దేశంలో వన్ ప్లస్ నార్డ్ 2 ప్యాక్-మ్యాన్ ఎడిషన్ సేల్ మంగళవారం మధ్యాహ్నం 12 గంటల నుండి ప్రారంభమవుతుంది. అయితే 12జి‌బి + 256జి‌బి వేరియంట్ మాత్రమే ఇండియాలో సేల్ కి అందుబాటులో ఉంటుంది. దీని ధర రూ.37,999. వినియోగదారులు దీన్ని వన్ ప్లస్ ఎక్స్‌పీరియన్స్ స్టోర్‌లు, వన్ ప్లస్.ఇన్, అమెజాన్ నుండి కొనుగోలు చేయవచ్చు.
రూ.2000 తగ్గింపు
వినియోగదారులు వన్ ప్లస్ నార్డ్ 2 ప్యాక్-మ్యాన్ ఎడిషన్‌ను కొనుగోలు చేసేటప్పుడు అదనంగా రూ.2000 తగ్గింపును కూడా పొందవచ్చు. అమెజాన్ లో సిటీ బ్యాంక్ వినియోగదారులు మూడు లేదా ఆరు నెలల ఈ‌ఎం‌ఐ ఆప్షన్ పై ఇన్స్టంట్ బ్యాంక్ డిస్కౌంట్ రూ. 1000 నుండి రూ.1250 వరకు తగ్గింపు పొందవచ్చు.
వన్ ప్లస్ నార్డ్ 2 ప్యాక్-మ్యాన్ కొనుగోలుపై మూడు నెలలు స్పోటిఫై ( Spotify) ప్రీమియంను కూడా ఉచితంగా పొందవచ్చు. అయితే రెడ్ కేబుల్ క్లబ్ ప్లాట్‌ఫారమ్ ద్వారా ఈ ఆఫర్‌ను పొందవచ్చు. అయితే కొన్ని నిబంధనలు, షరతులు వర్తిస్తాయి.
వన్ ప్లస్ నార్డ్ 2 ప్యాక్-మ్యాన్ ఫీచర్లు
1.పెద్ద 4500mAh డ్యూయల్ సెల్ బ్యాటరీ, దీన్ని కేవలం 30 నిమిషాల్లో 0-100% వరకు ఛార్జ్ చేయవచ్చు.
2.90Hz ఫ్లూయిడ్ AMOLED డిస్‌ప్లే, డ్యూయల్ 5జి సిమ్ కార్డ్ స్లాట్‌లు, ఆక్సిజన్ ఓఎస్ 11.3 ప్రీ ఇన్‌స్టాల్ తో వస్తుంది
3.ఈ స్మార్ట్ ఫోన్ MediaTek డైమెన్సిటీ 1200-AI చిప్‌సెట్‌తో పని చేస్తుంది. లేటెస్ట్ కెమెరా ఫీచర్స్ తో పాటు వన్ ప్లస్ నార్డ్ 2 ప్యాక్-మ్యాన్ ఎడిషన్‌లోని MediaTek డైమెన్సిటీ 1200-AI చిప్‌సెట్ ఒరిజినల్ వన్ ప్లస్ నార్డ్ కంటే 65% వేగవంతమైన CPU పనితీరు, 125% మెరుగైన GPU పనితీరును అందిస్తుంది.
4.శక్తివంతమైన కెమెరా హార్డ్‌వేర్, వార్ప్ ఛార్జ్ 65తో కూడిన పెద్ద 4500mAh బ్యాటరీ, సాధారణ వన్ ప్లస్ నార్డ్ 2 లాగే వేగంగా పని చేస్తుంది.
5.డివైజ్ వెనుక భాగంలో 50ఎం‌పి ఏ‌ఐ ట్రిపుల్ కెమెరా లభిస్తుంది. ఇంకా ఆప్టికల్ ఇమేజ్ స్టెబిలైజేషన్‌కు సపోర్ట్ చేస్తుంది అలాగే సోనీ IMX766 సెన్సార్‌ కూడా ఉంది.
6. రింగ్‌టోన్‌లు, ఫోటో స్టిక్కర్లు, మరిన్నింటిని కూడా ఆఫర్ చేస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి