ఈ కామర్స్ దిగ్గజం అమెజాన్ అలెక్సా అమితాబ్ బచ్చన్ గత సంవత్సరం సెప్టెంబర్‌లో భాగస్వామ్యం చేసుకున్నారు. ఇప్పుడు అంటే ఒక సంవత్సరం తరువాత అమెజాన్ అలెక్సాకు అమితాబ్ బచ్చన్ వాయిస్ అందించింది. అమెజాన్ అలెక్సా ఇప్పుడు బిగ్ బి వాయిస్‌లో మీ ప్రశ్నలకు సమాధానం ఇస్తుంది.
అమితాబ్ బచ్చన్ అమెజాన్ అలెక్సాకి తన స్వరాన్ని అందించిన దేశంలో మొట్టమొదటి సెలెబ్రిటి అయ్యాడు. అంతకుముందు 2019లో అలెక్సాకి మొదటిసారిగా అమెరికాలోని సెలెబ్రిటి తన స్వరాన్ని అందించారు అతను ఎవరో కాదు అమెరికన్ హీరో అండ్ నిర్మాత శామ్యూల్ ఎల్. జాక్సన్.
మొదటి విషయం ఏమిటంటే అలెక్సాపై అమితాబ్ బచ్చన్ వాయిస్ వినడానికి కొంత డబ్బు ఖర్చు చేయాల్సి ఉంటుంది. ఆన్యువల్ సబ్ స్క్రిప్షన్ ప్రారంభ ధర రూ 149, అయితే దీని అసలు ధర రూ 299. సెటప్ చేయడానికి మీరు "అలెక్సా, ఇంట్రోడ్యూస్ మీ టు అమితాబ్ బచ్చన్" అని అలెక్సాతో చెప్పాలి. ఆ తర్వాత మీరు పేమెంట్ చేయాలి తరువాత అలెక్సా స్పీకర్ అమితాబ్ బచ్చన్ వాయిస్‌లో మాట్లాడటం ప్రారంభిస్తుంది.
సెట్టింగ్‌లు పూర్తయిన తర్వాత మీరు అమిత్‌జీ అని చెప్పి అలెక్సాతో మాట్లాడవచ్చు. అమెజాన్ ప్రకారం మీరు అలెక్సా ద్వారా అమితాబ్ బచ్చన్‌తో నవ్వవచ్చు, జోక్ చేయవచ్చు ఇంకా కవితలను కూడా వినవచ్చు.