ఎయిర్టెల్ కస్టమర్లకు గుడ్ న్యూస్.. జియోకి పోటీగా ఇప్పుడు ఈ ప్లాన్తో ఎక్కువ డేటా..
దేశీయ టెలికాం దిగ్గజం ఎయిర్టెల్(airtel) వినూత్న రీఛార్జ్ ప్యాకేజీతో వస్తుంది. సునీల్ మిట్టల్(sunil mittal) యాజమాన్యంలోని కంపెనీ ఇప్పుడు 500MB ఉచిత డైలీ డేటాను అందించడం ప్రారంభించింది. ఎయిర్టెల్ థాంక్స్(airtel thanks) గివింగ్ యాప్ ద్వారా వినియోగదారులు రోజుకు 0.5GB లేదా 500MB డేటాను రీడీమ్ చేసుకోవచ్చు.
ఈ ప్రత్యేక ఆఫర్ ప్రీపెయిడ్ రీఛార్జ్(prepaid recharge) ప్లాన్లతో మాత్రమే వాలిడిటీ అవుతుందని గమనించాలి. అయితే ఈ ప్లాన్ కొత్తగా ప్రవేశపెట్టిన ప్లాన్ కాదు, కానీ కొత్త ఇప్పటికే ఉన్న ప్లాన్కు కొత్త ప్రయోజనాలను జోడించింది. విశేషమేమిటంటే ఈ డేటా పూర్తిగా ఉచితంగా లభిస్తుంది. దీని కోసం వినియోగదారులు ప్రత్యేకంగా ఎలాంటి రుసుము చెల్లించాల్సిన అవసరం లేదు.
ఇప్పుడు రూ. 249 ప్రీపెయిడ్ ప్లాన్తో 500MB ఉచిత డేటా కూడా చేర్చింది. ఈ ప్లాన్ తో రోజుకు 1.5GB ఉచిత డేటాను అందిస్తుండగా ఇప్పుడు మొత్తం డేటా పరిమితి రోజుకు 2GBకి పెంచింది. అదనంగా ఈ ప్లాన్ తో ఆన్ లిమిటెడ్ వాయిస్ కాలింగ్, ఎయిర్టెల్ థాంక్స్ బెనెఫిట్స్ తో పాటు రోజుకు 100 ఎస్ఎంఎస్ లను అందిస్తుంది. రూ.249 ప్రీపెయిడ్ ప్లాన్ 28 రోజుల వాలిడిటీ ఉంటుంది, అయితే ఈ ప్లాన్ గతంలో రోజుకు 1.5GB డేటాను అందించింది, అంటే మొత్తం 42GB డేటా. ఈ ప్లాన్ వినియోగదారులు ఇప్పుడు 28 రోజుల వాలిడిటీలో రోజుకు 2GB డేటాను యాక్సెస్ చేయవచ్చు.