కరోనా వైరస్ ను పుట్టించిన చైనా, డేటాను దాచిపెడుతుంది: అమెరికా
By Sree s | First Published May 9, 2020, 8:45 AM ISTప్రపంచం నుంచి చైనా కరోనా వైరస్ కి సంబంధించిన నిజాలను దాచిపెడుతుందని, కరోనా వైరస్ వుహాన్ నగరంలోని ల్యాబుల్లోనే పుట్టిందనడానికి తమ వద్ద పూర్తి ఆధారాలున్నాయని అమెరికా విదేశానగా శాఖ మంత్రి మైక్ పాంపియో మరోసారి పునరుద్ఘాటించారు.
ప్రపంచం నుంచి చైనా కరోనా వైరస్ కి సంబంధించిన నిజాలను దాచిపెడుతుందని, కరోనా వైరస్ వుహాన్ నగరంలోని ల్యాబుల్లోనే పుట్టిందనడానికి తమ వద్ద పూర్తి ఆధారాలున్నాయని అమెరికా విదేశానగా శాఖ మంత్రి మైక్ పాంపియో మరోసారి పునరుద్ఘాటించారు.
చైనా వుహాన్ నగరంలోని ఒక ల్యాబులో చాలా భద్రతా లోపాలున్నాయని, అక్కడి నుండే ఈ వైరస్ ఉద్భవించిందనడానికి అమెరికా దగ్గర అన్ని ఆధారాలున్నాయని అన్నారు.
Latest Videos
కానీ ఈ ప్రస్తుత తరుణంలో ప్రశ్నల కన్నా సమాధానాలు అవసరమని, అందుకోసమే వైరస్ ఎక్కడ పుట్టిందని విషయాన్నీ పక్కనబెట్టి, మరణిస్తున్న ప్రజల ప్రాణాలు ఎలా కాపాడాలి అనే విషయంపై ఫోకస్ చేయాలని అనుకుంటున్నట్టు ఆయన తెలిపారు. శుక్రవారం నాటికి అమెరికాలో 78 వేల మంది మరణించారు. దాదాపుగా 13 లక్షల మంది ఈ కరోనా వైరస్ బారినపడి చికిత్స పొందుతున్నారు.
ప్రపంచాన్ని వణికిస్తున్న కరోనా వైరస్ చైనా లోని వుహాన్ ల్యాబుల్లోనే పుట్టిందని మరోసారి అమెరికా పునరుద్ఘాటించింది. అమెరికా విదేశాంగశాఖ మంత్రి మైక్ పొంపీయో మాట్లాడుతూ... చైనా వుహాన్ ల్యాబుల్లోనే ఈ కరోనా వైరస్ పుట్టిందనడానికి బోలెడు సాక్షలున్నాయని అన్నారు.
కరోనా వైరస్ విషయంలో చైనా వైఖరిని తప్పుబడుతూనే.... ఈ వైరస్ ని కావాలనే చైనా విడుదల చేసిందా అనే విషయాన్నీ మాత్రం చెప్పలేదు. కరోనా వైరస్ విషయంలో చైనా వ్యవహరించిన తీరుపై మాత్రం ఆయన తీవ్ర స్థాయిలో ఫైర్ అయ్యారు.
అమెరికా అధ్యక్షుడు డోనాల్డ్ ట్రంప్ కూడా ఈ కరోనా విషయంలో చైనా తీరును తీవ్రస్థాయిలో విమర్శించారు. అతి ముఖ్యమైన సమాచారాన్ని దాచిపెట్టి, పరిస్థితి అంతా బాగానే ఉందన్నట్టు వ్యవహరించడం వల్ల 35 లక్షల మంది ఈ వైరస్ బారిన పడితే... దాదాపు, 2లక్షల నలభై వేలమంది మరణించారని, దీనంతటికి చైనా వ్యవహరించిన తీరే కారణమని ట్రంప్ ఆక్షేపించారు.
అమెరికా నిఘా వర్గాలను ఈ విషయమై మరింత సమాచారాన్ని సేకరించమని ట్రంప్ చెప్పారని, వారు ఇదే పనిలో ఉండి ఈ సాక్ష్యాధారాలను సంపాదించారని మైక్ అన్నారు.
ఇకపోతే... చైనా నుంచి ప్రతినెలా బిలియన్ డాలర్ల దిగుమతి సుంకాన్ని తాను రాబడుతున్నందుకు చైనా తన మీద కక్ష గట్టిందని, తాను రెండవదఫా ఎన్నికల్లోను గెలవడం చైనాకి ఇష్టం లేదని ఆరోపించారు ట్రంప్.
ప్రస్తుత అధ్యక్ష పదవికి పోటీ పడుతున్న డెమొక్రాట్ జో బిడెన్ గెలవాలని చైనా కోరుకుంటుందని, గతంలో ఒబామా అధ్యక్షుడిగా ఉన్నప్పుడు జో బిడెన్ ఉపాధ్యక్షుడిగా కొనసాగిన విషయం అందరికి గుర్తుండే ఉంటుందని, ఆకాలంలో అమెరికా నుంచి చైనా చాలా తీసుకుందని ట్రంప్ ఆక్షేపించారు.
ఒకరకంగా ఆ ఎనిమిదేళ్ల కాలంలో చైనా అమెరికా నుంచి ఎంతో సహాయం పొంది తిరిగి ఇచ్చింది మాత్రం శూన్యం అని అన్నాడు ట్రంప్.
తాను వచ్చిన తరువాత వాణిజ్య ఒప్పందం కుదుర్చుకొని అమెరికాకు న్యాయంగా రావాల్సిన వాటాను అందించేందుకు కృషి చేసానని అన్నాడు. కానీ ఈ కరోనా వైరస్ కాలంలో అదంతా కనబడకుండా పోయిందని అన్నాడు ట్రంప్.
తాను ఎవరిని వ్యక్తిగతంగా దూషించాలనుకోవడంలేదు కానీ... నిద్రపోయే బిడెన్ ను అధ్యక్షుడిగా చేయాలనీ చైనా భావిస్తోందని ఫైర్ అయ్యాడు ట్రంప్. కరోనా నష్టానికి గాను చైనా నుంచి దిగుమతి అయ్యే వస్తువులు, సేవలపై సుంకాలు విధించనున్నట్టు స్పష్టం, చేసాడు ట్రంప్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి