WiFi: ప్రస్తుతం ప్రతీ ఇంట్లో వైఫై ఇంటర్నెట్ ప్రతి ఇంటిలో అవసరంగా మారింది. అయితే మంచి స్పీడ్ ప్లాన్ తీసుకున్నప్పటికీ చాలామందికి WiFi ఒక్కసారిగా నెమ్మదిగా పనిచేస్తుంది. కొన్ని సందర్భాల్లో మీ వైఫైని ఇతరులు ఉపయోగించే అవకాశాలు ఉంటాయి.
కొన్ని సందర్భాల్లో పొరుగువారు లేదా సమీపంలో ఉన్న ఇతర వ్యక్తులు మీకు తెలియకుండా మీ WiFi నెట్వర్క్కు కనెక్ట్ కావచ్చు. ఒకసారి పాస్వర్డ్ను ఎవరికైనా చెప్పి ఉంటే లేదా బలహీనమైన పాస్వర్డ్ను ఉపయోగిస్తే ఇలా జరగడం సులభం. ఎక్కువ మంది ఒకే WiFiని ఉపయోగిస్తే ఇంటర్నెట్ స్పీడ్ తగ్గిపోతుంది. అంతేకాకుండా మీ డేటా వినియోగం కూడా వేగంగా పెరుగుతుంది. అందువల్ల ఎవరెవరు మీ WiFiకి కనెక్ట్ అయ్యారో తరచూ పరిశీలించడం అవసరం.
26
కనెక్ట్ అయిన డివైస్లను ఎలా చెక్ చేయాలి?
మీ WiFi రౌటర్ సెట్టింగ్స్లోకి వెళ్లి కనెక్ట్డ్ డివైజ్ లేదా అటాచ్డ్ డివైజ్ అనే విభాగాన్ని ఓపెన్ చేస్తే ప్రస్తుతం నెట్వర్క్కు కనెక్ట్ అయిన అన్ని డివైస్ల వివరాలు కనిపిస్తాయి. మీ మొబైల్, ల్యాప్టాప్, స్మార్ట్ టీవీ వంటి మీకు తెలిసిన పరికరాలతో పాటు గుర్తు తెలియని డివైస్లు కనిపిస్తే అప్రమత్తం కావాలి. అలాంటి డివైస్లు ఉంటే వెంటనే వాటిని బ్లాక్ చేయడం లేదా WiFi పాస్వర్డ్ మార్చడం మంచిది.
36
బలమైన పాస్వర్డ్ ఎందుకు అవసరం?
చాలామంది ఇప్పటికీ తమ మొబైల్ నంబర్, పేరు, జన్మదినం లేదా 12345678 వంటి సులభమైన పాస్వర్డ్లను ఉపయోగిస్తున్నారు. ఇలాంటి పాస్వర్డ్లను సైబర్ నేరగాళ్లు లేదా ఇతరులు సులభంగా ఊహించగలరు. WiFi పాస్వర్డ్ను రూపొందించేటప్పుడు ఈ విషయాలు గుర్తుంచుకోవాలి:
* క్యాపిటల్ లెటర్స్ (A-Z) ఉపయోగించాలి.
* స్మాల్ (a-z) కలపాలి
* సంఖ్యలు (0-9) చేర్చాలి
* ప్రత్యేక గుర్తులు (@, #, $, %) ఉపయోగించాలి.
* కనీసం 12 అక్షరాల పొడవు ఉండాలి
పాస్వర్డ్ మార్చిన వెంటనే పాత పరికరాలన్నీ ఆటోమేటిక్గా డిస్కనెక్ట్ అవుతాయి. దీంతో అనుమతి లేని వినియోగదారులు మళ్లీ కనెక్ట్ కాలేరు.
రూటర్లో తప్పనిసరిగా మార్చాల్సిన భద్రతా సెట్టింగ్స్
WiFi ఏర్పాటు చేసిన తర్వాత చాలామంది రౌటర్ సెట్టింగ్స్ను మళ్లీ చూడరు. ఇది పెద్ద పొరపాటు కావచ్చు. మీ రూటర్లో WPA2 లేదా WPA3 Security Mode యాక్టివ్లో ఉందో లేదో చూసుకోవాలి. ఇవి నెట్వర్క్కు అదనపు భద్రతను కల్పిస్తాయి. అలాగే WPS (WiFi Protected Setup) ఫీచర్ను ఆఫ్ చేయడం మంచిది. ఇది త్వరగా కనెక్ట్ కావడానికి ఉపయోగపడినా, భద్రత పరంగా అంత సురక్షితమైన ఎంపిక కాదని నిపుణులు చెబుతున్నారు. రూటర్ ఫర్మ్వేర్ను కూడా తరచూ అప్డేట్ చేస్తూ ఉండాలి. కొత్త అప్డేట్లలో భద్రతా లోపాలకు పరిష్కారాలు అందుబాటులో ఉంటాయి.
56
WiFi స్లో కావడానికి ఇతర కారణాలు ఏమిటి?
ఇంటర్నెట్ను ఎవరూ దొంగచాటుగా వాడకపోయినా కొన్ని ఇతర కారణాల వల్ల కూడా WiFi స్పీడ్ తగ్గవచ్చు. రూటర్ను ఇంటి మూలలో ఉంచడం, మందమైన గోడల మధ్య సిగ్నల్ అడ్డంకులు, మైక్రోవేవ్, బ్లూటూత్ పరికరాల ప్రభావం, చాలా పాత రౌటర్ వాడటం, ఎక్కువ కాలం రీస్టార్ట్ చేయకపోవడం వంటి వాటివల్ల వైఫై స్లో అవుతుంది. మెరుగైన సిగ్నల్ కోసం రూటర్ను ఇంటి మధ్య భాగంలో, ఎత్తైన, ఖాళీ ప్రదేశంలో ఉంచాలి. అలాగే వారానికి ఒకసారి రీస్టార్ట్ చేయడం, అవసరమైనప్పుడు అప్డేట్ చేయడం వల్ల పనితీరు మెరుగుపడుతుంది.
66
చిన్న జాగ్రత్త.. పెద్ద రక్షణ
డిజిటల్ యుగంలో WiFi భద్రతను నిర్లక్ష్యం చేయడం ప్రమాదకరం. మీ ఇంటర్నెట్ను ఇతరులు అనుమతి లేకుండా ఉపయోగిస్తే స్పీడ్ తగ్గడమే కాకుండా వ్యక్తిగత సమాచారం కూడా ప్రమాదంలో పడే అవకాశం ఉంది. అందుకే రూటర్ సెట్టింగ్స్ను తరచూ పరిశీలించడం, బలమైన పాస్వర్డ్ ఉపయోగించడం, భద్రతా ఫీచర్లను యాక్టివ్లో ఉంచడం చాలా ముఖ్యం. చిన్న జాగ్రత్తలు తీసుకుంటే మీ WiFi మరింత సురక్షితంగా, వేగంగా పనిచేస్తుంది.
