నేపాల్ లో వరదల బీభ‌త్సం - 24 గంటల్లో 112 మంది మృతి, వందల మంది గల్లంతు
By Mahesh Rajamoni | First Published Sep 29, 2024, 10:50 AM ISTNepal Floods | Death toll rises to 112 : నేపాల్ లో వరదలు, కొండచరియలు విరిగిపడటంతో మరణించిన వారి సంఖ్య 24 గంటల్లోనే 112కు చేరింది. అలాగే, మ‌రో 68 మంది ఆచూకీ తెలియడం లేదని ఆ దేశ సాయుధ పోలీసు దళం (ఏపీఎఫ్), నేపాల్ పోలీసులు తెలిపారు.
Nepal Floods | Death toll rises to 112 : నేపాల్ లో వరదల బీభ‌త్సం కొన‌సాగుతోంది. భారీ వర్షాల కారణంగా ఆకస్మిక వరదలు, కొండచరియలు విరిగిప‌డ్డాయి. దీంతో భారీ ప్రాణ, ఆస్తి న‌ష్టం జ‌రిగింది. ఇప్ప‌టివ‌కే వందల మంది ప్రాణాలు కోల్పోయారు. అదే సంఖ్య‌లో వరదల్లో గల్లంతయ్యారు. నేపాల్ సాయుధ పోలీసు దళం, నేపాల్ పోలీసులు వెల్ల‌డించిన అధికారిక డేటా ప్ర‌కారం.. ప్ర‌స్తుత వరదలు, కొండ చ‌రియ‌లు విరిగిప‌డిన ఘ‌ట‌న‌ల్లో మృతుల సంఖ్య 112 కు పెరిగింది. ఈ మరణాలు గత 24 గంటల్లోనే సంభవించాయి. చాలా మంది వరదల్లో గల్లంతు అయ్యారు. వందల మంది గాయపడ్డారు. దీంతో మ‌ర‌ణాల సంఖ్య మ‌రింత పెరిగే అవ‌కాశ‌ముంది. తూర్పు, మధ్య నేపాల్ లోని చాలా ప్రాంతాలు భారీ వర్షాల కారణంగా శుక్రవారం నుంచి జలదిగ్బంధంలో చిక్కుకున్నాయి.
నేపాల్ లో వరదల కారణంగా 195 ఇళ్లు, 8 వంతెనలు ధ్వంసం
Latest Videos
undefined
వరదలు, కొండచరియలు విరిగిపడటం వంటి ఘ‌ట‌న‌ల కారణంగా అధికారిక లెక్క‌ల ప్ర‌కారం ఆదివారం 64 మంది గల్లంతయ్యారు. 45 మంది గాయపడ్డారని సాయుధ పోలీసు దళం వర్గాలు తెలిపాయి. ఖాట్మండు లోయలో అత్యధికంగా 48 మరణాలు సంభవించాయి. 195 ఇళ్లు, 8 వంతెనలు ధ్వంసమయ్యాయి. దాదాపు 3,100 మందిని భద్రతా సిబ్బంది రక్షించారు. నేపాల్ లోని పలు ప్రాంతాలు గురువారం నుంచి కురుస్తున్న వర్షాలతో జలదిగ్బంధంలో చిక్కుకోవడంతో ఆకస్మిక వరదలు వస్తాయని విపత్తు అధికారులు హెచ్చరిస్తున్నారు. ఇప్ప‌టికీ దేశంలోని చాలా ప్రాంతాల్లో హై అల‌ర్ట్ కొన‌సాగుతోంది.
ఎడతెరిపి లేకుండా కురుస్తున్న వర్షాల కారణంగా హిమాలయ దేశంలో ప్రాణాలు కోల్పోయిన వారిలో 34 మంది ఖాట్మండు లోయలో మరణించారని నేపాల్ పోలీసు డిప్యూటీ అధికార ప్రతినిధి బిష్వో శనివారం తెలిపారు. వరదల్లో 60 మందికి పైగా గాయపడ్డారు. ఖాట్మండు లోయలో శనివారం 79 మంది గల్లంతయ్యారు. మరోవైపు స‌హాయ‌క చ‌ర్య‌ల‌ను ముమ్మరం చేసేందుకు తాత్కాలిక ప్రధాని, పట్టణాభివృద్ధి శాఖ మంత్రి ప్రకాశ్ మాన్ సింగ్ హోంమంత్రి, హోంశాఖ కార్యదర్శి, భద్రతా సంస్థల అధిపతులతో సహా పలువురు మంత్రులతో అత్యవసర సమావేశం ఏర్పాటు చేశారు. నేపాల్ వ్యాప్తంగా మూడు రోజుల పాటు అన్ని పాఠశాలలను మూసివేయాలని, ప్రస్తుతం జరుగుతున్న అన్ని పరీక్షలను నిలిపివేయాలని ప్రభుత్వం ఆదేశించింది.
