నేను అమ్మకానికి లేను.. నన్ను నేనే పెళ్లి చేసుకున్నా.. అరబ్ షేక్ ఆఫర్‌పై మాడల్ ఘాటు వ్యాఖ్యలు
By telugu team | First Published Sep 26, 2021, 4:36 PM ISTసంతోషంగా ఉండటానికి పురుషులపై ఆధారపడాల్సిన అవసరం లేదని, ఒంటరిగానూ హ్యాపీగా లైఫ్ గడిపేయవచ్చని పేర్కొంటూ ఇటీవలే ఓ బ్రెజిల్ మాడల్ తనను తానే పెళ్లి చేసుకున్నారు. ఓ చర్చి ముందు పెళ్లి కూతురి గెటప్‌లో ఫోజు ఇచ్చిన ఫొటో సోషల్ మీడియాలో షేర్ చేశారు. దీనిపై అనేక ట్రోల్స్ వచ్చాయి. ఓ అరబ్ షేక్ ఆఫర్ వచ్చినట్టు ఆమె తెలిపారు. 5 లక్షల డాలర్లు కట్నం ఇస్తారని, తనను పెళ్లి చేసుకోవాలని ఆ లేఖలో పేర్కొన్నారని ఆమె వివరించారు. ఆయన ఆఫర్‌ను తిరస్కరించారని, తానిక్కడ అమ్మకానికి లేరని మాడల్ స్పష్టం చేశారు.
న్యూఢిల్లీ: ఇటీవలే ఓ బ్రెజిలియన్(Brazilian) మాడల్(Model) సోషల్ మీడియా(Social Media)లో తెగ వైరల్ అయ్యారు. తాను సంతోషంగా ఉండటానికి పురుషులపై ఆధారపడాల్సిన అవసరం లేదని పేర్కొంటూ తనను తానే పెళ్లి చేసుకుంటున్నట్టు ప్రకటించారు. ఓ చర్చి ముందు వైట్ బ్రైడ్ డ్రెస్‌లో ఫోజు ఇచ్చిన ఫొటోపై కుప్పలుగా కామెంట్లు వచ్చాయి. ఆ ఫొటోను పోస్టు చేసిన తర్వాతే అరబ్ షేక్(Arab sheikh) తనకు ఓ ఆఫర్(Offer) ఇచ్చాడని పేర్కొంది.
‘నేను ఒంటరిగా ఉండటానికి భయపడేదాన్ని. ఇతరులతో కలిసి ఉండటానికి ప్రయత్నించాను. ముఖ్యంగా జీవితంలో సంతోషంగా ఉండాలంటే పురుషులతో తోడు ఉండాల్సిందేనని అనుకున్నాను. కానీ, కొంత కాలం ఒంటరిగా ఉన్న తర్వాత నాకో ఓ విషయం అర్థమైంది. నన్ను ప్రేమించుకోవడం మొదలుపెట్టాను. ఒంటిగా కూడా సంతోషంగా గడపవచ్చని తెలిసింది. అందుకే దాన్ని వేడుక చేసుకోవాలనుకున్నాను’ అని మాడల్ క్రిస్ గాలెరా వివరించారు.
Latest Videos
undefined
Cris Galera se casó con ella misma xq según ella: "los hombres son infieles y quieren varias mujeres al mismo tiempo". Ahora ha recibido propuestas d hombres y mujeres pero dice q no piensa divorciarse; aunque si acepta pondrá a la otra persona en 2o lugar. pic.twitter.com/WOSIuLtsjf
— Gerald Abrego (@gerald_abrego)అందుకే తన మిత్రులతో కలిసి ఓ చర్చికి వెళ్లి.. తనను తానే పెళ్లి చేసుకున్నట్టు ప్రకటించారు. ఈ పోస్టుపై సోషల్ మీడియాలో ట్రోల్స్ వచ్చాయి. నెగెటివ్ కామెంట్స్ తనను గాయపరచకుండా ఉండటానికి వాటిని పట్టించుకోలేరామె. కానీ, ఆ పోస్టు తర్వాతే ఓ అరబ్ షేక్ నుంచి తనకు ఓ ఆఫర్ వచ్చిందని ఓ డిజిటల్ మీడియా సంస్థకు తాజాగా వెల్లడించారు.
‘నాకు నేను డైవర్స్ ఇచ్చుకోవాలన్నారు. తర్వాత ఆయనను పెళ్లి చేసుకోవాలన్నారు’ అని ఓ అరబ్ షేక్ ఆఫర్ వివరించారు. వరకట్నం కింద 5 లక్షల అమెరికన్ డాలర్లు ఇస్తారని చెప్పారన్నారు. అంతేకాదు, ఓ సారి ఆయనతో మాట్లాడారని చెప్పారు. సూటిగా ఆయన ఆఫర్‌ను తిరస్కరించినట్టు వివరించారు. తాను ఇక్కడ అమ్మకానికి లేనని స్పష్టం చేశారు. ఇలాంటి ఆఫర్‌తో మహిళల గౌరవాన్ని దిగజార్చారని అన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి