Russia Ukraine war: ర‌ష్యాకు కోకా-కోలా, పెప్సికో ల షాక్ .. వ్యాపార కార్యకలాపాల నిలిపివేత

Russia Ukraine war: రష్యా-ఉక్రెయిన్ యుద్ధం నేప‌థ్యంలో కోకా-కోలా, పెప్సికో, ఇతర ప్రధాన పాశ్చాత్య ఆహార మరియు పానీయాల కంపెనీల సేవలను రష్యా నుండి  ఉపసంహరించుకోవాలని సోష‌ల్ మీడియా వేదికగా ఒత్తిడి పెరిగింది. దీంతో కోకా-కోలా, పెప్సికోల‌ వ్యాపార కార్య‌క‌లాపాల‌ను నిలిపివేస్తున్నట్లు శీతల పానీయాల దిగ్గజాలు మంగళవారం ప్రకటించాయి.   

Russia Ukraine war: ఉక్రెయిన్‌, రష్యా మధ్య యుద్దం13 వ రోజుకు చేరుకుంది. యుద్దం ప్రారంభించిన నాటి నుంచి ర‌ష్య‌న్ బ‌ల‌గాలు.. ఉక్రెయిన్ న‌గ‌రాల‌పై విరుచుకుప‌డుతున్నాయి. యుద్దాన్ని నిలిపివేయాల‌ని ప్ర‌పంచ దేశాలు ర‌ష్యాను కోరినా.. ఏమాత్రం ప‌ట్టించుకోవ‌డం లేదు. పైగా.. ర‌ష్యా రోజురోజుకు యుద్ద తీవ్ర‌త‌ను పెంచుతూనే ఉంది. ఈ క్రమంలో ప్ర‌పంచ దేశాలు ర‌ష్యాపై ఆంక్షలు విధిస్తున్నాయి. ర‌ష్యాను ఆర్థికంగా క‌ట్టిడి చేయాలని భావించాయి. ఈ క్ర‌మంలో  ర‌ష్యాలో వ్యాపార క‌లపాలు నిర్వ‌హిస్తున్న ప్ర‌ముఖ కంపెనీల‌పై ఒత్తిడి తెచ్చారు. ర‌ష్యా నుంచి వ్యాపార కల‌పాల‌ను నిషేదించాల‌ని సోషల్ మీడియా వేదిక‌గా ఒత్తిడి చేశారు నెట్టిజ‌న్లు.. దీంతో తాజాగా కోకా-కోలా, పెప్సికో ల‌ వ్యాపార కార్య‌క‌లాపాల‌ను నిలిపివేస్తున్నట్లు శీతల పానీయాల దిగ్గజాలు మంగళవారం ప్రకటించాయి.

ఉక్రెయిన్, ర‌ష్యా యుద్దం ప్రారంభం నుంచి.. ప్ర‌ముఖ వ్యాణిజ సంస్థ‌లైన‌ మెక్‌డొనాల్డ్స్, కోకా-కోలా, పెప్సికో, ఇతర ప్రధాన పాశ్చాత్య ఆహార, పానీయాల కంపెనీలను ర‌ష్యా నుంచి వైదొలగడానికి ఒత్తిడి పెరుగుతోంది. ఈ క్ర‌మంలో ఆయా బ్రాండ్లును బ‌హిష్క‌రించాల‌ని నెట్టింట్లో పెద్ద ఎత్తున ప్ర‌చారం జ‌రుగుతోంది. Netflix, Levi's, Burberry, Ikea వంటి అనేక ఇతర కంపెనీలను ర‌ష్యాను వైదొలిగాల‌ని ప్ర‌చారం ప్రారంభ‌మైంది నెట్టింట్లో.  అలాగే.. గత వారం రోజుల నుంచి 'BoycottMcDonalds' , 'BoycottCocaCola' అనే హ్యాష్‌ట్యాగ్‌లు ట్విట్టర్‌లో ట్రెండింగ్‌లో ఉన్నాయి. స్టార్‌బక్స్, KFC, బర్గర్ కింగ్‌తో సహా అనేక ఇతర పాశ్చాత్య ఆహార, పానీయాల ఫ్రాంచైజీలపై కూడా ఈ ఒత్తిడి పెరిగింది. 

