ఏవైనా లైంగిక సంబంధిత సమస్యలు ఎదురైనా.. వాటిని కనీసం బయటకు చెప్పడటానికి ఇష్టపడటం లేదు. వైద్యులను కూడా సంప్రదించడం లేదు. దీని వల్ల.. అనేక ఆరోగ్య సమస్యలు వాళ్లను చుట్టిముట్టేస్తున్నాయి.
ప్రస్తుత కాలంలో మనం అన్ని రంగాల్లో దూసుకుపోతున్నాం. అన్నింట్లోనూ విజయాలు సాధిస్తున్నాం... అయినప్పటికీ.. కొన్ని విషయాల గురించి సమాజంలో ఓపెన్ గా మాట్లాడుకోలేకపోతున్నాం. అలాంటి వాటిలో శృంగారం, మహిళల లైంగిక ఆరోగ్యం, లైంగిక పరిశుభ్రతలు ముందు వరసలో ఉంటాయి. ముఖ్యంగా స్త్రీలు.. తమకు ఏవైనా లైంగిక సంబంధిత సమస్యలు ఎదురైనా.. వాటిని కనీసం బయటకు చెప్పడటానికి ఇష్టపడటం లేదు. వైద్యులను కూడా సంప్రదించడం లేదు. దీని వల్ల.. అనేక ఆరోగ్య సమస్యలు వాళ్లను చుట్టిముట్టేస్తున్నాయి.
చాలా మంది మహిళలు కలయిక తర్వాత.. ఇన్ఫెక్షన్లకు గురవుతారు. పెళ్లైన కొత్తలో మాత్రమే కాదు.. చాలా సంవత్సరాల తర్వాత కూడా ఈ సమస్య రావచ్చు. కానీ.. తమకు ఆ సమస్య ఉందని కనీసం భర్తకు కూడా చెప్పుకోలేని మహిళలు ఉన్నారు. అయితే.. మీరు కూడా ఇలా ఇన్ఫెక్షన్లతో బాధపడుతున్నట్లయితే.. వాటి నుంచి ఎలా బయటపడాలో ఇప్పుడు తెలుసుకుందాం. కలయిక తర్వాత.. మహిళలు కచ్చితంగా కొన్ని పనులు చేయాలి. అలా చేయడం వల్ల ఈ ఇన్ఫెక్షన్ల బాధ అస్సలు ఉండదు. మరి.. అవేంటో ఇప్పుడు చూద్దాం...
చాలా మంది మహిళలు చేసే బిగ్ మిస్టేక్. కలయిక తర్వాత.. వెంటనే అలానే పడుకొని నిద్రపోతారు. నిద్రపోవడంలో తప్పులేదు. కానీ.. శృంగారంలో పాల్గొన్న తర్వాత.. వెంటనే మూత్ర విసర్జన చేయాలి. లైంగిక సంపర్కం సమయంలో చాలా సార్లు బ్యాక్టీరియా స్త్రీల యోనిలోకి ప్రవేశిస్తుంది. అటువంటి పరిస్థితిలో, ఏదైనా బ్యాక్టీరియా యోని మార్గంలోకి చేరినట్లయితే, మూత్రం ద్వారా బ్యాక్టీరియా బయటకు వచ్చే అవకాశం ఉంది. అంతేకాకుండా.. సెక్స్ కారణంగా వచ్చే అనేక ఇన్ఫెక్షన్లు కూడా రాకుండా ఉంటాయి.
ఇక. మరో ముఖ్యమైన విషయం ఏమింటే.. కలయికలో పాల్గొన్న తర్వాత.. వెంటనే మంచినీరు తాగాలి. ఇది స్త్రీ, పురుషులు ఇద్దరికీ వర్తిస్తుంది. కలయిక తర్వాత బాడీ డీ హైడ్రేటెడ్ అయ్యే అవకాశం ఉంది. కాబట్టి..కచ్చితంగా నీరు తాగాలి. దాని వల్ల బాడీ హైడ్రేటెడ్ గా ఉంటుంది. అంతేకాకుండా.. అలసట తగ్గి.. శరీరానికి కావాల్సిన శక్తి అందుతుంది.
ఇక..కలయిలో పాల్గొన్న తర్వాత... వాటర్ తాగడం, మూత్ర విసర్జన చేయడం మాత్రమే కాదు.. స్త్రీలు తమ యోని భాగాన్ని శుభ్రం చేసుకోవాలి. నీటితో లేదంటే.. ఏదైనా క్లాత్ తో యోని భాగాన్ని సున్నితంగా శుభ్రం చేయాలి. ఇలా చేయడం వల్ల కూడా ఇన్ఫెక్షన్లను నివారించవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి