్న్ ఎకనామిక్ ఫోరమ్ (ఈఈఎఫ్)లో ప్రసంగిస్తూ.. భారత ప్రధాని నరేంద్ర మోదీ 'మేక్ ఇన్ ఇండియా' విధానాన్ని రష్యా అధ్యక్షుడు వ్లాదిమిర్ పుతిన్ ప్రశంసించారు. దేశంలో తయారు చేయబడిన ఉత్పత్తులను ఉపయోగించండి,  కార్యక్రమాన్ని ప్రచారం చేయండని భారతీయులను ప్రోత్సహించడం ద్వారా మోదీ సరైన పని చేస్తున్నారని అన్నారు. 

రష్యాలో తయారైన కార్లపై అడిగిన ప్రశ్నకు పుతిన్ మాట్లాడుతూ.. దేశీయంగా తయారైన ఆటోమొబైల్స్‌ను ఉపయోగించాలని, మోదీ నాయకత్వంలో భారతదేశం వంటి దేశాలు తమ విధానాల ద్వారా ఇప్పటికే ఉదాహరణలుగా నిలిచాయని అన్నారు.

‘‘మీకు తెలుసా, మా వద్ద దేశీయంగా తయారు చేయబడిన కార్లు అప్పుడు (1990లలో) లేవు. కానీ ఇప్పుడు మేము కలిగి ఉన్నాము. 1990లలో మేము భారీ మొత్తంలో కొనుగోలు చేసిన మెర్సిడెస్ లేదా ఆడి కార్ల కంటే ఇవి చాలా నిరాడంబరంగా కనిపిస్తున్నాయన్నది నిజం. కానీ ఇది సమస్య కాదు. భారతదేశం వంటి చాలా భాగస్వాముల నుంచి మేము నేర్చుకోవాలని నేను భావిస్తున్నాను. వారు ఎక్కువగా భారతదేశంలో ఉత్పత్తి చేయబడిన కార్లు, నౌకల వినియోగంపై దృష్టి సారిస్తున్నారు. ఈ విషయంలో మేడ్ ఇన్ ఇండియా బ్రాండ్‌ను ఉపయోగించమని ప్రజలను ప్రోత్సహించడం ద్వారా ప్రధాని మోడీ సరైన పని చేస్తున్నారు. మాకు ఆ వాహనాలు కూడా అందుబాటులో ఉన్నాయి. మేము దానిని ఉపయోగించుకోవాలి’’ అని పుతిన్ పేర్కొన్నారు. 

రష్యాలో తయారైన ఆటోమొబైల్స్‌ను ఉపయోగించడం చాలా మంచిదని పుతిన్ అన్నారు. ‘‘ఇది మా డబ్ల్యూటీవో బాధ్యతల ఉల్లంఘనలకు దారితీయదు. ఖచ్చితంగా కాదు. ఇది దేశ కొనుగోళ్లకు సంబంధించినది. వివిధ తరగతుల అధికారులు ఏయే కార్లను నడపవచ్చో మేము ఒక నిర్దిష్ట గొలుసును రూపొందించాలి. తద్వారా వారు దేశీయంగా తయారు చేయబడిన కార్లను ఉపయోగిస్తారు’’ అని పుతిన్ చెప్పారు. ‘‘లాజిస్టిక్స్ క్రమబద్ధీకరించబడినందున’’ రష్యా-నిర్మిత కార్లను కొనుగోలు చేయడం సులభం అవుతుందని పుతిన్ అన్నారు.