భారీ వర్షాలతో చీక‌టిలో ఖాట్మాండ్
వరదల కారణంగా ప్రధాన ట్రాన్స్ మిషన్ లైన్ కు అంతరాయం ఏర్పడటంతో ఖాట్మండు రోజంతా విద్యుత్ కు అంతరాయం కలిగింది. అయితే, సాయంత్రం కొన్ని ప్రాంతాల‌కు విద్యుత్ తిరిగి ప్రారంభమైంది. వర్షాల కారణంగా కొండచరియలు విరిగిపడటంతో ఖాట్మండుకు వచ్చే అన్ని ప్రవేశ మార్గాలు కూడా నిలిచిపోయాయి. ఖాట్మండులో 226 ఇళ్లు నీట మునిగాయనీ, ప్రభావిత ప్రాంతాల్లో నేపాల్ పోలీసుల నుంచి సుమారు 3,000 మంది భద్రతా సిబ్బందిని మోహరించినట్లు పోలీసులు తెలిపారు.
ఖాట్మండులో 54 ఏళ్లలోనే అత్య‌ధిక వర్షపాతం
ఖాట్మండులో శనివారం 54 ఏళ్లలో రికార్డును బ్రేక్ చేస్తూ 323 మిల్లీమీటర్ల వర్షపాతం నమోదైంది. బంగాళాఖాతం నుంచి వచ్చిన ఆకస్మిక నీటి ఆవిరి, అల్పపీడన ద్రోణి ప్రభావంతో నేపాల్ లో గురువారం సాయంత్రం నుంచి భారీ వర్షాలు కురుస్తుండటంతో దేశ వ్యాప్తంగా వ‌ర్ష బీభ‌త్సం నెలకొంది. వర్షాల కారణంగా విపత్తులు సంభవించే అవకాశం ఉందని నేషనల్ డిజాస్టర్ రిస్క్ రిడక్షన్ మేనేజ్మెంట్ అథారిటీ (ఎన్డీఆర్ఆర్ఎంఏ) 77 జిల్లాల్లో 56 జిల్లాలకు హెచ్చరికలు జారీ చేసింది.
كارثة فى نيبال الفيضاتات والانهيارت الجبلية تقتل الالاف
Catastrophe has struck Nepal as Torrential rains unleash devastating and across the country. pic.twitter.com/KX9mXpO89I
ప్రపంచంలోని పది ఎత్తైన శిఖరాలలో తొమ్మిదింటికి నిలయమైన నేపాల్ ఈ ఏడాది ఇప్పటికే సగటు కంటే ఎక్కువ వర్షపాతాన్ని న‌మోదుచేసింది. మొత్తం 1.8 మిలియన్ల మంది ప్ర‌భావితుల‌య్యారు. వర్షాకాల సంబంధిత విపత్తుల వల్ల 412 వేల కుటుంబాలు ప్రభావితమవుతాయని ఎన్డీఆర్ఆర్ఎంఏ అంచనా వేసింది. హిమాలయ దేశంలో రుతుపవనాల సీజన్ సాధారణంగా జూన్ 13 న ప్రారంభమై సెప్టెంబర్ చివరిలో ముగుస్తుంది, కానీ ఇప్పుడు ఇది అక్టోబర్ చివరి వరకు ఉంటుందని భావిస్తున్నారు. ఈ ఏడాది సాధారణ ప్రారంభ తేదీ కంటే మూడు రోజులు ముందుగానే జూన్ 10న దక్షిణం నుంచి రుతుపవనాలు పశ్చిమ ప్రాంతం నుంచి నేపాల్ లోకి ప్రవేశించాయి. గత ఏడాది జూన్ 14న సాధారణ రుతుపవనాలు ప్రారంభమైన మరుసటి రోజే వాతావరణం ప్రారంభమైంది.
దేశంలోని మొత్తం వార్షిక వర్షపాతంలో 80 శాతం అందించే రుతుపవనాల కాలం సాధారణంగా 105 రోజులు ఉంటుంది. కానీ, ఇటీవలి సంవత్సరాలలో ఇది ముగించడానికి ఎక్కువ సమయం తీసుకుంటోంది. జూన్ 10న రుతుపవనాలు ప్రవేశించినప్పటి నుంచి శుక్రవారం ఉదయం వరకు దేశంలో 1,586.3 మిల్లీమీటర్ల వర్షపాతం నమోదైనట్లు వాతావరణ శాఖ వెల్లడించింది. సాధారణంగా దేశంలో జూన్, జూలై, ఆగస్టు, సెప్టెంబర్ నెలల్లో సగటున 1,472 మిల్లీమీటర్ల వర్షపాతం నమోదవుతుంది. గత ఏడాది ఈ సీజన్లో కేవలం 1,303 మిల్లీమీటర్ల వర్షపాతం నమోదైంది.
🔴NEPAL🇳🇵| : the Himalayan country of southern is facing deadly : a toll of 101 dead and 64 people missing reported following violent monsoon rains over three days, which led to enormous floods. Low-lying areas of the Capital submerged. pic.twitter.com/vtURqKPQNk
— Nanana365 (@nanana365media)
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి