పొంచి ఉన్న మరో మహమ్మారి ‘జోంబీ డీర్ డిసీజ్’.. మనుషులు జాంబీల్లా మారతారా?
By SumaBala Bukka | First Published Dec 26, 2023, 8:12 AM ISTజింకలను ప్రభావితం చేసే ఈ ప్రియాన్ వ్యాధి ఉత్తర అమెరికా జనాభాలో వేగంగా వ్యాపిస్తోంది. జోంబీ లాగా నడవడం ఈ లక్షణాలలో ఒకటి కాబట్టి పరిశోధకులు దీనిని 'జోంబీ డీర్ వ్యాధి' అని పిలుస్తున్నారు.
జోంబీ డీర్ డిసీజ్ మనుషులకు సోకనుందా? అంటే శాస్త్రవేత్తలు అవుననే సమాధానం ఇస్తున్నారు. అంటువ్యాధి అయిన జోంబీ డీర్ డిసీజ్ గా పిలిచే ఈ క్రానిక్ వేస్టింగ్ డిసీజ్ త్వరలో జంతువుల నుంచి మనుషులకు సోకే ప్రమాదం ఉందని భయాందోళనలు వ్యక్తం చేస్తున్నారు. దీనికి కారణం..జింకలు, మనుషుల్లో ఒకేరకంగా ఉండే మెదడు ప్రోటీనే అని చెబుతున్నారు.
ప్రియాన్ అనే మెదడులోని ప్రోటీన్ అభివృద్ధి ద్వారా వ్యాపించే క్రానిక్ వేస్టింగ్ డిసీజ్(CWD) అలియాస్ ‘జోంబీ డీర్ డిసీజ్’ గురించి అందుకే శాస్త్రవేత్తలు ఆందోళన చెందుతున్నారు. గత నెలలో వ్యోమింగ్‌లోని ఎల్లోస్టోన్ నేషనల్ పార్క్‌లో దొరికిన జింక మృతదేహం ప్రియాన్ వ్యాధికి పాజిటివ్ గా తేలింది.
Latest Videos
undefined
నైజీరియాలో సాయుధ మూకల కాల్పులు.. 160 మంది మృతి..
సాధారణంగా ఆరోగ్యకరమైన మెదడు ప్రోటీన్లు ప్రియాన్ ప్రభావంతో అసాధారణంగా మడతపడేలా ప్రేరేపించబడతాయి. ప్రియాన్ కూడా ఒక రకమైన ప్రోటీనే. ఇది మానవులు, జంతువులలో వ్యాధులను కలిగించే సామర్థ్యాన్ని కలిగి ఉంటుంది. ఈ వ్యాధి సోకిన జంతువుల మాంసాన్ని తినడం ద్వారా మనుషులకు ఇది వ్యాప్తి చెందుతుంది.
ప్రియాన్ వ్యాధుల కొన్ని సాధారణ లక్షణాల్లో కొన్ని ఇలా ఉన్నాయి. మతిభ్రమించడం.. భ్రాంతులు కలగడం, నడవడం, మాట్లాడటం కష్టంగా మారడం, గందరగోళంగా ఉండడం, అలసట, కండరాల దృఢత్వం లాంటివి కనిపిస్తాయి.
జింకలను ప్రభావితం చేసే ఈ ప్రియాన్ వ్యాధి ఉత్తర అమెరికా జనాభాలో వేగంగా వ్యాపిస్తోంది. జోంబీ లాగా నడవడం ఈ లక్షణాలలో ఒకటి కాబట్టి పరిశోధకులు దీనిని 'జోంబీ డీర్ వ్యాధి' అని పిలుస్తున్నారు. సీడబ్ల్యూడీ చాలా కాలంగా జింకలను ప్రభావితం చేస్తుంది. గత నెలలో ఎల్లోస్టోన్‌లో మొదటి కేసు వెలుగు చూసినప్పుడే, ఈ ప్రాణాంతక వ్యాధి ఏదో ఒక రోజు మానవులకు వ్యాపించవచ్చని పరిశోధకులలో ఆందోళనలను పెంచింది.