ఈ క్ర‌మంలో ప్ర‌ముఖ అమెరికన్ నటుడు,చిత్రనిర్మాత  సీన్ పెన్.. కోకాకోలా, పెప్సికో,  మెక్‌డొనాల్డ్స్ లు రష్యాలో వ్యాపారం నిలిపివేసేంత వరకు అమెరికన్లు ఈ కంపెనీల ఉత్ప‌త్తుల‌ను బహిష్కరించాలని పిలుపునిచ్చారు. దీంతో ఈ ప్ర‌చారం పెద్ద ఎత్తున సాగింది.  అలాగే.. యునైటెడ్ కింగ్‌డమ్‌లోని డ్రాగన్స్ డెన్ పెట్టుబడిదారు డెబోరా మీడెన్ కూడా కోకాకోలాను బహిష్కరించాలని ప్రజలకు సూచించారు. ఇలాగే..  ప్ర‌ముఖ‌ ప్రొఫెసర్  నికోలస్ క్రిస్టాకిస్ కూడా మెక్‌డొనాల్డ్స్ మరియు పానీయాల కంపెనీలు రష్యాలో తమ వ్యాపారాలను కొనసాగించడాన్ని తీవ్రంగా ఖండించారు. 

త‌మ దేశానికి నైతిక మ‌ద్ద‌తుగా.. పాశ్చాత్య కంపెనీలు త‌మ కార్యకల‌పాల‌ను ర‌ష్యాలో నిలిపివేయాలని ఉక్రెయిన్ విదేశాంగ మంత్రి కూడా పిలుపునిచ్చారు. మానవతా ప్రాతిపదికన రష్యా నుండి తమ సేవలను ఉపసంహరించుకోవాలని ఉక్రెయిన్ విదేశాంగ మంత్రి డిమిట్రో కులేబా అన్ని పాశ్చాత్య కంపెనీలను కోరారు. "కోకా-కోలా, మెక్‌డొనాల్డ్‌లు రష్యాలో తమ కార్యకలాపాలను కొనసాగిస్తున్నాయని, వాటి ఉత్పత్తులను విక్రయిస్తున్నాయని తెలుసుకున్నందుకు మేము నిరాశ చెందామని అన్నారు.

ఇలా ప్ర‌పంచ వ్యాప్తంగా..  కోకా-కోలా , పెప్సికో లపై ఒత్తిడి రావ‌డంతో రష్యాలో వ్యాపారాన్ని నిలిపివేస్తున్నట్లు శీతల పానీయాల దిగ్గజాలు మంగళవారం ప్రకటించాయి. "ఉక్రెయిన్‌లో జరుగుతున్న భయానక సంఘటనల దృష్ట్యా మేము పెప్సి-కోలా , 7Up , మిరిండాతో సహా మా గ్లోబల్ పానీయాల బ్రాండ్‌ల విక్రయాలను ర‌ష్యాలో నిలిపివేస్తున్నట్లు ప్రకటిస్తున్నామని పెప్సికో ఒక ప్రకటనలో తెలిపింది. కోకా-కోలా కూడా రష్యాలో తన వ్యాపారాన్ని నిలిపివేస్తున్నట్లు ప్రకటించింది.

మెక్‌డొనాల్డ్ యొక్క అధికారిక వెబ్‌సైట్ ప్రకారం, కంపెనీ గత సంవత్సరం చివరి నాటికి రష్యాలో 847 రెస్టారెంట్‌లను కలిగి ఉంది, వీటిలో ఎక్కువ భాగం నేరుగా కంపెనీచే నిర్వహించబడుతున్నాయి. అదనంగా, ఉక్రెయిన్‌లో 108 రెస్టారెంట్లు ఉన్నాయని కూడా పేర్కొంది. ఉక్రెయిన్ పై ర‌ష్యా దాడిని నిర‌సిస్తూ..  ఆపిల్, వీసా లాంటి ప్ర‌ముఖ కంపెనీలు రష్యాలో కార్యకలాపాలను   సస్పెండ్ చేశాయి.