రావురమేష్ కు అనుకున్న పాత్రలో చిరు,స్టోరీ లైన్ ఇదే
By Surya Prakash | First Published Jun 22, 2023, 4:39 PM ISTబంగార్రాజు(Bangarraju) ఫేమ్ కళ్యాణ్ కృష్ణ(Kalyan Krishna) డైరెక్షన్ లో ఒక మూవీ, బింబిసార(Bimbisara) ఫేమ్ మల్లిడి వశిష్ట(Mallidi Vashist) డైరెక్షన్ లో మరో సినిమాను చిరు గ్రీన్ సిగ్నల్ ఇచ్చినట్టు సమాచారం.
ఇండస్ట్రీలో ఒక హీరోకు అనుకున్న కథ మరొక హీరోకు సెట్ అవటం పెద్ద వింతా, విశేషం అసలుకాదు. కానీ రావు రమేష్ వంటి క్యారక్టర్ ఆర్టిస్ట్ కోసం రాసుకున్న పాత్రను మెగా స్టార్ చిరంజీవి చేయటం మాత్రం విశేషమే. ఏ సినిమా కోసం అంటారా..అయితే వివరాల్లోకి పదండి.
రీసెంట్ గా వాల్తేరు వీరయ్య వంటి సూపర్ హిట్ చిత్రం ఇచ్చిన మెగాస్టార్ చిరంజీవి మరో సినిమాను లైన్లో పెట్టేశాడు. చిరంజీవి నటించే కొత్త మూవీని త్వరలో ప్రకటించబోతున్నారు. మెగాస్టార్ చిరంజీవి (Megastar Chiranjeevi) బంగార్రాజు ఫేమ్ డైరెక్టర్ కళ్యాణ్ కృష్ణ కురసాల(Kalyan Krishna Kurasala) కాంబినేషన్ లో ఓ కామెడీ ఎంటర్టైనర్ రాబోతున్నట్టు సమాచారం. ఈ చిత్రాన్ని మెగా డాటర్ సుష్మిత ఓన్ ప్రొడక్షన్ హాస్ అయిన హౌస్ గోల్డ్ బాక్స్ ఎంటర్ టైన్ మెంట్స్ నిర్మిస్తున్నట్లు తెలుస్తోంది. నేను లోకల్, ధమాకా వంటి సూపర్ హిట్ చిత్రాలతో సక్సెస్ ఫుల్ రైటర్ గా పేరు పొందిన బెజవాడ ప్రసన్న కుమార్ (Bejavada Prasanna Kumar) ఈ కథని సిద్ధం చేసినట్లు తెలిసింది.
Latest Videos
undefined
ఈ చిత్రం కథ కు విశేషం ఉందని వినికిడి. మొదట ఈ కథను ...రావు రమేష్,శ్రీవిష్ణు కోసం రెడీ చేసారట రైటర్. అయితే శ్రీవిష్ణుకు పెద్దగా ఎక్కక పోవటంతో ప్రాజెక్టు పట్టాలు ఎక్కలేదట. అయితే రీసెంట్ గా చిరంజీవి బ్యానర్ నుంచి ఆఫర్ రావటం,కథ గా దీన్నే చెప్పారట. ఈ కథలో రావు రమేష్ కు అనుకున్న పాత్రలో చిరంజీవి, శ్రీవిష్ణుకు అనుకున్న పాత్రకు సిద్దు జొన్నలగడ్డ ఫైనల్ చేయబోతున్నారట. మామా, మేనల్లుడు మధ్య జరిగే ఫన్ స్టోరీ అని వినికిడి. మొదట్లో చిరంజీవికు, సిద్దకు ఒకరంటే మరొకరి పడదని..ఆ క్రమంలో ఒకరు లవ్ స్టోరీని మరొకరు చెడకొట్టడం..చివరకు ఇద్దరు కలిసి తమ లవ్ స్టోరీలను సెట్ చేసుకోవటమే సినిమా అని తెలుస్తోంది. లైన్ గా చిన్నగా ఉన్నా ఫన్ కు లోటు ఉండదని తెలుస్తోంది.
ఇక ఈ చిత్రంతో 17 ఏళ్ళ తరువాత త్రిష(Trisha),చిరంజీవి(Chiranjeevi)మళ్ళీ జోడీగా నటిస్తున్నారు. టాలీవుడ్ సెన్సేషన్ బ్యూటీ శ్రీ లీల(Sree lila) సిద్దు జొన్నల గడ్డ(Siddu Jonnala Gadda) తో జోడి కట్టనున్నట్టు సమాచారం. ప్రీ ప్రొడక్షన్ వర్క్ జరుపుకుంటున్న ఈ మూవీ త్వరలో పట్టాలెక్కే అవకాశం ఉంది.
ఇక మెగాస్టార్ చిరంజీవి ‘వాల్తేరు వీరయ్య’(Waltair Veerayya) సూపర్ హిట్ తో మరింత స్పీడ్ పెంచారు. వరస సినిమాలు లైన్ లో పెడుతున్నారు. ప్రస్తుతం చిరు మెహర్ రమేశ్(Mehar Ramesh) డైరెక్షన్ లో ‘బోళా శంకర్’(Bhola Shankar) మూవీలో నటిస్తున్నారు. ఆగస్ట్ 11న ఈ సినిమా గ్రాండ్ గా రిలీజ్ కాబోతోంది. ఈ మూవీ తర్వాత ఆయన వరస పెట్టి సినిమాలు చేయబోతున్నారని సమాచారం. బంగార్రాజు(Bangarraju) ఫేమ్ కళ్యాణ్ కృష్ణ(Kalyan Krishna) డైరెక్షన్ లో ఒక మూవీ, బింబిసార(Bimbisara) ఫేమ్ మల్లిడి వశిష్ట(Mallidi Vashist) డైరెక్షన్ లో మరో సినిమాను చిరు గ్రీన్ సిగ్నల్ ఇచ్చినట్టు సమాచారం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి