‘ది ఇమ్మోర్టల్ అశ్వత్థామ’గా ఎన్టీఆర్ లేక బన్నినా?
By Surya Prakash | First Published Apr 16, 2023, 9:28 AM ISTమరో బాలీవుడ్ బడా ప్రాజెక్ట్ కోసం ఎన్టీఆర్ అండ్ అల్లు అర్జున్ పేరులు వినిపిస్తున్నాయి. వివరాల్లోకి వెళితే...
ఆర్.ఆర్.ఆర్ తర్వాత పాన్ ఇండియా మార్కెట్ లో రామ్ చరణ్, ఎన్టీఆర్ లకు ఓ రేంజిలో డిమాండ్ పెరిగిన సంగతి తెలిసిందే. దీంతో బాలీవుడ్ మేకర్స్.. ఈ హీరోలతో సినిమాలు చేస్తే నార్త్ టు సౌత్ మార్కెటింగ్ అవుతుందని భావిస్తున్నారు. ఈ క్రమంలోనే ఇటీవల హృతిక్ రోషన్ (Hrithik Roshan) సినిమాకి ఎన్టీఆర్ ని ఎంపిక చేసుకున్నారు. తాజాగా ఇప్పుడు మరో బాలీవుడ్ బడా ప్రాజెక్ట్ కోసం ఎన్టీఆర్ అండ్ అల్లు అర్జున్ పేరులు వినిపిస్తున్నాయి. వివరాల్లోకి వెళితే...
సూపర్ హిట్ చిత్రం యూరి ది సర్జికల్ స్ట్రైక్ సినిమాని తెరకెక్కించిన ఆదిత్య ధర డ్రీమ్ ప్రాజెక్ట్ ‘ది ఇమ్మోర్టల్ అశ్వత్థామ’.ఈ చిత్రంలో ఎన్టీఆర్ లేదా అల్లు అర్జున్ ని తీసుకునేందుకు నిర్మాతలు ఆలోచిస్తున్నారట. గతంలో ఈ సినిమాని బాలీవుడ్ ప్రముఖ నిర్మాత రోనీ స్క్రూవాలా ప్రొడ్యూస్ చేసేందుకు ముందుకు వచ్చాడు. ఆ సమయంలో ఈ మూవీలో హీరోగా విక్కీ కౌషల్ ని అనుకున్నాడు దర్శకుడు. అయితే ఈ ప్రాజెక్ట్ నుంచి అనుహ్యంగా నిర్మాత రోనీ తప్పుకున్నాడు. ఇక ఇటీవల ఈ ప్రాజెక్ట్ ని జియో స్టూడియోస్ టేక్ అప్ చేసింది.
జియో వారు సీన్ లోకి వచ్చాక ఈ సినిమాలో హీరోగా రణ్‌వీర్ సింగ్ (Ranveer Singh) ని తీసుకుంటున్నారు అంటూ వార్తలు వినిపిస్తున్నాయి. అయితే తాజాగా సినిమా కోసం ఎన్టీఆర్, అల్లు అర్జున్ పేరులను పరిశీలిస్తున్నట్లు బాలీవుడ్ లో గట్టిగా వార్తలు వినిపిస్తున్నాయి. అయితే ఎన్టీఆర్ కన్ఫర్మ్ అయ్యే అవకాసం ఉందని కొందరు అంటున్నారు. అదేం కాదు ఎన్టీఆర్ ఒక బాలీవుడ్ ప్రాజెక్టు ఒప్పుకున్నాడని వరస పెట్టి ఓకే చెయ్యడు అని మరికొందరు అంటున్నారు. ఏదైమైనా వీరిద్దరిలో ఎవరో ఒకర్ని హీరోగా ఎంపిక చేసుకుంటే పాన్ ఇండియా వైడ్ మార్కెటింగ్ జరుగుతుందని నిర్మాతలు భావిస్తున్నారు. మరి అన్ని అనుకున్నట్లు జరిగితే ఈ ప్రాజెక్ట్ లోకి ఎన్టీఆర్ లేదా అల్లు అర్జున్ఎంట్రీ ఇవ్వొచ్చు.ఇదో హై బడ్జెట్ సైన్స్ ఫిక్షన్ చిత్రం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి