ఇటలీలోని మిలాన్‌లో భారీ పేలుడు సంభవించింది. దీంతో నగరం ఒక్కసారిగా ఉలిక్కిపడింది.
ఇటలీలోని మిలన్‌లో భారీ పేలుడు సంభవించింది. దీంతో నగరం ఒక్కసారిగా ఉలిక్కిపడింది. ఈ ఘటన అనంతరం పలు కార్లు మంటల్లో చిక్కకున్నాయి. ఇందుకు సంబంధించిన వీడియోలు ప్రస్తుతం వైరల్‌గా మారాయి. ప్రాథమిక సమాచారం.. పార్క్‌ చేసిన వ్యాన్‌లో పేలుడు సంభవించింది. ఈ ఘటనపై సమాచారం అందుకున్న అగ్నిమాపక సిబ్బంది అక్కడ మంటలను అదుపులోకి తెచ్చేందుకు యత్నించింది. పేలుడు సంభవించి తర్వాత అనేక వాహనాలు మంటల్లో చిక్కుకున్నాయని.. ఒక వ్యక్తి గాయపడ్డారని అగ్నిమాపక దళం తెలిపింది. అయితే ఈ ప్రమాదంలో ఎటువంటి మరణాలు సంభవించినట్టుగా ఇప్పటివరకు నివేదించబడలేదు.
ఆక్సిజన్ గ్యాస్ డబ్బాలను రవాణా చేస్తున్న వ్యాన్‌లో పేలుడు సంభవించినట్లు అనుమానిస్తున్నట్లు ఇటాలియన్ మీడియా తెలిపింది. కార్లలో పెద్ద ఎత్తున మంటల్లో చిక్కుకుపోవడంతో.. ఆ ప్రాంతంలో నల్లటి పొగ వ్యాపించింది. దీంతో సమీపంలోని ఒక ప్రాథమిక పాఠశాల, నివాస భవనం ఖాళీ చేయబడిందని స్థానిక మీడియా పేర్కొంది.