ఈ విషయంలో మృణాల్ చాలా గ్రేట్.. అమ్మాయిలందరూ నేర్చుకోవాల్సిందే..!

ఫ్యామిలీ స్టార్ మూవీ ప్రమోషన్స్ లో భాగంగా ఆమె చాలా ఇంటర్వ్యూలు ఇచ్చింది. ఈ నేపథ్యంలో.. ఆమె చేసిన కొన్ని కామెంట్స్ చాలా ఆసక్తికరంగా మారాయి.  

 ప్రస్తుతం టాలీవుడ్ లో మార్మోగిపోతున్న పేరు మృణాల్.  టాలీవుడ్ కి దొరికిన మంచి గోల్డెన్ లెగ్ అని అందరూ ప్రశంసిస్తున్నారు. మృణాల్ సినిమాలో ఉంది అంటే.. ఆ సినిమా బంపర్ హిట్ అనే కామెంట్స్ వినపడుతున్నాయి. ఇప్పటికే సీతారామంలో సీతగా.. హాయ్ నాన్నలో యశ్నగా అందరి మనసులు దోచేసింది. ఇప్పుడు.. ఫ్యామిలీ స్టార్ తో మరోసారి ప్రేక్షకుల ముందుకు వస్తోంది. ఈ మూవీ కూడా కచ్చితంగా హిట్ అవుతుందనే కామెంట్స్ ఎక్కువగా వినపడుతున్నాయి.

ఈ సంగతి పక్కన పెడితే... చాలా ఆలస్యంగా మృణాల్ తెలుగులో అడుగుపెట్టినప్పటికీ... అందరికి విపరీతంగా నచ్చేస్తోంది. అందుకే ఆమెకు  గ్యాప్ లేకుండా మూవీ ఆపర్లు వస్తున్నాయి. కాగా.. ఫ్యామిలీ స్టార్ మూవీ ప్రమోషన్స్ లో భాగంగా ఆమె చాలా ఇంటర్వ్యూలు ఇచ్చింది. ఈ నేపథ్యంలో.. ఆమె చేసిన కొన్ని కామెంట్స్ చాలా ఆసక్తికరంగా మారాయి.

నిజానికి బ్యూటీ ఫీల్డ్ లో ఉన్నవారంతా... తమను తాము ప్రతిసారీ స్పెషల్ గా కనిపించేలా చూసుకుంటారు. స్పెషల్ గా డిజైనర్ ని పెట్టుకొని.. వాళ్లతో అవుట్ ఫిట్స్ డిజైన్స్ చేయించుకుంటూ ఉంటారు. హీరోయిన్ల దాకా ఎందుకు సోషల్ మీడియాలో కూస్తో, కాస్తో పేరు తెచ్చుకున్నవారు సైతం డిజైనర్ వేర్ దుస్తులు వేసుకొని రచ్చ చేస్తూ ఉంటారు.

కానీ.. మృణాల్ మాత్రం ఈ ఫార్ములాకి చాలా విరుద్దం అంట. ఇప్పటి వరకు మృణాల్ రూ.2వేలకు మించి ఖరీదైన డ్రెస్ ఒక్కటి కూడా కొనలేదు అంటే మీరు నమ్మగలరా..? ఈ విషయాన్ని ఆమె స్వయంగా వెల్లడించింది. అదేంటి.. చాలా పార్టీలు, ఫంక్షన్స్ లో మంచి డిజైనర్ వేర్స్ వేసుకొని వచ్చింది కదా అని మీరు అనుకోవచ్చు.. అవన్నీ ప్రమోషన్స్ లో భాగంగా, కంపెనీ వాళ్లు ఆఫర్ చేసిన దుస్తులేనట.

Mrunal Thakur

తనకు తానుగా.. పర్సనల్ గా ఇప్పటి వరకు రూ.2వేలకు మించి డ్రెస్ కొనలేదని మృణాల్ చెప్పింది. ఖరీదైన దుస్తులు కొని.. వార్డ్ రోబ్ లో పెట్టి ఉంచడం తనకు అస్సలు నచ్చదని.. అసలు దుస్తులకు ఎక్కువ ఖర్చు  చేయడం కూడా తనకు నచ్చదు అని చెప్పింది. ప్రస్తుతం ఈ కామెంట్స్ వైరల్ గా మారాయి.

instagram

స్టార్ హీరోయిన్ హోదాలో ఉండి కూడా ఇంత సింపుల్ గా ఆలోచిస్తుందా అని నెటిజన్లు కామెంట్స్ చేస్తున్నారు. నిజమే కదా.. మహా అయితే.. నాలుగు లేదంటే ఐదుసార్లు వేసుకునే దుస్తుల కోసం వేలకు వేలు ఖర్చు చేయడం అవసరం అంటారా..? అమ్మాయిలు మీరేమంటారు..? ఈ విషయంలో మృణాల్ ని ఫాలో అవ్వొచ్చు అంటారా..?