భారత దేశ అతి పెద్ద టెలికాం ఆపరేటర్ రిలయన్స్ జియో కస్టమర్ల కోసం ఐదు కొత్త ప్రీ-పెయిడ్ ప్లాన్‌లను ప్రవేశపెట్టింది. రిలయన్స్ జియో కొత్త ప్రీ-పెయిడ్ ప్లాన్ ప్రారంభ ధర రూ .499. ఓ‌టి‌టి యాప్‌లకు సబ్‌స్క్రైబ్ చేయాలనుకునే కస్టమర్ల కోసం జియో ఈ ప్లాన్‌ను ప్రారంభించింది.
ఈ జియో ప్లాన్‌లన్నీ ఒక సంవత్సరం పాటు డిస్నీ + హాట్‌స్టార్ సబ్‌స్క్రిప్షన్‌తో వస్తున్నాయి. అలాగే ఈ ప్లాన్ తో ఆన్ లిమిటెడ్ కాల్స్, డాటా, ఎస్‌ఎం‌ఎస్, జియో యాప్స్ అండ్ ఇతర పొందుతారు. సెప్టెంబర్ 1 నుండి ఈ ప్లాన్‌లు అందుబాటులోకి రానున్నాయి.
ఈ కొత్త ప్లాన్ల ద్వారా డిస్నీ + హాట్‌స్టార్ కంటెంట్ లైబ్రరీలో ఇంగ్లిష్ భాషలో ఇంటెర్నేషనల్ కంటెంట్, డిస్నీ + ఒరిజినల్స్, డిస్నీ టివి షోస్, మార్వెల్, స్టార్ వార్స్, నేషనల్ జియోగ్రాఫిక్, హెచ్‌బి‌ఓ, ఎఫ్‌ఎక్స్, షో టైం ఇంకా మరెన్నో ఆఫర్ చేస్తుంది. ఇప్పటి వరకు జియో డిస్నీ+ హాట్ స్టార్ విఐపి సబ్ స్క్రిప్షన్ కింద లైవ్ స్పోర్ట్స్, హాట్ స్టార్ స్పెషల్స్, మూవీలు, టివి షోలకు యాక్సెస్ లభించేది.
జియో రూ .499 ప్లాన్
ఈ కొత్త రూ .499 ప్లాన్ వాలిడిటీ 28 రోజులు. ఇందులో ప్రతిరోజూ 3జి‌బి డేటా, అన్ని నెట్‌వర్క్‌లకు ఆన్ లిమిటెడ్ కాలింగ్, మెసేజింగ్, డిస్నీ + హాట్‌స్టార్ సబ్స్క్రిప్షన్ లభిస్తాయి.
జియో రూ .666 ప్లాన్
ఈ ప్లాన్ తో పాటు డిస్నీ + హాట్‌స్టార్ సబ్స్క్రిప్షన్, వాలిడిటీ 56 రోజులు, ప్రతిరోజూ 2జి‌బి డేటా, ఆన్ లిమిటెడ్ కాలింగ్, మెసేజింగ్ లభిస్తాయి.
జియో రూ. 888 ప్లాన్
ఈ ప్లాన్ తో పాటు డిస్నీ + హాట్‌స్టార్ సబ్స్క్రిప్షన్, వాలిడిటీ 84 రోజులు, ప్రతిరోజూ 2జి‌బి డేటా, ఆన్ లిమిటెడ్ కాలింగ్, మెసేజింగ్ లభిస్తాయి.
జియో రూ.2,599 ప్లాన్
ఈ ప్లాన్ వాలిడిటీ 365 రోజులు, ప్రతిరోజూ 2జి‌బి డేటా లభిస్తుంది. ఇందులో కూడా డిస్నీ + హాట్‌స్టార్ సబ్స్క్రిప్షన్ ఉంటుంది. ఈ ప్లాన్‌లో ఆన్ లిమిటెడ్ కాలింగ్, మెసేజింగ్ చేసుకోవచ్చు.
జియో రూ .549 ప్లాన్
జియో రూ .549 ప్లాన్‌ను కూడా ప్రవేశపెట్టింది, ఈ ప్లాన్ డాటా యాడ్ ఆన్ ప్లాన్. ఈ ప్లాన్‌తో ప్రతిరోజూ 1.5జి‌బి డేటా అందుబాటులో ఉంటుంది. దీని వాలిడిటీ 56 రోజులు.