ఆపిల్ ఐఫోన్ లాంటి డిజైన్ తో ఒప్పో రెనో 7 సిరీస్.. ఒకేసారి మూడు 5జి స్మార్ట్ఫోన్లు లాంచ్..
కొన్ని లీక్స్ రిపోర్ట్స్ తర్వాత చివరకు చైనా (china)కన్జ్యూమర్ ఎలక్ట్రానిక్స్ (electronics)సంస్థ ఒప్పో (oppo)రెనో 7 సిరీస్ లాంచ్ చేసింది. ఒప్పో రెనో 7 5జి, ఒప్పో రెనో 7 ప్రొ 5జి, రెనో 7 ఎస్ఈ 5జి అనే మూడు స్మార్ట్ఫోన్లు ఒప్పో రెనో 7 సిరీస్ క్రింద ప్రవేశపెట్టింది. ఈ స్మార్ట్ఫోన్లన్నింటికీ పంచ్హోల్ డిజైన్తో కూడిన ఏఎంఓఎల్ఈడి(AMOLED) డిస్ప్లే ఇచ్చారు.
ఒప్పో రెనో 7 5జి ఇంకా రెనో 7 ప్రొ 5జి ఫోన్లు రెండూ ఐఫోన్ 13 సిరీస్ వంటి ఫ్లాట్ ఎడ్జ్డ్ డిస్ప్లే లభిస్తుంది. సింపుల్గా చెప్పాలంటే సాధారణంగా ఫోన్లో కనిపించే కర్వ్డ్ డిస్ప్లే డిజైన్ ఇప్పుడు ఫ్లాట్గా మారింది. ఈ మూడు ఫోన్ల ఫీచర్లు, ధర గురించి తెలుసుకుందాం...
ఒప్పో రెనో 7 5జి, రెనో 7 ప్రొ 5జి ధర
ఒప్పో రెనో 7 5జి 8జిబి ర్యామ్, 128 జిబి స్టోరేజ్ ధర 2,699 చైనీస్ యువాన్ అంటే దాదాపు రూ. 31,500, అయితే 8జిబి ర్యామ్ 256 జిబి స్టోరేజ్ ధర 2,999 చైనీస్ యువాన్ అంటే దాదాపు రూ. 35,000. ఈ ఫోన్ ఇప్పుడు 12 జిబి ర్యామ్ 256 జిబి స్టోరేజ్లో కూడా పరిచయం చేసింది, దీని ధర 3,299 చైనీస్ యువాన్ అంటే దాదాపు రూ. 38,500. ఒప్పో రెనో 7 ప్రొ 5జి ప్రారంభ ధర 3,699 యువాన్లు అంటే దాదాపు రూ. 43,200. ఒప్పో రెనో 7 ఎస్ఈ 5జి ప్రారంభ ధర 2,199 యువాన్లు అంటే దాదాపు రూ. 25,700. ఈ మూడు ఫోన్ల గ్లోబల్ లాంచ్కు సంబంధించి ప్రస్తుతం ఎటువంటి వార్తలు లేవు.