కరోనా ప్రభావం జీహెచ్ఎంసీ పరిధిలో బీర్ల విక్రయాలపై పడింది. బీర్ల విక్రయాలు అసాధారణంగా పడిపోయాయి. సాధారణంగా రోజు 15 లక్షల కేసుల బీర్లను విక్రయిస్తారు. అయితే ప్రస్తుతం 13 లక్షల బీర్లు మాత్రమే విక్రయమౌతున్నాయి.
బీర్ల ధరలను తగ్గించినా కూడా జీహెచ్ఎంసీ పరిధిలో వాటి విక్రయాలు పడిపోయాయి.కరోనా భయంతోనే బీర్ల విక్రయాలు తగ్గిపోయాయని వ్యాపారులు భావిస్తున్నారు. గ్రేటర్ హైద్రాబాద్ పరిధిలో మద్యం విక్రయాల్లో సింహాభాగం బీర్ల విక్రయాలుఉండేవి. కానీ కరోనా ప్రభావం బీర్ల విక్రయాలపై పడింది.
అతి చల్లగా ఉండే పదార్ధాలు లేదా డ్రింక్స్ తాగితే కరోనా వ్యాప్తి చెందే అవకాశం ఉందనే ప్రచారం ఉన్న నేపథ్యంలో బీర్ల విక్రయాలు తగ్గాయని మద్యం వ్యాపారులు చెబుతున్నారు. బీర్లకు బదులుగా మద్యం వైపునకు మందు ప్రియులు మొగ్గుచూపుతున్నారు.
జీహెచ్ఎంసీ పరిధిలో ప్రతి రోజూ సుమారు 15 లక్షల కేసుల బీర్ల విక్రయాలు జరుగుతాయి. అయితే ప్రస్తుతం రోజూ కేవలం 13 లక్షల కేసుల బీర్లు మాత్రమే విక్రయమౌతున్నాయి.
వేసవిలో రోజూ వారీ విక్రయాలు జీహెచ్ఎంసీలో రెట్టింపు ఉండేది. వేసవి కాకుండా సాధారణ రోజుల్లో కూడ బీర్ విక్రయాలు బాగా ఉండేవి. అయితే ప్రస్తుతం అందుకు భిన్నమైన వాతావరణం కన్పిస్తోంది.
గత సంవత్సరం లాక్‌డౌన్‌ అనంతరం బీర్లపై తెలంగాణ ప్రభుత్వం రూ.30 వరకు పెంచారు. సహజంగానే కోవిడ్‌ దృష్ట్యా బీర్‌కు దూరంగా ఉన్న వారు ధరల పెంపుతో మరింత దూరమయ్యారు. దీంతో ప్రభుత్వం ఒక్కో బీర్‌పై రూ.10 తగ్గించింది.
దీంతో రూ.210 నుంచి రూ.200 కు, రూ.170 నుంచి రూ.160 కి బీరు ధరలు తగ్గాయి. ఈ కారణంగానైనా అమ్మకాలు పెరగవచ్చునని అంచనా వేశారు. అయినా ప్రయోజనం లేదు.
క్వార్టర్ లిక్కర్ కంటే బీరు ధర ఎక్కువగా ఉండడం కూడ అమ్మకాలపై పడిందనే అభిప్రాయాలను అధికారులు వ్యక్తం చేస్తున్నారు.