సీడీసీ ప్రకారం, ఈ రకమైన ప్రియాన్ వ్యాధి పొరపాట్లు చేయడం, బరువు తగ్గడం, బద్ధకం ,ఇతర నాడీ సంబంధిత లక్షణాలను కలిగిస్తుంది. జింకలు మానవులు, ఇతర జంతువులతో కలవడం తగ్గుతుంది. ఈ ప్రియాన్ వ్యాధి ఉత్తర అమెరికా, నార్వే, కెనడా, దక్షిణ కొరియా ప్రాంతాలలో జింక, రెయిన్ డీర్, దుప్పి, ఎల్క్‌లలో నిర్ధారణ చేయబడింది.
మానవులలో 'జోంబీ డీర్ వ్యాధి' వ్యాప్తి చెందుతుందని శాస్త్రవేత్తలు హెచ్చరించడంతో నెటిజన్లు భిన్నరకాలుగా స్పందిస్తున్నారు. ‘ఇది మరో కోవిడ్ 19 లాంటిదని’ ఒకరంటే.. ‘ఇన్నిరోజులు చచ్చిన మనుషులు నడవడం సినిమాల్లో చూశాం, ఇప్పుడు రియల్ గా చూడాల్సొస్తుందేమో’, ‘ఇది మానవాళికి అంతం’ అని మరికొందరు భయాందోళనలు వ్యక్తం చేశారు.
అయితే, స్పిల్‌ఓవర్ కేసు ఇప్పటికి ఇంకా లేవని.. అయితే, జోంబీ డీర్ వ్యాధి వ్యాప్తి చెందదని దీని అర్థం కాదని ఎపిడెమియాలజిస్టులు అంటున్నారు. క్రానిక్ వేస్ట్ డిసీజ్ అనేది బోవిన్ స్పాంజిఫార్మ్ ఎన్సెఫలోపతితో సహా ప్రాణాంతక నరాల సంబంధిత రుగ్మతల సమూహం. దీనిని సాధారణంగా 'పిచ్చి ఆవు వ్యాధి' అని కూడా అంటారు. సెంటర్ ఫర్ ఇన్ఫెక్షియస్ డిసీజ్ రీసెర్చ్ అండ్ పాలసీ ప్రోగ్రాం కో-డైరెక్టర్ అయిన డాక్టర్ కోరి ఆండర్సన్ ఇలా అన్నారు.
"బ్రిటన్‌లోని బిఎస్‌ఇ వ్యాప్తి, రాత్రిపూట, పశువుల నుండి స్పిల్‌ఓవర్ సంఘటన జరిగినప్పుడు, ప్రజలకు ఎలా వెర్రితలాడుతుందో చెప్పడానికి ఒక ఉదాహరణను అందించింది." శాస్త్రవేత్తలు ఇలాంటి సంఘటన జరిగే సంభావ్యతను చర్చిస్తున్నారని ఆయన అన్నారు. డాక్టర్ ఆండర్సన్ "ఇది ఖచ్చితంగా జరుగుతుందని ఎవరూ చెప్పడం లేదు, కానీ ప్రజలు సిద్ధంగా ఉండటం ముఖ్యం." అన్నారు. మరొక విషయం ఆయన చెప్పిందేమిటంటే.. జోంబీ డీర్ డిసీజ్ ను నిర్మూలించడానికి ప్రభావవంతమైన మార్గం ఏదీ లేదు. సోకిన జంతువులు లేదా వాటి ద్వారా కలుషితమైన పరిసరాల నుండి దీన్ని తప్పించలేం అన్నారు.
Damn, Rudolph caught the zombie deer disease 💀 pic.twitter.com/vdEZr9aHyh
— Creepy.org (@CreepyOrg)
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి