ఈ ఎనిమిది నెలల్లోనే ...సీఎం రేవంత్ రెడ్డి అంత అప్పు చేసారా..!!

తెలంగాణలో కాంగ్రెస్ అధికారాన్ని చేపట్టి కేవలం 8 నెలలు మాత్రమే అయ్యింది... కానీ రేవంత్ సర్కార్ వేలకోట్ల అప్పులు చేసారట. ఆ అప్పుల లెక్కలు మాజీ మంత్రి కేటీఆర్ మాటల్లోనే... 

Revanth reddy vs KTR

KTR : తెలంగాణ రాజకీయాలు హాట్ హాట్ గా సాగుతున్నాయి. అధికార కాంగ్రెస్, ప్రతిపక్ష బిఆర్ఎస్ మధ్య రాష్ట్ర ఆర్థిక పరిస్థితిపై వాడివేడిగా వాదోపవాదాలు జరుగుతున్నాయి. మిగులు బడ్జెట్ తో ఏర్పడిన రాష్ట్రాన్ని పదేళ్లలో అప్పులరాష్ట్రంగా మార్చారంటూ మాజీ సీఎం కేసీఆర్, గత బిఆర్ఎస్ ప్రభుత్వంపై కాంగ్రెస్ ఆరోపణలు చేస్తోంది. కాంగ్రెస్ అధికారంలోకి వచ్చి ఏడాదికూడా కాలేదు... అప్పుడే వేలకోట్ల అప్పులు చేసిందని బిఆర్ఎస్ నాయకులు ఆరోపిస్తున్నారు. ఇలా అధికార, ప్రతిపక్షాలు ఎవరికి తోచిన అప్పుల లెక్కలు వారు చెబుతున్నారు. 

గత బిఆర్ఎస్ ప్రభుత్వం అప్పులతో పాలనను అప్పగించిందని సీఎం రేవంత్ రెడ్డి అంటుంటే... మాజీ మంత్రి కేటీఆర్ మాత్రం మంచి ఆదాయంతో అప్పగించామని అంటున్నారు. కాంగ్రెస్ అధికారం చేపట్టేనాటికి అంటే 2023 చివరినాటికి తెలంగాణ  రూ.5,900 కోట్ల మిగులు బడ్జెట్ తో ఉందన్నారు కేటీఆర్. కానీ కాంగ్రెస్ పాలనలో రాష్ట్రం అప్పులపాలు అవుతోందని మాజీ మంత్రి ఆందోళన వ్యక్తం చేసారు. 

Revanth reddy vs KTR

కాంగ్రెస్ ప్రభుత్వం అధికారంలోకి వచ్చి 8 నెలలే అయ్యింది... కానీ ఏకంగా రూ.50 వేలకోట్లు అప్పులు చేసిందన్నారు. ఓ కొత్త ప్రాజెక్ట్ చేపట్టింది లేదు... ప్రజాప్రయోజనాల కోసం, రాష్ట్ర అభివృద్ది కోసం గొప్పగా ఖర్చుచేసిందేమీ లేదు... మరి ఇంత అప్పు ఎందుకు చేసారని కేటీఆర్ నిలదీసారు. ఇదేనా మీరు చెప్పిన మార్పు అంటూ కాంగ్రెస్ నాయకులపై బిఆర్ఎస్ వర్కింగ్ ప్రెసిడెంట్ సెటైర్లు వేసారు. 

ముఖ్యమంత్రి రేవంత్ రెడ్డి గతంలో ఎప్పుడూ లేనివిధంగా కేవలం 8 నెలల్లోనే రికార్డుస్థాయిలో అప్పులు చేసారన్నారు. ఇంత పెద్దమొత్తంలో అప్పు చేయాల్సిన అవసరం ఏమొచ్చిందో చెప్పాలన్నారు. ఇలా కాంగ్రెస్ ప్రభుత్వం చేసే అప్పుల ప్రజల్లో భయాందోళన పెంచేలా వున్నాయన్నారు. 

Revanth reddy vs KTR

బిఆర్ఎస్ ప్రభుత్వం గత పదేళ్ల పాలనలో రాష్ట్ర సంపద పెంచింది... కానీ 8 నెలల్లోనే కాంగ్రెస్ అప్పులు పెంచిందన్నారు కేటీఆర్. బీఆర్ఎస్ పై అప్పులు అప్పులు అంటూ తప్పుడు ప్రచారం చేశారు... ఇప్పుడు మీరు చేసే అప్పులపై ఏం సమాధానం చెబుతారని ప్రశ్నించారు. అపోహలు, అర్థ సత్యాలను ప్రచారం చేసి జనాన్ని తప్పుదోవ పట్టించారు... ఇప్పుడు అసలు విషయం ప్రజలకు అర్థమవుతోందన్నారు. 

Revanth reddy vs KTR

బిఆర్ఎస్ తప్పుడు ప్రచారంతో అధికారంలోకి వచ్చిన కాంగ్రెస్ అన్ని రికార్డులను బద్దలు కొడుతూ అప్పులు చేస్తోందన్నారు. ఇప్పుడు రాష్ట్రం అభివృద్ది, ప్రజా సంక్షేమంలో కాదు అప్పుల్లో టాప్ లోకి వెళుతోందన్నారు. దీనికి కాంగ్రెస్ ప్రభుత్వం ఏం సమధానం చెబుతుందని కేటీఆర్ ప్రశ్నించారు. 

Revanth reddy vs KTR

ఇదేవిధంగా అప్పులు చేసుకుంటూ పోతే కాంగ్రెస్ పదవీకాలం ముగిసేనాటికి రాష్ట్రంపై 4 నుండి 5 లక్షల కోట్ల అప్పుల భారం పడుతుందని కేటీఆర్ పేర్కొన్నారు. అప్పుల విషయంలో బీఆర్ఎస్ ను బద్నాం చేసి ప్రజలను మోసం చేయటంలో కాంగ్రెస్ విజయవంతమైందన్నారు. కానీ ప్రస్తుతం ప్రజలు అన్ని గమనిస్తున్నారు... సరైన సమయంలో కాంగ్రెస్ కు కచ్చితంగా బుద్ది చెబుతారని కేటీఆర్ హెచ్చరించారు.