ఏం చేద్దాం: సైనికాధికారులతో ఇమ్రాన్ ఖాన్ ఎమర్జెన్సీ మీటింగ్

పీఓకేతో పాటు పాకిస్తాన్ భూభాగంపై ఇండియన్ ఎయిర్‌ఫోర్స్ చేసిన సర్జికల్ స్ట్రైక్స్‌‌తో ఆ దేశ ప్రభుత్వానికి టెన్షన్ పట్టుకుంది. ప్రతీకారం తీర్చుకుంటామని భారత్ హెచ్చరించినప్పటికీ దానికి సమయం పడుతుందని పాక్ భావించింది.

కానీ ఇండియా అన్నంత పని చేయడంతో పాక్ ప్రధాని ఇమ్రాన్ ఖాన్ ఖంగుతిన్నారు. ఈ నేపథ్యంలో భారత్ దాడులకు ఎలాంటి బదులివ్వాలన్న దానిపై ఆయన అత్యున్నత సమావేశం నిర్వహించారు. అంతర్జాతీయంగా పాకిస్తాన్‌కు మద్ధతుగా నిలబడే దేశాలతో మాట్లాడి... భారత్‌పై ఒత్తిడి తీసుకురావాలని భావిస్తోంది.