మీరు కిడ్నీ పేషెంటా? అయితే ఈ ఆరింటిని ఎట్టి పరిస్థితిలో తినకండి..
సారాంశం
కొన్ని రకాల ఆహారాలు ఆరోగ్యానికి ఎంతో ప్రయోజనకరంగా ఉంటాయి. అయితే కొన్ని అనారోగ్య సమస్యలతో బాధపడేవారు మాత్రం కొన్ని ఆహారాలకు దూరంగా ఉండాలి. ఎందుకంటే అవి వారి సమస్యను ఇంకింత ఎక్కువ చేస్తాయి.
ప్రస్తుత కాలంలో కిడ్నీ సమస్యలు సర్వసాధారణం అయిపోయాయి. ఎందుకంటే ఈ రోజుల్లో ఇంటి ఫుడ్ కంటే బయటిఫుడ్ నే ఎక్కువగా తింటున్నారు. ఫాస్ట్ ఫుడ్ ను ఎక్కువగా తినేవారికే మూత్రపిండాల సమస్యలు ఎక్కువగా వస్తాయని ఆరోగ్య నిపుణులు చెబుతున్నారు. ఫాస్ట్ ఫుడ్ ను ఎక్కువగా తినేవారు శారీరక శ్రమను ఎక్కువగా చేయాలి. అప్పుడే పిండి పదార్థాలు సులువుగా జీర్ణం అవుతాయి. అయితే ప్రతిరోజూ ఫాస్ట్ ఫుడ్ ను తీసుకుంటే మీ మూత్రపిండాలు తొందరగా దెబ్బతింటాయి. అందుకే కిడ్నీ సమస్యలున్న వారు బయటిఫుడ్ కంటే ఇంట్లో వండిన ఫుడ్ నే తినాలి. అంతేకాకుండా వీళ్లు కొన్ని ఆహారాలకు దూరంగా ఉండాలి. లేదంటే కిడ్నీ సమస్యలు ఎక్కువవుతాయి.
కిడ్నీ రోగులు ఎప్పుడూ కూడా ఆరోగ్యకరమైన ఆహారాలనే తినాలి. అప్పుడే వారి శరీరం ఆరోగ్యంగా, ఫిట్ గా ఉంటుంది. అలాగే వారి శక్తి స్థాయిలు పెరుగుతాయి. కిడ్నీలు కూడా ఆరోగ్యంగా ఉంటాయి. కిడ్నీ పేషెంట్లు భోజనం చేసిన వెంటనే పడుకోకూడదు. మొలకెత్తిన గింజలు, ఇంట్లో తయారుచేసిన జ్యూస్, గ్రీన్ సలాడ్స్ ను ఎక్కువగా తీసుకోవాలి. ఇవి వారి మూత్రపిండాలను ఆరోగ్యంగా ఉంచుతాయి. ఇంతకీ కిడ్నీ పేషెంట్లు ఎలాంటి ఆహారాలకు దూరంగా ఉండాలంటే?
- మూత్రపిండాల సమస్యలున్నవారు అరటిపండ్లను తినడం సేఫ్ కాదు. ఎందుకంటే అరటిపండ్లు మూత్రపిండాల ఆరోగ్యాన్ని దెబ్బతీస్తాయి. అందుకే వీళ్లు ఈ పండ్లను ఎక్కువగా తినకూడదు.
- బంగాళాదుంపలు కూడా కిడ్నీ పేషెంట్లకు మంచివి కావు. ఎందుకంటే బంగాళాదుంప తొక్క కిడ్నీ ఆరోగ్యాన్ని దెబ్బతీస్తుంది. అందుకే బంగాళాదుంపలను వీళ్లు అస్సలు తినకూడదు.
- మూత్రపిండాల సమస్యలతో బాధపడేవారు మాంసాన్ని ఎక్కువగా తినకూడదు. ఎందుకంటే మాంసాన్ని తింటే మీ మూత్రపిండాలు ఎక్కువగా కష్టపడాల్సి వస్తుంది. మీకు తెలుసా మాంసాన్ని ఎక్కువగా తినేవారి మూత్రపిండాల ఆరోగ్యం త్వరగా దెబ్బతింటుంది.
- కిడ్నీ పేషెంట్లు టమాటాలకు వీలైనంత దూరంగా ఉండాలని ఆరోగ్యా నిపుణులు చెబుతున్నారు. ఎందుకంటే టమాటాలు, టమాటా విత్తనాలు రెండూ మూత్రపిండాల ఆరోగ్యంపై చెడు ప్రభావాన్నిచూపుతాయి.
- ప్రోటీన్లు అందాలని పప్పులను కిడ్నీ పేషెంట్లు ఎక్కువగా తినకూడదు. డాక్టర్ల సలహాను తీసుకునే పప్పును మోతాదులో తీసుకోవాల్సి ఉంటుంది.