తుస్సుమన్న రాకెట్.. 60 అడుగుల వరకే ఎగిరింది!

జపాన్‌లో ఎంతో ప్రతిష్టాత్మకంగా చేపట్టిన రాకెట్ ప్రయోగం విఫలమైనంది. రాకెట్‌ను కొద్ది సెకండ్లకే అది తిరిగి భూమిని చేరుకుంది. జపాన్‌లోని ప్రతి ప్రదేశాన్ని క్షుణ్ణంగా గుర్తించేందుకు గాను ప్రయోగించిన మొమో-2 రాకెట్ కేవలం ఆరు సెకన్లలోనే 60 అడుగులు ఎగిరి, ఆ తర్వాత కుప్పకూలిపోయింది.

జపాన్‌కు చెందిన ప్రముఖ ప్రైవేట్ రంగ రాకెట్ తయారీ సంస్థ ఇంటర్‌స్టెల్లార్‌ టెక్నాలజీస్‌ తయారు చేసిన మోమో-2 రాకెట్‌ను శాస్త్రవేత్తలు కొన్ని నెలల పాటు శ్రమించి దాదాపు 2.7 మిలియన్‌ డాలర్ల వరకూ ఖర్చు చేసి తయారు చేశారు. ఈ రాకెట్‌ను దక్షిణ హొకైడో ద్వీపంలోని టైకి అంతరిక్ష ప్రయోగ కేంద్రం నుంచి శనివారం నాడు ప్రయోగించారు.

సుమారు 10 మీటర్ల పొడవున్న మోమో-2 రాకెట్‌ లాంచింగ్‌ పాడ్‌ నుంచి నిప్పులు చిమ్ముతూ నింగికి ఎగిరిన సెకండ్ల వ్యవధిలోనే  నేలను తాకింది. గతేడాది జపాన్ ప్రయోగించిన మోమో రాకెట్‌ ప్రయోగం కూడా ఇదే తరహాలో విఫలమవ్వటం గమనార్హం. ఈ రాకెట్ ప్రయోగం విఫలం కావటానకి గల కారణాలను అన్వేషించి మరోసారి తిరిగి ప్రయత్నిస్తామని ఇంటర్‌స్టెల్లార్‌ వ్యవస్థాపకుడు టకఫుమి హొరీ చెప్పారు.