వోడాఫోన్ ఐడియా కస్టమర్లకు న్యూ ఇయర్ ఆఫర్ : రిఎంట్రీతో ఎక్కువ డేటా, డిస్ని+ హాట్ స్టార్ ఫ్రీ..

వోడాఫోన్ ఐడియా (Vodafone Idea) మూడు ప్రీ-పెయిడ్ ప్లాన్‌లను డిసెంబర్ 30న నిలిపివేసింది అయితే నేడు డిసెంబర్ 31న ఈ ప్లాన్‌లలో ఒకదానిని తిరిగి ప్రవేశపెట్టింది. వోడాఫోన్ ఐడియా(Vi) వెబ్‌సైట్ నుండి రూ. 501, రూ. 601, రూ. 701 ప్రీపెయిడ్ ప్లాన్‌లను తీసివేసింది కానీ ఇప్పుడు రూ. 601 ప్లాన్ తిరిగి వచ్చింది. 

డిస్ని+ హాట్ స్టార్  సబ్‌స్క్రిప్షన్ ఈ మూడు ప్లాన్‌లతో 1 సంవత్సరం పాటు అందుబాటులో ఉంది. మీకు డిస్నీ + హాట్‌స్టార్ సబ్‌స్క్రిప్షన్ ఉచితంగా కావాలంటే మళ్లీ మీరు రూ. 601, రూ. 901 లేదా రూ. 3,099 ప్లాన్‌లతో రిచార్జ్ చేసుకోవాల్సి ఉంటుంది.

వోడాఫోన్ ఐడియా రూ. 601 ప్లాన్  బెనెఫిట్స్ 
ఇంతకుముందు వోడాఫోన్ ఐడియా  ఈ ప్లాన్ తో 56 రోజుల వాలిడిటీ ఉండేది, కానీ ఇప్పుడు 28 రోజుల వాలిడిటీకి తగ్గించారు. ఈ ప్లాన్  రి-ఎంట్రీ తర్వాత ఈ ప్లాన్‌లో ప్రతిరోజూ 3జి‌బి డేటా అందుబాటులో ఉంటుంది. అంతేకాకుండా అన్ని నెట్‌వర్క్‌లకు ఆన్ లిమిటెడ్ కాలింగ్‌తో పాటు ఆల్‌నైట్ అండ్ వీకెండ్ డేటా రోల్‌ఓవర్‌ను కూడా లభిస్తుంది. ఈ ప్లాన్‌తో డిస్నీ + హాట్‌స్టార్ సబ్‌స్క్రిప్షన్ ఇంతకుముందులాగే 1 సంవత్సరం పాటు అందుబాటులో ఉంటుంది. ఈ ప్లాన్‌తో ప్రతిరోజూ 100 ఎస్‌ఎం‌ఎస్ లు కూడా అందుబాటులో ఉంటాయి.

ఎయిర్‌టెల్ అండ్ జియో కూడా 
ఇంతకుముందు రిలయన్స్ జియో రూ. 499, రూ. 666, రూ. 888 ఇంకా రూ. 2,499 ప్రీ-పెయిడ్ ప్లాన్‌లను నిలిపివేసింది. డిస్ని+ హాట్ స్టార్  సబ్‌స్క్రిప్షన్ ఈ నాలుగు ప్లాన్‌లతో ఒక సంవత్సరం పాటు అందుబాటులో ఉంది. డిస్నీ + హాట్‌స్టార్ సబ్‌స్క్రిప్షన్‌తో ఎయిర్‌టెల్ రూ. 398, రూ. 499, రూ. 558 ప్లాన్‌లను కూడా నిలిపివేసింది.