చాలా మంది ఆడవారు ముఖానికి పసుపును రాసుకుంటుంటారు. పసుపు అందాన్ని పెంచుతుంది. మచ్చలను పోగొడుతుంది. కానీ దీన్ని సరిగ్గా అప్లై చేయకపోతేనే సమస్యలు వస్తాయి. మరి ముఖానికి పసుపును ఎలా అప్లై చేయాలంటే?
మనం పసుపును ప్రతి కూరలో వేస్తాం. పసుపును వేయకపోతే ఏ కూర చూడటానికి బాగుండదు. అలాగే రుచిగా కూడా ఉండదు. పసుపు రుచితో పాటుగా మన ఆరోగ్యానికి కూడా ఎంతో మేలు చేస్తుంది. ఇక అందం విషయానికొస్తే చర్మ సౌందర్యాన్ని పెంచడానికి ఎంతో మంది పసుపును బాగా ఉపయోగిస్తారు. అయితే పసుపును చర్మానికి వాడేటప్పుడు చాలా పొరపాట్లు చేస్తుంటారు. దీనివల్ల చర్మం దెబ్బతింటుందని నిపుణులు చెబుతున్నారు. నిపుణుల ప్రకారం.. పసుపులో యాంటీసెప్టిక్, యాంటీ ఇన్ఫ్లమేటరీ లక్షణాలు ఉంటాయి. అందుకే దీన్ని చర్మంపై నేరుగా ఉపయోగించకూడదు. ఎందుకంటే ఇది చికాకు, దురద, దద్దుర్లను కలిగిస్తుంది.
ముఖానికి పసుపును ఎలా ఉపయోగించాలి?
పసుపులో ఎన్నో ఔషదగుణాలు దాగుంటాయి. ఇది మన చర్మానికి ఎంతో ప్రయోజనకరంగా ఉంటుంది. ముఖ్యంగా చర్మానికి దీని వల్ల ఎన్నో ప్రయోజనాలు కలుగుతాయి. చాలా మంది పసుపును నేరుగా చర్మానికి అప్లై చేస్తారు. కానీ పసుపును ఇలా వాడటం వల్ల మచ్చలు అవుతాయి. అందుకే పసుపులో ఏదో ఒకటి మిక్స్ చేసి చర్మానికి అప్లై చేయాలని చెప్తారు. అంతే కాకుండా పసుపు వేడిగా ఉంటుంది. దీన్ని నేరుగా ముఖానికి అప్లై చేస్తే ముఖంపై దద్దుర్లు వస్తాయి. దురద పెడుతుంది. చర్మం ఎర్రగా మారుతుంది. అందుకే పాలు, తేనె, పెరుగు, శనగపిండి, పిండి, కలబంద జెల్ మొదలైన వాటిలో ఏదో ఒకటి పసుపులో కలిపి వాడాలి.
రోజూ మీ ముఖానికి పసుపును అప్లై చేయొచ్చా?
పసుపును ముఖానికి రోజూ అప్లై చేయకూడదు. ఎందుకంటే పసుపులో వేడి చేసే గుణం ఉంటుంది. ఒకవేళ మీరు రోజూ ముఖానికి పసుపును రాస్తే మొటిమలు అవుతాయి. అలాగే మీ చర్మం సున్నితంగా ఉంటే చర్మ నిపుణులను సంప్రదించిన తర్వాత మాత్రమే పసుపును ఉపయోగించాలి. వారానికి ఒకటి నుంచి రెండు సార్లు పసుపును ముఖానికి అప్లై చేయొచ్చు. పసుపులో బ్లీచింగ్ గుణాలు ఉంటాయి. ప్రతిరోజూ ముఖానికి పసుపు రాసుకుంటే ముఖం పసుపు రంగులోకి మారుతుంది.
పసుపు అప్లై చేసిన తర్వాత దురద, మంట వస్తుందా?
పసుపులో వేడి చేసే గుణం ఉంటుంది. అందుకే పసుపును చిటికెడు మాత్రమే ఉపయోగించాలి. చాలా మంది పసుపును ఒక టీస్పూన్ లేదా అంతకంటే ఎక్కువ కలిపి ఫేస్ ప్యాక్స్ మొదలైన వాటిలో ఉపయోగిస్తుంటారు. ఇలా చేయడం వల్ల ముఖంపై మంట, దురద సమస్యలు వస్తాయి. పసుపు వర్ణద్రవ్యాలు చర్మంపై పేరుకుపోతాయి. మీరు రోజూ పసుపును ఉపయోగిస్తే మీ చర్మం పూర్తిగా పసుపు రంగులో కనిపిస్తుందని నిపుణులు చెబుతున్నారు. అంతేకాదు నేచురల్ స్కిన్ కలర్ వల్ల మీ స్కిన్ టోన్ కాస్త డార్క్ గా కనిపిస్తుంది.
దేనిలోనూ పసుపు కలపకూడదా?
నిమ్మరసంలో పసుపును అస్సలు కలపకూడదు. ఎందుకంటే ఇది అలెర్జీకి దారితీస్తుంది. నిమ్మకాయలో సిట్రిక్ యాసిడ్ ఉంటుంది. ఇది చర్మాన్ని కాల్చగలదు. అలాగే చర్మం పై పొరను తొలగించి టాన్ చేస్తుంది. పసుపు కూడా వేడిగా ఉంటుంది. కాబట్టి రెండింటి కాంబినేషన్ మంచిది కాద. అలాగే పసుపును కీరదోసకాయ రసంలో కలపకూడదు. పసుపు వేడిగా ఉంటుంది. దోసకాయ రసం చల్లబరుస్తుంది. ఇది చర్మ ప్రతిచర్యకు కూడా కారణమవుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి